الساقطه والداعره تمثل واقعها مو واقعنا...................

[المكسيكيه]

شنسوي فيهم ابتلشنا فيهم

 

[رورو 88]

انا معاج باغلب اللي قلتيه ..

تعبت وانا اقول اعلامنا فاشل فشل ذريع

كل البرامج والمسلسلات

يا مقلده من برا .. يسوون منها نسخه عربيه

يا ماكو قصه ولا محتوى وتفشل وكلها تشويه او مبالغه ..

انا لو تذبحيني مااطالع ولو مسرحيه نووو وي لو شنو !


كل سنه الناس قعد اصير سطحيه اكثر وياليت سطحيه على شي متطور و تقنيه ..

ودي بفلم او عمل واحد ينافس التقنيه اللي برا بس برؤيه عربيه وشي يرفع الراس

طبعا ماكو

الشي الوحيد اللي يبرد القلب شوي اهوا

الدراما السوريه ..

نزار قباني .. الزير سالم وغيرهم اتحسين صج شي ينقال عنه عمل فني

وعندج وداد الكواري عندها جم عمل مميز

واحنا بالكويت ماكنا جذي ترى



مسلسلات ومسرحيات الثمانينات وقبلها ماتنسي ولي الحين الناس اتشوفها معنها كانت بسيطه

بس كان فيها فكره وكوميديا الموقف مو التطنز


الحين بكل مسلسل لازم وحده حامل بالحرام

ولازم واحد يخون

وترى وايد عندهم ان كلامنا مبالغه وان عادي هاذي نماذج من المجتمع

اوكي ماقلنا شي

بس ترى تكرار هالاشياء دايما بالمسلسلات راح اتخلي الشخص ما يستنكرها وايد بالواقع

لان اهوا استنكر بالبدايه بس مره على مره بدون مايحس بيخف هالشي وهاذي دراسه ..




بس فطوم حبيبتي انا اختلف معاج بشي مهم ..

التعميم غلط ومن الظلم .. انتي بتعميمج شملتي الكبير والصغير وحتى اليهال

ممكن اتقولين الاغلبيه بس حرام اتقولين الكل

لانهم نسبه كبيره وانتي مو معقوله عارفه اخلاقهم كلهم ..

 

[مسك اسود]

اي والله يا بعد جبدي فديتج
كلامج كل صحيح وانا نفسك حدي لايعه جبدي ومنقهره من هالاشياء
عما بعينهم على ها لمستوى الهابط اللي قاعدين يعرضونه لنا احسهم قاعدين يستخفون بعقولنا؟!
واللي باط جبدي هالخمه اللي مسمينهم فنانات يخسون هذيلي اسمهم فلتانات مو فنانات ؟!
خامينهم من الدول اللي حواليها شي عربي وشي فارسي وغصب يبون يتحجون حجينا تلاقين الوحدة تعوج حلجها غصب علشان تتقن لكنتنا ؟!
لو فيهم حس فيني جان ما طلعوا من دير تهم وممثل فيها بس هذيلي وصخات وما يمثلن الا انفسهن وواقعهن وبيئتهن القذرة اللي طلعن منها%
أنا أضم صوتي لصوتج خل نسوي حمله لا للمسلسلات لا للفن الهابط في رمضان وغير رمضان

 

[Combat]

صحيح يعكس صورة سيئة جداً
يصورون البنت لازم يكون عندها بوي فريند وتناضل في سبيل الحب
ولا الاب الظالم
ولا الاخ الي يشرب ويحشش ولا يبيع خواته

يحاولون يغتصبون المشاعر السلبية والتعاطف من المشاهدين بس عشان اهدافهم
صورة غير مشرفة
يركزون على الشخصيات السلبية ومايحطون شخصية سوية ولو حطوا
المؤلف يفرض وجهة نظرة على المشاهد يعني الشخصية السوية بنظر المؤلف مو شرط هي الصح

الاعلام مسؤلية كبيرة وتعكس وجهة نظر ديرتك واسلوب حياتهم تفكيرهم امور كثيره
بس للأسف
طاحت بيدين اشخاص مو مسؤلين همهم الفلس

مشكورة فطووم

 

[فطوم 84]

مشكورين بنات علي المشاركه. بالموضوع


رور 88. واييد بنات انتقدوني بكلمة كل الفنانين. لانه مايصير اعمم علي الجميع

وانا اعترف صح غلطت بالتعميم. لانه في فنانين محترمين. ومنهم غانم الصالح اللي كان يصلي كل صلواته في المسجد وملتزم وانسان طيب وخلوق رحمة الله عليه
انا معاج. كان مفروض مااعم علي الكل واقول بعض الفنانين. بس انا كنت مركزه علي نوعية المسسلات والشي اللي يعرض للمشاهدين. وفيه تشويه لنا
وبعضهم منحرفين.
وانا حبيت اوضح انه الاغلب اخلاقهم جذي من اللي نسمعه عنهم ومقاطع اللي تنتشر لهم سوا اللي سكران او بشقه .....الخ


