الزوج وبطاقة البنك الخاصة والدفع تجاربكم وخططكم

[miss swan]

والله مااعرف اطلب منه يدفع لي ببداية الزواج كان يطق الصدر
الحين املج
بس الصراحه رياييل هالوقت ماينعطون ويهه
​

 

[((غلاي))]

على حسب ظروف الزوج وراتبه
ومافيها شي لمن يتعاونون

 

[BubbLe87]

انا مع انهار الكويت

 

[PuPa^^SWeeT]

كل وحدة اتساعد زووجها مافيها شي




و الحين مصاريف السوق زااايدة




و الاسعار مو طبيعية


الرخييص غالي




و بعديين الريال يدفع ايجار و ماجلة و يساعد بتصليحات البيت و يعزمج مطاعم و سينمات


مو مشكلة اذا ما شراالج شي من السوق


و دامه يذكرج بعيد ميلادج و زواجج



بس خلاص انتهى

 

[om_3azoz]

انا مع انهار ,,

انا ماشتغل توني متخرجه ,, وريلي معاشه زين بس عليه قرض وغير اجار البيت 300 وشي وغير الخدامه وقصد سيارتي وماجله من كل شي واغراض اليهال ولمن بطلع يعطيني وغير الطلعات مطاعم سينما اهو كل شي


بس لمن بشتغل غير انا بصرف على نفسي وغير جذي اهو بيدفع اقساد سيارتي شبي بعد احسن من جذي ,, ومايمنع اني اساعده مثلا اشتري حق عيالي ,, مومعقوله بقوله عطني فلوس بشتري حق بنتي بامبرز وانا عندي


الحياة الزوجيه مشاركه ,,

 

[yam_yam]

و الله يا قلبي الموضوع هذا يفرق من بيت للثاني و حسب علاقتهم و طبيعة زواجهم و ظروفهم مادية

فيه ناس كل شي الريال يشيله و فيه يتشاركون
و بالنسبة لي ما اشوف فيها فرق بشي عادي اذا زين و يحبني و الله كل شي تحت ريله

 

[أنفاسي دخون]

شتسوين بعد كل واحد وتربيته

فيه اللي اهله مربينه على ان الريال عيب يخلي زوجته او اخته او امه تدفع وهو موجود

وفيه اللي متربي على ان يستغل اللي جدامه ماديا كائن يكون انثى او رجل

وفيه اللي ماتفرق معاه زوجته او مو زوجته شايل ايده

كله يرجع للطريقه اللي تربى فيه ...

نفس اللي بقوله :eh_s(15):

 

[english muffin]

عادي انزين
بعد شحقه موظفة !!! لايكون تبيه يدفع حق كلشي بروحه !!! حرام
الاشياء الاساسية عليه و الشوبنك مب شرط عليه
لين عنده اكيد مابيبخل عليها

 

[Qataria elegant]

هههههههه والله خوش سالفه هي ليش يعني تشتغل , لو ما تشتغل بنقول عادي خل يصرف عليها بس هي عندها راتبها خل تصرف على نفسها منه , والحياة ترى تعاون انا ما اشوف فيها شي ان لو الزوجه صرفت على البيت وعلى نفسها من فلوسها , يعني مرات الزوج و مرات الزوجه لان هم الاثنيني يشتغلون ويشيلون مصاريف البيت يساعدون بعض... اما سالفة لا هذي فلوسي وانا مو ملزومه اصرف على البيت احس فشله شنو بيقول عنها بخيله الفلوس مجمعه في البنك وهو يصرف

 

[شقاوتي غير]

شوفي دام الرجال يدفع اجار الشقة ومعاش الخدامه وماجلة البيت ومصروف الاطفال ومايبخل عليج اذا طلبتي

عيل احمدي ربج لان غيرج مو حاصله هالنعمه اكثر رياجيل هالوقت عينهم على معاش زوجته

 

[(*ام عهــــد *)]

ماقصرو البنااات

 

[opera]

مشكلة الحريم فاهمين الواجب ابشرعي للصرف غلط

الريال ملزوم يصرف بالاساسيات فقط المأكل والمسكن وكسوة الصيف والشتا
اكثر من جذي مو ملزوم

ابي اولد بالجناح الفلاني وابي استقبال ملكي وابي سياره كشخه وابي البس عيالي من بربريورالف لورين وابي اسافر بالصيف وابي اوي هديه حق فلانه وابي جنطه شانيل وابي جوتي لابوتين وابي خاتم الماس وابي اروح انام بفندق وابي عيالي مدارس خاصه و ابي خدامتين وابي ساعه وابي وابي كل هذا كماليات تبين توصلين هالمستوى اذا معاشه مايكفي من وين يبوق مثلا ولا يتسلف من اللي يسوى واللي مايسوى ؟؟؟


اذا شرالج من طيبه مو حننننه ادفع وادفع شيظل بجيبه


عيب اصلا ريال جيبه فاضي

فالاحسن تبين شي زياده اذا شفتيه مايقدر دفي من معاشج وعيشي المستوئ اللي تبينه

بس مو تضغطين عالريال وكل وحده عارفه قدرة ريلها الماديه شنو

 

[om_3azoz]

صح كلامج اوبرا عين العقل

 

[حبيبي مالكني]

الامور الماديه بين الزوجين تختلف من بيت الى بيت

في امور بديهيه على الزوج

ايجار الشقه ( الحكومه تمول ب 150 وهو يزيد)
مصرف العيال والبيت ( الحكومه تمشي لكل طفل ...مع زياده غلاء معيشه وهو يزيد)
معاش اول خدامه ( احد واجباته )

لو في امور زياده مثل

لبس الزوجه بدل عطور مكياج وغيره

....والهدايا ...ومصاريف السفر

لا مانع من مشاركته حتى يخف عليه ثقل الميزانيه

اما القصه اللى فوق ما نقدر نحكم لاننا لا ما نعرف شنو شاريه الزوجه جايز قيمه مشترواتها لا يملكها الزوج في ذلك الوقت
والله اعلم

فوفو

كفت ووفت​

 

[Um Tuki]

و الله فديته حبيبي ما يقصر أول الشهر بطاقته بيدي يقولي روحي السوق فظييييها و اخذي اللي بخاطرج ..

