السحر والسحره والي يتعاملون معاهم

[paris]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

واي الحمدلله ما صار لي هالموقف

وانا دايما سوره البقره اقراها ودايما الشريط شغال في البيت

ويه الله يكافينا الشر

ما ادري عاد هاللي تسحر وتخسر ربها وآخرتها شتبي تستفيد
يا محتره من فلانه والا تنتقم من فلانه

شنو اشرك بربي علشان الناس
صج ما عندهم سالفه

لوجربوا طريق احسن من السحر وهي انها ترفع يدينها لربها وتدعيه والله يعوضها بشي احسن من للي في بالها

بس الواحد يقول الحمدلله على العافيه

 

[Kuwait]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

اي والله يا اختي صدقتي

واللي تبي رقم الشبخ بو عبدالحمن هذا رقمه ولاتنسوني من دعائكم

7977509

 

[أميرة الورد]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

والله بنات بقولكم مشكلتي وانتوا ساعدوني لأنيي مو عارفة لها الحل أنا قالوا لي انه علي تابعه اهي اللي تأذيني أيام ما كنت متزوجة حملت مرتين وطاح البيبي وقبل لا يطيح بليلة احلم بقطوة سوده على طول أبدا ما اصبح الصبح الا طايح البيبي وقروا علي وكل وانا اقرا بعد ما اخلي نفسي بس المشكلة أنه التابعه هذي رابطتني عن الزواج يعني اللي ايي يخطبني يا الرفض يصير منهم يا مني .. والله بنات خطبني واحد وكان ميت علي استذبح على ما خطبني وأهلي وافقوا ألحين ما مملجنا جنه حاشته صده .. بنات ساعدوني ولكم الأجر

 

[Kuwait]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

بعطيج رقم شيخ ممتاز روحيله كل من بتروحله بتدعيلي طول عمرها والله
بو عبد الرحمن 7977509 بيته بالجهرا ويستاهل العنوه

 

[الجورية الحمراء]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

أضم صوتى لج يا كويت

أنا بعد تعرضت بلأزمة ما أدرى سببها .. بس رحتلة وقالى حاشتج عين وأعوينة قوية بعد
واللة يا بنات على اللة وعلى هالشيخ.. جزاااااااااااة اللة خير,,

 

[شهد_الكويت]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

الله يكافينا شر السحر ويمينا منه يارب اقرو علي نفسكم مو شرط شيخ اقرو بالبيت واقري بالماي ولتزمي بصلاتج وانشالله ما راح يصير فيكم شي انشالله

 

[طير الحب]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

الله يكافينا الشر

 

[Kuwait]

مشاركة: انسحرتي ؟؟ تعرضتي لسحر ؟ لاتحرمين خواتج من الأستفاده وكسبي الأجر

اي والله يعني الوحده ترقي نفسها وايد زين
بس اختي تعرفين مرات لما الوحده تتعب حيل خصوصا سحر تصير جنها رجل الي ماتحس بشي ولازم تروح لشيخ يساعدها
هذا رقم الشيخ للحالات القصوى وان شاءالله ماتحتاجونه الا بالخير

 

[حبــوبــة الكــويت]

انا بعرف شغله وحده بس

يعني معقوله ان في وحده عادي عندها تطلع من رحمة الله وتنحرم من الجنه ومن حتى ريحها عشان تفرق بين فلان وفلانه او عشان تعمي بصيره ريلها او اهلها عن افعالها والا الي يسوي سحر ويتعامل مع الشياطين عشان ياخذ الي يبيه من الدنيا وما همه الاخره ؟؟؟

هل يعقل ان في ناس بهالغباااااء

انا اعرف وحده حاولت انها تسوي سحر حق ريلها وماطوعها قلبها وقطته لخروووف عندهم بالبيت تصورو ان الخروف صار يلحقها لي طلعت من البيت وراها وراها لين مات وطلع منه دوووود

وطبعا كانت مسويه سحر عشان ريلها يصير خاتم باصبعها واعترفت حق ريلها بكل شي وريلها تفهم لكنه ماصار نفس قبل الحبيب الي مايشك بزوجته لاء صار يحاسبها عالزله وعالغلطه وصار يخاف ياكل من ايدها ويخاااف اكثر اذا سوت اكله يديده وتبي رايه يشك انه فيه عمل وتزوج عليها لانه حبه لها قل بسبب فعلتها ؟؟؟؟

