السحر والسحره والي يتعاملون معاهم

[Kuwait]

حياكم الله

 

[LajoOona]

موضوعج قوي واشكرج انج طرحتيه لان فعلا وايد ناس غافله الله يهديهم ويشافي المسحورين ويفك عوقهم

 

[جوويره]

الله يكافينا شر السحور والله يبعدنا عنها استغفر الله
بس اذكر مره من المرات كنا في شاليهنا وفي يهال يلعبون بره الشاليه صوب البحر
والمايه كانت جزر والصخر مبين ولقو اليهال بين الصخر شي مدور لونه اخضر
يابو عصا وطلعوه غصب وقامو يلعبون فيه مثل الكره كل واحد يحذفه على الثاني..صج يهال مايدرون شالسالفه وانا والله مثلهم مااعرف هالاشياء بس مرت عمي شافتهم واهيا عرفت بسرعه نادتهم وخذته منهم ويابته بالغرفه قالت شوفو شنو لقيت عند اليهال امبيه ولا سحرررر اول مره اشوف سحرر استغفر الله ولا اهو عباره عن خرجه لونها اخضر من بره مربوطه بشكل دائري المهم فتحوه اللي موجودين بالغرفه ولا جيس نايلون داخل وفتحوه ولا جيس داخل جيس مسوينه بطريقه ان مايحوشه الماي ويخترب اعوذ بالله ياويلهم من الله وبالنهايه بعد مافتحو النايلون والاجياس اللي داخل لقو ورقه مصفوطه صغييررره وفتحوها ولا اهي ورقه طوييييله شطولها
ومكتوب فيها كلام بالحبر مكتوب فيها اسمين واحد اسمه خالد والثاني خلود والمطلوب ان خالد يبعد لسانه عن اللي اسمها خلود الظاهر في بينهم مشاكل
امبيه يبون يربطون الريال استغفر الله وشوفو سبحان الله البحر ياب السحر لما شاليهنا وغطس السحر بين الصخر والله ياب اليهال علشان يلقونه
وان شالله تبطل السحر
وبعد في كلام مافهمناه مااذكره والله
بس حبيت اقولكم عن السحر اللي شفناه وعقابهم عند الله عسير يمهل ولا يهمل
والله يبعدنا عن الدجالين يارب
قولو امييييين

 

[LajoOona]

ذكرتيني بسالفه جويره قالها لي ابوي الله يرحمه
يقول كانو اهو وربعه طالعين الحداق يقول ولا واهم قاعد ينزلوون الطراد الفير ولا في حرمتين لابسين عبي ونظارات شمسيه كبيره علشان مايبينوون قاموو وقطوو جيس بالبحر وبسرعه راحوو يقول احنا شكينا والجيس بسرعه غطس بالماي مع انه المفرووض يطفح يقول هدينا الي بيدنا ورحنا بسرعه صوب الجيس وطلعناه ولا حطين بالجيس مثل ثقل علشان ينزل ولما بطلووه ولا فيه مثل لعبه قطن على شكل جسم انسان ومقززين باللعبه هذي كلها دبابيس ورابطين حلجها وعيونها وحاطين شعر واظافر واوراق فيها طلاسم
عاد يقول انه معاهم واحد دين قام وقرا عليه وفج وبطل السحر ولا جان ساحرين الريال الله يغربلهم, اذكر لما قالي السالفه كش شعر ينبي حسبي الله عليهم مايخافوون من الله.

وهم مره زوجي كان بكلية الشرطه يقول في ورا بالكليه براحه مهجووره مافيها احد ولا احد يقرب صوبها يقول احنا فاضين قاعد نتمشى صوب البراحه المهجوره ولا انشووف ضب مخيطين حلجه وعينه يقول قمنا وفجينا الخياط الي بعينه وحلجه ولا داخل حلجه في ورقه كاتبين اسم نسيت شنو الاسم يقول قام واحد من ربعه وتكرمون بال عليه علشان يفجوون السحر .

