السعابيل وولدي

[أمـ مبارك]

مرحبا بنات




شلونكم






ادري عنواني موحلو بس شسوي ?



ولدي عمره سنه وشهر
ولي الحين على الصدريات باليوم ابدلهم عشر مرات
بسبت سعابيه وبكثره


اذبحتني السعابيييييل واحسه اسم الله عليه كبر وكل اللي بعمره واللي اصغر منه من زمان قاطين صدرياتهم




لاتقولون اسنان اسنانه من زمان الحمدالله طالعين



ياريت اللي عندها خبر او خلفيه بهالموضوع تفيدني

 

[اذوب بكلامه]

والله ما ادري انا بنتي اول مادخلت الرابع للسادس وهي مغرقه نفسها تغريق بالسعابيل
والحين هي بالسابع وخفت السعابيل كثثثثير

 

[أم معاذ الكندري]

ماعندي فكره بس أتوقع يمكن ماياكل يعني معتمد ع المميه أو الهايه أنا بنتي بالرابع والسعابيل فلم

 

[ليالى الحنين]

نفس الحاله ولدي للحين يسعبل مع انه كبير

 

[بنت الوفا]

نفس الحاله

 

[أمـ مبارك]

ياليت يابنات تعطونا تجارب او شي يخفف هالحاله



لا ولدي ماعنده لهايه والمميه مايشربها الا مرتين باليوم الباقي اكل

 

[الاخلاص]

نفسسس ولدي بيكمل3 للحين

 

[بحور العنا]

اللي اعرفه ان السعابيل تصاحب البيبيات اللي اعمارهم شهووور مو اكثر بس انتي سنه ونص !!

انت وديه لدكتور اطفال وخليه يشوفه وان شاء الله مافيه الا العافيه

 

[.:lady bug :.]

حبيبتي ولدي عمره سنتين وع طول يسهبل
والسبب لحميه كبيره بخشمه
قالي دكتور محمد سعيد


ولمن وحده شافته قالت وي ولدج مثل عيالي يسعبلون
منن اللحميه عدل قلت لَهَـِْ♡̨̐ـِْا اي

 

[Emanii]

ولد خالتي لييي ٤ سنيين شكثر يسعبل !!! بس كبر راحت السعابيل لا تحاتين

 

[انا لها شمس]

لا حبيبتي في علاج عند العطار للي جذي
بس روحي وقوليله ولدي وايد يسعبل
اهوا اعشاب

او روحي عند حريم فاهمين باليهال لانه هذي مشكله بسيطه عند اغلب البيبيات

 

[تمني]

لاتبوسونه بفمه كثيرررر

 

[أمـ مبارك]

مشكورين لردودكم



والله عن اللحمه مادري بس يبيله اوديه الطبيب

وماقصرتو والله

 

[حبيبي مالكني]

نحن بالبحرين النسوان الكبار السن
ياخذون سمجه(سمكة) حيه يحطونها على حلج الياهل يوقف مايراري(توقف سعابيييله)
هههههههههههههههههه
عادات وتقاليد تضحك

 

[عاشقة الككاو]

هههه يونسون العياييز


طمنينا خيتووو
وانا ولدي نفس المشكلة لازم ابدل له بلوزته اكثر من مرة

 

[كستنائيـة ع ـسل]

انا ولدي عمرره ٥ اسمله عليه وجنني كله يسعببل

 

[M!SS.LOBY]

ممكن مسنن بتطلع له اسنان