شسالفه البنااات المراهقات وسوالف اذا تبين حبيبج يدق عليج يبي قلاص ماااي في ثلث ماي بس وطالعيه ساعه وبعدها على طول تلفونج يرن ويدق حبيبج ؟؟؟؟؟ شهالسخافه

والي تيي تسوي عمل حق طليق بنتها عشان مايتزوج ثانيه ولما يموت يشاركون احفادها بالحلال !!!! يعني تدشين النار عشان الفلوس لا ومو لها بعد

رايكم بنات ومواقف صارت معاكم لانه موضووووع كبير وقوي وماينسكت عنه​

 

[* مـذهـلـه *]

لا حول و لا قوة الا بالله ..

لا صدقي حبيبتي فيه ناس ما تخاف ربها فيه سالفه صاير حق ناس قراب مني و اعرفهم عز المعرفه ..

و الله لو اقولكم سالفتهم يشيب راسكم قسما بالله محطوطلهم سحر و بناتهم ما ينخطبون نهائيا و لا يجونهم خطاطيب بالمره و لا احد يدش بيتهم مسويلهم صده عن الناس كلها لا و اللي مسويتلهم سحر من اهلهم تخيلو المره مستانسه وتزوج بناتها و محسره بهذيله حرام عليها اللي ما تخاف ربها و الله اني اقولكم جزء من معاناتهم ما قتلكم السالفه كلها و الله يشيب راسكم كل هذا بسبة انه المره اللي ساحرتهم تغار منهم و لا تحبهم واهيا من اهلهم تخيلووووو حتى بيتهم ببيعونهم عشان يفتكون من اللي اهما فيه و الله البيت مو راضي ينباع الكل يدش ينعجب بالبيت بس من يطلع يغير رايه على طول لا حول و لا قوة الا بالله يا بنات تكفون ادعولهم انه ربي يشافيهم و الله اني قتلكم شي من لا شي ..​

 

[حبــوبــة الكــويت]

الله معاهم ويسهل لهم طريجهم ان شاء الله حبوبه قوليلهم يبون شيخ يقرى في بيتهم على طول ويشغلون ايه البقره دايما في بيتهم بالقران ينحل كل شي..

بقولكم سالفت اخوي..

الله يسلمكم اخوي كانت امي كل ماتخطبله وحده تصير مواقف مو طبيعيه تفل الخطبه مثلا خطبناله بنت وكل شي ولما بروووح نحدد يوم الملجه بعد اسبوع والا البنت ملجت وخلصت ؟؟؟؟؟؟؟ لا ونعرفهم بعد مو غرب

والمره الثانيه رحنا نخطبله وحده تصير لنا بالبدايه اهلها رضو ورحبو فينا ومدحو اخوي مدح مو طبيعي اليوم الثاني والا يدقون يقولون لا ولد عمها يبيها !!!!!!

فامي يابت شيخ يقرا بالبيت وقالها ان في دار اخوي شي يخص وحده كان يعرفها واهي الي مسويتله السحر امي قالت شسوي احرقه قالها لا خلي عندج بين اغراضج وبس

وبعدها خطبناله بنت وتزوجها والحين عنده عيال منها والحمدالله .​

 

[QUMAR]

مذهله :الله يفك عوقهم يارب والله هالناس اللي تتحجين عنهم يقطعون القلب باللي يصير لهم لكن ربج يمهل ولا يهمل سبحانه وبيشافيهم
حبوبة الكويت:الحمدالله اللي خلصت السالفه علي جذيه وعسي ربي يسعد أخوج ويهنيه ويكافيه شر عيال الحرام
القصه صارت الكل قام يستخدم السحر والعياذ بالله مادري ليش الناس ماقامت تخاف من رب العباد ومو حاسبين حساب لجهنم الله يجيرنا منها وأياكم يعني يبيعون آخرتهم بسوالف غيره وخرابيط مالها داعي
متي يتعظون الناس ياااااااااااااااااااااارب

 

[eman-77]

استغفر الله من كل ذنب

اهم لو الناس يتثقفون ويقرون العقوبه للي بس يروح للسحره مو اللي يسويه جان يخافون

بس بعد في ناس يدرون عن العقوبه ومايهمهم يروحون ويسوون

بس سالفة القلاص مال الماي عجيبه لووول

 

[omneyaty]