ومره ثانيه اقول اني صح انا غلطت لما قلت الكل لانه في قليل منهم "محترمين ويخافون الله*

 

[*q8ya*]

للأسف هالفنانات يعكسون صوره حق اللي بره يمكن ما زاروا الكويت ولامره ومن يشوفون هالمسلسلات يقولون هذيله بنات الكويت ! واهمه اصلاً لا كويتيات ولا شي وتلاقين حتى الكاتب من الدول العربيه على اي أساس تكتب عن مجتمعنا ! بصراحه هالمشكله تنرفز وبناتنا أشرف من اللي قاعدين نشوفوه ويصورونه عن مجتمعنا :rerrerek:
​

 

[عربجيه]

الصراحه بدون زعل
اكثر من مرهـ يسالوني رفيجاتي ( برا الكويت)
صج انتوا الكويتيات جي؟ حياتكم؟ قصور فخمه وفلوس وفجور و........و......و........

انا تخنقني العبرهـ مادري شقولهم ، فـ انا معاج ياليت نرتقي عن هالانحطاط

 

[ألمسك]

صدقتي والله المستعان في شهر رمضان ينبغي ان تكثر منه الطاعات لما فيه من الخير العظيم من الله تبارك وتعالى وعلى المسلمه ان تترك تلك المعاصي والمسلسلات لما فيها من الاثام ما الله به عليم واذكرها ونفسي ان الله سبحانه وتعالى خلقنا لعبادته سبحانه وان هناك موت وقيامه قال تعالى وماخلقت الجن والانس الا ليعبدون ) قمن يريد جنة الله عليه ان يترك هواه ويترك الشي لله فقط سبحانه وتعالى فقد قال النبي صلى الله عليه وسلم حديث صحيح (حُفت النار بالشهوات وحفت الجنة بالمكاره

 

[newchlin]

شنو على بونه مثلو صارو داعرات ؟؟؟

حرام هالحجي وراج حساب

 

[فطوم 84]

Newchalin. تاج راسي

انا تكلمت عن المسلسلات والفساد اللي يحاولون ينشرونه الفنانات والفنانين انا اكون صريحه معاج مو كل فنانات اخلاقهم موزينه واعمالهم هذا شي بينهم وبين الله

بس انا تكلمت عن المسسلات وتشويهم لسمعتنا
هذا قصدي
وانا عارفه الفن مجال فيه الزين وفيه الشين

وتقولين وراج حساب ليش انا قلت شي غلط !!!
انا تكلمت عن واقع. مسلسلاتنا

اللي ملتزم ولحيه. معقد وارهابي
اللي تكلم شباب مستانسه وسعيده بحياتها
الملتزمه متخلفه وغبيه
الزوجه تخون زوجها
الزوج سكير
الاخو مدمن
والحين الهبه اليديده طقوس عبدة الشيطان وشلون نتقرب للشيطان. اسالج بالله هاذي مسلسلات اي واقع يتكلمون عنه. لوين بيوصلون عيالنا انا اخاف بس
خل اهم يخافون الله. فينا

عندنا يهال. مراهقين. يتاثرون. بسخافتهم وفسادهم وشذوذهم

شجون الهاجري طلعت بدور. بويه انشرت الفساد وخلت البنات يقلدونها. وكثروا البويات

اهم هذا اللي يبونه. فساد بفساد بفساد


اللهم اكفنا شرورهم واحفظ بناتنا وشبابنا من شر هالفن

 

[مسك اسود]

اب اب اب

 

[miss $_$ semsem]

صاجة والله وبعدين يحسسونج عايشين بالمكسيك مو بالكويت

والمشكلة يقولون نعكس الواقع

 

[Ahlam Al]

انا ما اشوف التلفزيون دايم ، بس فترات معينه فـ مو حيل معاهم .

و بالنسبه للمسلسلات ، لا قصه ولا حوار ولا حتى اوادم تمثل صح !
بس حب و طلعات شباب و من هالخرابيط ، وما اقول مافي .. لا في
بس فئه بسيطه و تمثل نفسها فقط ! ولا ايام قبل .. بالعكس مسلسلات
هادفه و قصه و حوار صح و تعلمنا الصح من الغلط ،

و الاهم من هذا انه المسلسلات ، ما تمثل الكويت ولا تمثل الشعب الكويتي
ولا لها طريق على عاداتنا و تقاليدنا و حتى لفظهم للهجه الكويتيه غلط !
مع انه اللهجه الكويتيه قريبه للهجه النجديه و عندنا اكثر من لهجه
بس شلون نعلم غيرنا ؟ و طبعا الممثلين مخترعين لهم لهجه و مسكره بعد : )

