السفر الى الكويت

[تنا ورنا]

بسم الله الرحمن الرحيم


السلام عليكم ورحمة الله وبركاته ..

شحالكم ياكويتيات ..

اول مره أكتب موضوع ....---> منحرجه

لكن متابعتكم وأحبكم وأحب سوالفكم العسل ...

بنات بغيت منكم مساعده ... حابه ازور الكويت لأنها البلد الوحيده الخليجيه اللي لين الحين مازرتها

وعندي فضوووووووووووووول كبير أني ازورها واشوفها ...

بس ماعرف شنهو أحسن الاماكن والفنادق والأماكن الشرحه ...

المطاعم + المولات + شنهو اشتري من الكويت ؟؟؟؟؟؟؟

أحب اشتري الأساور اللي دارجه هالسنه .. وين الاقي بنات يبيعونها ..

شنهو اقدر اشتري شي مميز من الكويت واجيبه بلادي ابهر فيه ربعي وأقول لهم هذا من الكويت :ggdw:


ياربي اني ماطولت عليكم .. بس ماعرف اذا كان موضوعي فالمكان الصحيح ..

سامحونا ...

 

[sara2000]

حياج الله بديرتج .. تزورينا بالسلامه :68_asmilies-com:

المطاعم بشارع الخليج .. والأسواق أكبرهم الأفنيوز شامل أحسه .. وعلى شي مميز من الكويت ماادري ! :eh_s(1):

بحطلج صور مقتطفات من الأماكن اللي ممكن تزورينها .. وإن شاءالله البنات يساعدونج بعد

وأكثر شي امدحوه موفنبيك البدع .. فبحطلج معلومات عنه

1- موفنبيك البدع

1- الغرف : سوبيريور - ستاندرد - ديلوكس, تبدأ اسعار الغرف من 50-55 دينار.
2- السويت : غرفة - غرفتان - ثلاثة غرف, بمتوسط سعر 130 دينار.
3- امباسدور سويت(نظام شقة) : غرفتين - ثلاثة غرف.
4- فيلا بأربعة غرف, مكونة من طابقين, و بها صالة واسعة مع مطبخ و غرفة طعام.
محتويات : يضم الفندق بالخارج عدد كبير جداً من الكافيهات و المطاعم الفاخرة(12مطعم و مقهى تقريبا).

2- هيلتون المنقف

3- فندق و منتجع شاطئ النخيل

 

[sara2000]

وهذا قسم السياحه بالكويت

http://www.q8yat.net/forumdisplay.php?f=165

 

[**دانات**]

حياج الله بالكويت

 

[بنفسجية]

اذا تبين اشياء غريبة
مري دار يوشا
خلف الكنيسة ، تلقين فيها سوالف الاسوار و هالشغلات
و اغلب الاساور تلقينها بالمعارض ..
اذا تحبين
انا اعرف كذا وحدة تسوي هالسوالف شغل ايدها
اساور
اكسسوارات شعر
و هالشغلات ،
اذا وصلتي تقدرين تتصلين فيهم
و تتفقون شلون بورونج شغلهم!

 

[تنا ورنا]

حبيباتي والله

ماقصرتوا

لكن بعد ماقلتوا لي اذا فيه معارض او لا ..؟؟؟ لاني ادور شغل بنات الكويت لانه بصراحه مميز

 

[نفيشه]

المجمعات:
الافينيوز..((اكبر مجمع))..وفيه ايكيا وكارفور وسينمات ومطاعم وكافيهات
مرينا مول فيه سينما ..((ومقابله مرينا كرسنت يصير مطاعم عندج زيت وزعتر عجيب حق الريوق وكافيهات وفندق راقي على البجر وبينهم جسر))
سوق شرق على البحر وفيه مركز سلطان وسوق السمك والخضرة وكذلك فيه سينما
المهلب بحولي وفيه سينمات ومطاعم
الفنار-ليلى جاليري-البستان-بلازا-ماركس اند سبنسر ومركز سلطان ومذركير..هذولا على نفس الشارع
الراية مجمع راقي فيه ماركات حلوة..((وفيه فندق راقي))
سوق المباركية..((شعبي وقديم لكن حلو))
سوق السالمية الاحمر وسيتي سنتر كلشي فيه رخيص
مجمع الصالحية..ماركات كله
مجمع الرحاب..((لالعاب السوني))
سوق المعلم الشعبي بحولي
مجمع الكوت
مجمع المنشر
المطاعم:
على امتداد شارع الخليج كله مطاعم وكافيهات مثل:
برج الحمام-نينو-فرايديز-تشيليز-ابلبيز-لونوتر(حق الريوق عجيب)-ميس الغانم-...الخ

الاماكن المميزة:
طبعا المحلات والماركات بكل مكان ماراح اتكلم عنها
لكن عندنا اسواق بو امية فلس هذي تووووووووووووونس كلشي فيها رخيص وب 100 فلس بس يعني تاخذين المحل كله ومايطلع 10 دنانير
بس طبعا الاشياء كلها بسيطة واستهلاكية وخرابيط تونس وهالاسواق موجوده بسوق السالمية الاحمر والمعلم اللي بحولي

الاماكن السياحية:
الابراج .. فيها مطعم وكافيه
حديقة الشعب على البحر فيها ملاهي ومطاعم وسينما وتزلج وغالبا سيرك وتونس عائلية
المدينة الترفيهية بالدوحة فيها ملاهي ومطاعم
المركز العلمي على البحر فيه اكويريم صغيرة وعالم الاستكشافات وسينما وافلام علمية
سليل الجهراء
منتجع شيك
منتزه الخيران

المعارض:
ارض المعارض بمشرف
معرض بيت 32
معرض بيت ديمه حلف الكنيسة
معرض بيت ديفا وكريزما
هذولا على طول موجودين وفي معارض وايد


ومادري شنو بعد احس اني قرقت واااايد خخخخخخخخخ

 

[bambena]

شوفي هوتيل ايبيز بالسالميه سعره وموقعه ممتاز

 

[عالمة_جيولوجيا]

والشقق الفندقيه عندنا هم ارخص بوايد عن الفنادق جربي بودل بشارع المطاعم السالمية