الزوج الكتوم

[نادره في وجودها]

شوفي الزوج ما يقول لمرته اسراره الاااا وهو وااااثق فيهااااا

بس شكله يوم يبي يقولج المشكله استخاااار يمكن ثقته فيج عميه عشان جذي تردد رجال بكيفه ما يبي الفضايح والكلام اللي ما منه فايده

والشي الثاني يمكن خايف من هالشغله هذي يوم كان يبي يعلمج وتردد خايف لا يقولج سر اخته وينتشر ويطلع الحجي كله عليج وانتي مالج ذنب

عشان جذي يبي يقطع الشك باليقين

وبعدين انتي الاااا تعرفين هههههه خلاص بكيفه الرجال خليه براااحته

 

[دلوعـ فؤادي ـة]

الله يصبرك
انتي حاولي تلتهين بشغل اوشي مفيد
بالعكس احسن لو مايقول بالوجع راس
مجرد راي

 

[رهف76]

شي طبيعي الرياييل مايحبون الهذره مثل الحريم

 

[محاميه كويتيه]

نفس حالتي والله بس انا تشمت فيه بهوشته مع رفيجه وبعدها حرم يقوللي اي شي عن ربعه وانا الحمدلله كسبت ثقته من يد ويديد بس عقب فتره طويله ورجع يقوللي اي شي بس ماقمت اعلق نفس قبل بس اسمعه واحس انه ارتاح من هالشي يعني يفضفضلي وهو مرتاح

 

[fr07a22]

لازم تجددين ثقته فيج ونصيحه اذا عرفتي عنهم اي شيي لاتقوليله ولاتسألينه اي شي تجاهلي وكأن مايهمج شي وعلى قولتج تغير تصرفاته من موقف عباله انج تبين تعرفين كل شي عشان تشمتين تجاهلي واهو شوي شوي بيقولج بس لاتحنين وتقبلي مروري

 

[الا يامطول صبري]

والله اريح لج الا اذا انتي من النوع الفضولي هذا شي ثاني بس والله اريح لج
انا يوم ملجه حماي مادريت الا بعد ماملج واسال زوجي وين رايح علا هالصبح يقولي مراجعه طلع الاخ رايح يملج لاخوه صج ضاق خلقي لانه خبى علي مع اني والله ماسولف عن اهله لكن بالطقااق مااحر عمري شتسوين بعد ماتقدرين تجبرينه ريحي باالج وارتاحي

 

[blue bunneh!!]

مو لازم خلاص ما يبي يقول بالطقاق يعني شتسوين مثلا

تلاحقينه قول قول ولا بزعل

الرد الي اوافقه :eh_s(15):

 

[ريوم قلبي]

انتي يكتم سوالف اهله
المشكله لا صار الزوج يكتم اموره عن مرته يقط ويسوي وينعزم ويطلع ويرد وانتي ياغافلينلكم الله هذا اللي يحر