 

[جوويره]

ورحنا بسرعه صوب الجيس وطلعناه ولا حطين بالجيس مثل ثقل علشان ينزل ولما بطلووه ولا فيه مثل لعبه قطن على شكل جسم انسان ومقززين باللعبه هذي كلها دبابيس ورابطين حلجها وعيونها وحاطين شعر واظافر واوراق فيها طلاسم
بسم الله الرحمن الرحيم اعووووووذ بالله في ناس جذيه تسوي؟
الله يكافينا شرررهم

 

[Kuwait]

جويره ولجونه والله الناس يخرعون مافي رادع نفسي ولا اخلاقي ولاديني
استغفر الله مايخافون الله والله عذاب هالشي عظيم
ياليت في حلول شفنا كذا موقف بس نبي حلول

 

[aBoOoRa]

مشكوره عالموضوع المفيد لان في وايد غافلين عن هالشغله وفعلا السحر واقع خطيييييييييير في الكوووون كله الله يبعدنا عنه ويكفينا شره​

 

[Kuwait]

هلا ابوره الله يحمينا يابنت الناس
بنات منو عندها شيخ مضمون
انا اعرف بالجهرا بس بعد ودي اعرف اكثر

 

[شندوخه]

لاحول لا قوه الا بالله حسبي الله ونعم الوكيل

 

[Kuwait]

اشكر تفاعلكم خواتي

 

[عذبه الصوت]

كويتيه حبيبتي

اللي يمر بهذا الشي ماوده يتذكره لانه مجمووووووووووعه من الالم والحزن

 

[supermarket]

لا حول و لا قوة الا بالله ..

لا صدقي حبيبتي فيه ناس ما تخاف ربها فيه سالفه صاير حق ناس قراب مني و اعرفهم عز المعرفه ..

و الله لو اقولكم سالفتهم يشيب راسكم قسما بالله محطوطلهم سحر و بناتهم ما ينخطبون نهائيا و لا يجونهم خطاطيب بالمره و لا احد يدش بيتهم مسويلهم صده عن الناس كلها لا و اللي مسويتلهم سحر من اهلهم تخيلو المره مستانسه وتزوج بناتها و محسره بهذيله حرام عليها اللي ما تخاف ربها و الله اني اقولكم جزء من معاناتهم ما قتلكم السالفه كلها و الله يشيب راسكم كل هذا بسبة انه المره اللي ساحرتهم تغار منهم و لا تحبهم واهيا من اهلهم تخيلووووو حتى بيتهم ببيعونهم عشان يفتكون من اللي اهما فيه و الله البيت مو راضي ينباع الكل يدش ينعجب بالبيت بس من يطلع يغير رايه على طول لا حول و لا قوة الا بالله يا بنات تكفون ادعولهم انه ربي يشافيهم و الله اني قتلكم شي من لا شي ..​

نفس قصتنا انا وخواتي

ادعوولنا

 

[Kuwait]

عذبه الصوت كلامج صح بس عالاقل تساعد البنات في ايجاد حل او تذكر شلون فجت السحر وعند اي شيخ

سوبر ماركت الله يحميكم ماجربتاو تييبون شيخ ؟ او تروحون له ؟.

 

[أم الورود]

سوبر ماركت الله يعافيج انتي وخواتج
اللهم من عمل لكم هذا العمل ان يرده اليه آآآآآآآآآآآآمين
حسبي الله ونعم الوكيل فيهم
اللهم رد كيدهم في نحورهم

 

[Kuwait]

اللهم امين

 

[سنابل]

واااااااااااااااااااااي تصروعت !!

كش شعر ينبي و انا اقرى هالقصص !!

الله يحفظنا بحفظه ياربي و يجعلنا من اللي يحافظون على الاذكار و قراءة القرآن

 

[Kuwait]

اللهم امين اختي سنابل وجميع المسلمين والمسلمات يارب