انا مو من النوع اللي أبي شنطة بـ 400 دينار او كعب بـ 80 .. انا جداااااا اقتصادية و اراعي ظروف ريلي ..

والحمدلله اني اشتغل و أساعد ريلي بكل شي .. اول الشهر نصرف من معاشه و لين خلص نصرف من معاشي ..

الحمدلله ماعندنا خلاف على فلوس .. وصخ دنيا والله العظيم ..


كلن يمد ريله على قد لحافهـ ..

لو لبست شي بألف .. و الا بدينارين اهم شي الذوق .. و انه يناسبني !!!!!!

ترى سعر اللي ألبسه اول مااشتريه بشيل السعر و بقطه ما بمشي فيه بسعره .. صح والا انا غلطانة ...

 

[om.googi]

شتسوين بعد كل واحد وتربيته

فيه اللي اهله مربينه على ان الريال عيب يخلي زوجته او اخته او امه تدفع وهو موجود

وفيه اللي متربي على ان يستغل اللي جدامه ماديا كائن يكون انثى او رجل

وفيه اللي ماتفرق معاه زوجته او مو زوجته شايل ايده

كله يرجع للطريقه اللي تربى فيه ...

+1 :rerrerek:

 

[مـآلي شبيه~]

اذا زوجها راهي الله عليه ومقتدر يدفع مافيها شي هذا يعتبر تتعبير عن حبه لها
اما اذا ماعنده اهي تدفع وحلوة المشاركة المعقولة ..~

 

[sara 2009]

وااااي الحرييييم طمااااعه امبيييييه مادري شلون صايرين انتوااا

يعني مو كافي عليه البيت والماچله من إلى والجمعيه من منظفات وغيره واليهال والخدامه والطلعات وغيره وغيره

هم ماتبين تصرفين دينار واحد على نفسج عيل شحقى تشتغلين قعدي بالبيت ابرك وين بتودين فلوسج

عالاقل لي قعدتي بتجابلينه وتجابلين عياله وبيتج دامج مو ناويه تصرفين ولا فلس من هالمعاش

اصلن حتى مو ملزوم يمشيلج مصروف دامج موظفه.. لان مثل ماهو متحمل غيابج عن البيت وعن يهاله اللي مايندرى شنو تسوي فيهم ومتناازل عن طباخ ايدج ومتحمل انج ترجعين تعبانه ومالج خلق احد او تنامين العصر كله ... يعني تقريبا يومج مو له اللهم بالويكند

هم لازم تتنازلين انتي بعد بعض حقوقج ،،، مايصير التنازلات من طرف واحد والا جذي تصير انااااانيه


اعوووذ بالله لهدرجه الحريم صارت تموووت بالفلوووس وجعاااااصه

اصلن استحي اقوله ادفع شبيقوووول عني الحمدلله والشكر ميته عالفلس والا عينها ضيقه والا.....،

يعني اقل شي الوحده معاشها الحين 800 اذا مو اكثر شنو بتسوي فيه اذا عالاقل ماشرت حق نفسها شغله بخاطرها من السوق او دلعت عيالها زياده عن مصرف ابوهم او شاركت ريلها بسفره وراحو مع بعض احلى الدول واحلى الفنااادق

شفاااايدة الفلوووس عيل؟؟؟؟ اذا ما ونست نفسي فيهم شنو فايدتهم؟؟؟ احطهم على قبري باجر والا باخذ معاي بالقبر؟؟؟


شي يقهر الصرااااحه

على الجرح 100%

 

[أكذب عليك]

طيب ليش موظفه ؟؟؟
كل يوم تطلع من البيت 6 ساعات والخدامه عليها ثلاث ارباع المسؤليه
عندها معاش بتجمع فيه يعني

مصاريف البيت كلهااا عليه
الطلعات معاه من مطاعم وتسليه كله عليه
العيال عليه
خدامة البيت عليه
اذا احتجت شي هم عليه

رياجيل قبل حريمهم قاعدين ببيوتهم وينظفون ويطبخون ولا يطلعون الا بالسنه حسنه ولبسهم بسيط
ومايكلفون ع ازواجهم

الحين الجنطه ب 300 وفوق وتبي عبايه ب 100 وتبي بدله ب 200 وتبي طقم لو اكسسوار ب 100 وفوق
شيبقى من معاشه ع طلاباتهااا الخاصه..

الحمدالله توني متوظفه ومعاشي راهي ومواكبر همي استغله دامه يصرف علي ومتحمل مسؤلياته كرجال البيت
لاوالله ماقصر وانا اشتري اللي ابيه باللي عندي ولا احتجت بيعطيني فوق حاجتي

الحياة موكلهاا فلوس .. وكل وحده تعرف ظروف زوجهااا الدعوه مو دعوة فرد عظلااات

 

[bride2011]

كيد لازم الزوجه تساعد اذا الريال مو مقصر تساعده تجمع فلوسها ليه
لكن اذا شايل ايده نهائي هذا الله يعين مرته