حبوبه السالفه اللي قلتيها شلون تقولين انها لرفيجتج هذي سالفه


شوي وتصير من التراث الكويتي هذي سالفه قايلتها لنا جدتنا الله يرحمها


منو عنده خروف بالبيت الحيين حلوه هذي


واللي منعمي قلبه عن الدين وما يصلي اكيد بتكون راعية هالسوالف


اللهم لا تجعل مصيبتنا في ديننا


الساحره ما تدش الجنه ولا تشم ريحتها هي اختارت الدنيا خلها تنفعها

 

[نور النت]

السحر من الكبائر الله يعيذنا وياكم منه ومن السحره المطرودين من رحمة الله

فعلا موضوع يستاهل المناقشه وبجديه

تسلمين اختي على هالطرح اللي انشالله ينور هالفئه الضاله بمجتمعنا وعسى الله يهديهم

امس وصلني بالايميل عن قصة خادمه تتعامل بالسحر ولما بغا ربي يفضحها خلى الياهل يسحب زبالتها وتخيلوا لقوا فيها اوراق من المصحف الشريف وعليها دم كانت تمسح فيهم نفسها من تحت بايام الدوره والايميل فيه صور لاوراق المصحف الشريف ولما سألوها ليش جذيه قالت عشان اتقرب من الشياطيين

الله يكافينا شرهم ويحفظنا منهم اميييين

 

[حبــوبــة الكــويت]

حبوبه السالفه اللي قلتيها شلون تقولين انها لرفيجتج هذي سالفه


شوي وتصير من التراث الكويتي هذي سالفه قايلتها لنا جدتنا الله يرحمها


منو عنده خروف بالبيت الحيين حلوه هذي


واللي منعمي قلبه عن الدين وما يصلي اكيد بتكون راعية هالسوالف


اللهم لا تجعل مصيبتنا في ديننا


الساحره ما تدش الجنه ولا تشم ريحتها هي اختارت الدنيا خلها تنفعها

حبوبه شنو منو عنده خروف بالبيت ؟؟؟؟؟

الناس كلها تربي خرفان او تييب خروووف عشان تذبحه بالعييييد

بيت ييرانه عندهم خروفين مو واحد والسالفه فعلا صارت لوحده اعرفها يدتج تقولج اياها من زمان هذي مادري عنها

بس اذا اهي جذبت ذنبها على جنبها​

 

[حبــوبــة الكــويت]

نعم في موضوع مع الصور بالمنتدى طارحته الاخت بلو سكاي جزاها الله خير

مشكوره عالمشاركه حبوبه ​

 

[أم طه الحولة]

حبووبة سكتي انا مرة يبت خادمة فلبينية .. كنت توني مالجة وقاعدة اجهز بيتي .. فيايبتها عشان تنظف .. فشنو مرة نمت بالبيت انا معاها وبنت خالتي .. وريلي كان ابييتهم فالخادمة شافت صور ريلي بكل مكان الاخت عبالها على طوول بتطيح الميانة .. جان تقول مدام اذا تبين سير يحبج ما يقدر ينام بالليل جيبي صورة وطقي 3 مرة عليها وقولي اسمه وقلبيها طقي عليها 3 مرة وقولي اسم بابا بعدين حطي صورة على شباك من براا ( عشان الهوا يطقها ) جان تقول لما يصير هوا قوي بابا يصير تعبان يبي انت بعدين مايقدر نام كلش !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يعني شنو ... والله ثاني يوم بس قعدت من النوم جان اوديها المكتب على طوووووووووووووووول الصراحة خفت هاذي وراها دوابير مايندرى شبتسويلي !!

 

[حبــوبــة الكــويت]

امبيه احنا مره خدامه كاتبه اسامينا وحاطتهم في بطل شامبو وتكرمون فيه بول وحتى ماكانت تعرف اسم اختي الصغيره كتبت اسمها الدلع كت كت خخخخخخخخخخخخ وداعسته تحت الثلاجه ليش مادري​

 

[HoNeY_GirL]

صاجه للاسف وايد ناس جذي
وعندهم السحر شيء عادي
استغفرالله ناس ماتخاف الله
وعادي للحين في ناس تيب خرفان بالبيت
إنزين بنات عفيه منو اتعرف شيخ ثقه اقدر اسأله إشلون اعرف إذا كنت مسحوره او يتهيأ لي؟
والله يابنات لو اقول لكم اشكثر يولي وماصار نصيب مع احد اتقولون جذابه والله حدي متضايقه من هالسالفه