الزوج .... وآثار جروح عملية الشد

[ضايعة بالطوشة]

لاتقولين نصيحه

 

[كلـــــي غنج]

مشكورين بنات فديتكموباخذ بالنصيحة ان شاء الله


ربي يسلمكم من كل شر ويعافيكم ويسعدكم يارب






...




علوي استخيري واذا الولد زين وافقي وربي يتمم لج على خير
الله يوفقج يارب

 

[كلـــــي غنج]

نرجس اي والله اخيرا


لان عندنا حالة وفاة جدتي توفت الله يرحمها


دعواتكم

 

[n00nah]

عظم الله اجركم
وأحسن الله عزاكم كلي غنج
الله يرحمها يارب

 

[كلـــــي غنج]

نونه

اجرنا واجرج جزاج الله خير يالغاليه

 

[miss_Ba6oOo6a]

شي بديهي ان لازم تقوولين
هذا يعتبر غش ومتحاسبه عليه
لازم يعرف اهو مو شرط اهله
لان راح يبن ليه حملي هالاثار ولازم تنكتب بالملف ان تكيم واي دكتور يكشف لازم يعرف عشان لا تطلعين صغيره وجذابة حبل الجذب قصيير


وفيه سالفه من زمان وحده كانت مسويه خشمها واكتشف الريل بعدين انها مسويه ومو قايله طلع نفس خشم البيبي فطلقهااا هذا غش

 

[كلـــــي غنج]

حبيبتي مشكورة على ردج

انا سبق وذكرت ب ردودي اني بخبره عن التكميم


بس الشد لا خلاص ماراح اخبره لان ماله شغل


ومايعتبر خشيت عنه لان هالشي سويته قبل لا اكون على ذمته


ربي يسعدج ويوفقج


شاكرتلج

 

[كلـــــي غنج]

بنات

ادعولي ربي يتمم لي على خير


الموضوع واقف وماصارت اي تطورات


ربي يخليكم ويسعدكم


بالتوفيق للجميع

 

[** رش رش **]

الله يكتبلج الخير و ييسر لج امورج يا رب

 

[قطوه بيضاء]

لا لا تقولين في ناس ماتتقبل عادي اشدعوه الرياييل تنتبه ماينتبهون الا لما تنبهينهم وبشوفه جرح كبير ويدقق اذا نبهتيه

تلرى احنا بشر مو دميه بلاستك عادي الجسم يصير فيه جروح وخدوش

من زينهم كلهم حبوب وخشونه من راسهم لريولهم

 

[كلـــــي غنج]

رش رش

بعد عمري جزاج الله خير
ربي يحفظج




...




قطوة


هههههه اي والله صاجه جلحان ملحان بس مالنا غناة عنهم ابهاتنا واخواننا واهلنا
ربي يخليج مشكورة

 

[هند رستم مطير]

انا بعد رايي نفس راي اغلب الخوات
ماله داعي الرجال يدري ,, لان هالشي بنحسب عليج على جدام
والله يووووفقج حبيبتي​

 

[عليا89]

هلا بغنوجتي حبيبتي

ها شلونج حبي بشري شصااار

ودزيتلج ع الخاص شوفيه
حشيت بنرجووس هههههههه
لا اضحك


شوفي خالصج حبي

 

[صبر العمر]

حبيبتي شو رايك تسالي شيخ موثوق يفتي لك فيها ؟ وهيك بتكوني مرتاحة نفسيا قدام ربنا وقدام زوجك لو اكتشف وعاتبك لانك ما صارحتيه ، ترى فيه رجال يدققون اكثر مما تتصوري .

 

[كلـــــي غنج]

هند رستم

اي حبيبتي ومشكورة ربي يسعدج




..


علويتي


هلا قلبي اي شفته الحين ارد عليج




..


صبر العمر


ماعتقد انه فيه شي لانه انا سويت هالشغله قبل ارتباطه فيني


عموما مافيها شي لو قطعنا الشك باليقين بشوف شيخ ثقة واسأله


الله يسهل ان شاء الله شاكرتلج حبيبتي

 

[كلـــــي غنج]

مشكورة

الله يعطيج العافية ربي يوفقج

 

[pinkoosha]

الي اعرفه انه التكميم يسبب الغثيان والدوخه ومرات تطيحين،،،، اذكر مره من المرات كان في وحده حاطه مشكلتها بقسم المشاكل الاجتماعيه.... كاتبه انها توها عروس و كانت مسويه تكميم قبل لا تنخطب و ما قالت حق ريلها انها مسويه هالعمليه،، ف كانت مرات اطيح غشيانه او تتعب و ريلها قالها بوديج الطبيب،، واهي خايفه انه الدكتور يفضحها عند ريلها و يقول لها هذا من العمليه الي مسويتها وكانت تحاتي انه هالشي يسبب مشاكل او تطلق،، ف من رايي نصيحه قوليلهم انج مسويه و افتكي من المحاتاة،، ليلحين ما صار شي و قاعده تحاتين عيل لو صار ملجه و زواج اكيد راحل تتعبين من التفكير

 

[$نرجس$]

لاااا وعشاان ااكد كلاامج سألت اخوي قبل فتره يقوول مو كل شي المره اتعلمه زوجهاااا سوالف اهلج وشغلاتج الخاصه اهوو مارااح يقوول اشسوى قبل الزوااج لو اتقطعيينه بيجذب وعلى فكره اخوي يقوول واحد من الصبيان الي يعرفهم يدخل منتدى كويتياات ويتفلسف على البناات ويألف قصص بقسم الزواج والمشاكل الاجتماعيه كل قسم يتفلسف فييه وحاولت بعرف اسمه بس مو راضي يعلمي كنت ببلغ علييه يقول مو اهوو بس اشكثر شباب بالمنتدى بس يدخلون بأسامي بناات

 

[$نرجس$]

افااااااا علياا حشتي فيني لييش عاااد ههخخخخخ

 

[كلـــــي غنج]

بنكوشا


التكميم بعلمه بس غيره لا
مشكورة حبيبتي ربي يسعدج

..

نرجوس

بعد عمري ماتقصرين .. وانا اتفق معاج ..

وبخصوص الشباب الي يدشون المنتدى

الله يهديهم مادري شيستفيدون استغفر الله