و بالنسبه للممثلين ، الاغلبيه مو كويتيين 100% و اهم من دول الخليج
و سوريا و العراق و ايران و مصر و هالدول هذي ! ، ما فيهم كويتي اصيل
بس ليش ما يمثلون ديرتهم ؟ ليش غصب حاطين نفسهم كويتيين ؟
حتى ما يقولون انه احنا من هالدوله ؟ ، و احنا مالنا شغل فيهم كلش ،

بس الحل عند وزارة الاعلام ، تمنع تصوير اي مسلسل يسيء للكويت
و للشعب الكويتي و لو تشرط عليهم كتابة اصل الممثل يعني من اي دوله ،
احسن و احسن : ) ، مشكوره

 

[أبله شقحه]

استغفر الله تدرون ان في لبنان قامو علي كم ممثله وشرشحوهم والسبب يروحون مصر يمثلون بافلامهم لقطات جريئه وقالو شوهتو صورة اللبنانيات

عاد احنا ربعنا ماتت الغيره عندهم

 

[Ghreba eb derty]

يبتيها عالجرح اختي والله صاجه بكل كلمه قلتيها

التلفزيون مليان مسلسلات وكل قناه فيها 70 مسلسل والفنانات الفاسدات همهم الفلوس والربح ما همهم سمعه الكويت وبنات الكويت
مشكله ان الاعلام فاسد هذا غير الدعايات خرااااابيط وغير هالبرامج السخيفه

انا ابي افهم شمعنه رمضان بالذات اللي تكثر فيه هالمهزله !!!!

لي هالدرجه الصيام متعبكم وتبون اتطمشون على مسلسلات عشان تضيع الوقت !!!!

صراحه الوضع مصخرررره عالاخر

 

[بروانا]

والله صدقتى وهالمشكله مو بس بلكويت والله بلوطن العربي كله دائما هالفئه المنحطه تاثر على سمعه اوطانهم
الكل يفكرهم يمثلون واقع بلدهم حسبي الله عليهم
الله يثبتنه بس

 

[أبلة فاتن]

اللي يبط الجبد ان يجيبون لي وحده ما تعرف شي عن الكويت وتتكلم كويتي كله بدليات ومع الاسف

الاعلام الفاسد معطينه وجه الناس اساسا الناس نفسهم لو يهاجمون هالاعلاميين بتويتر وغيره

والله يقعدون ببيوتهم جان ما شفتو غير المحترمين المثقفين نفس قبل الحين فاهمين الاعلام بس ملابس

واطلع واكشخ واذا انتقدتيهم يشنون الحرب عليج يماااي كل واحد حاط له فداوية تدافع عنه


تحت مسمى جمهوري الله يكافينا شرهم والله البنات قبل مافيهم شيء الحين من طلعت هالمسلسلات اللي

تعبي راسهم بحب وحبني واحبه مادري متى نرتاح منهم

​

 

[Mjnont '3lay]

نو كومنت اب

 

[خلني حضن لحنينك]

الله يرحم ايام قبل كانوا يحطون مسلسلين بالكثير شحلاتهم وكانت العايله تجتمع تتابعهم وتنام عقب لين السحور...مسلسلات هادفه ومسليه مب مالت الحيييييييييييين طايحين باياام السبعينات والتسعينات نظام القديم يبون يخلونه موضه شهالتفاهه اللي فيهم..
واللي يحرررررررررر صج مسلسل ساهر الليل افشل منه مااااااااااااافي مايستحوووون يترجمون حرب الخليج يبون يحييون الجروح بشكل خاطيء شهالاغلاط اللي بالمسسلسل تصويرعلى تمثيل على اداء فاششششششششششششل اغلب الحوارات سب والفاظ وهواشات ملييييييييقه لمجرد تعبيئه المشهد والسسسلام...وفوق هذا باحد المشاهد سياره حديثه بذاك الوقت ماكانت موجوده مدري من الخطا ماكو تركيز بالتصوير والا شنو..وبعد جولات بذاك الوقت ماكانت فيه شلون يظهرون انه فيه

فوق هذا تناسوا دور دروع الجزيره وعظموا من امريكا وكانها انقذتهم من الحرب..ياجماااااااااااعه لازم نعترض عاللي يصير مفروض مثل هالمسلسلات الاجتماعيه تاخذ اذن مشاهدينها بالعرض بالذات اللي تجسد مشاهد حقيقيه صار وحدثت...وبعدين حتى بمشاهد الغزو غصب طيب يحطون قصه حب بداخل القصه يصراحه شفت حلقتين وحسيت بعدم جديه الامر وكانها ليست قصه واقعيه لحرب قائمه ..كما ان اثار عرضه سلبيه كانت اثارت فتن وومشاكل وكان الحرب كانت بين اليهود والعرب وليست بين دولتين مسلمتين وعربيتين..وكانت بسبب اخطـاء الحكام وقتها وجهلهم..مما دفع ثمنها الشعوب..

 

[* ليــــدي *]

في قنوات اغاني
في قنوات دينيه
في قنوات افلام
في قنوات طبخ


في الف قناة وقناة اختاري
آو سكري التلفزيون دام مضايقج لهدرجه