الزوجة المضطهدة؟؟؟؟؟؟؟؟؟؟؟؟؟؟؟؟

[الأماكن]

عسى الله يهديه ياااارب

و يسخره لها

اول ما كان جذي شنو اللي غيره

هي شنو مسوية عشان هو يسوي فيها كل هذا ؟؟؟؟!!!!!

 

[الفدنه]

اللهم اجرها في مصيبتها واخلفها خيرا منها

 

[فرفورة2]

وشكورين على ردودكم
نسيت ماقلتلكم انه رفيجتي اعرفها من كنا صغار والله العظيم انه شخصيتها كانت حيل قوية وثقتها بنفسها موطبيعية
بس من قام هالحقير يدقر فيها على كل شي صارت شخصيتها ضعيفة ومهزوزة وثقتها بفسها انعدمت وتقول والله خدامتي اللي هي خدامة عمره ما عاملها بحقارة وخسة على حركاتها اللي تبط جبدي مرات
يعاملني مثل الجارية اللي بايام الجاهلية واهي الحين رفيجتي رايحة عند اهلها زوارتها العادية وتقول يدزلي مسجات جافة وما ارد عليه يقولي (اشلون اعيالنا) لا سلام ولا شي وتقول امس لما وصلها عند اهلها من كثر اهي مو لايعة جبدها منه قالتله(مابي اشوف رقمك على تلفوني وانا عند اهلي ماني ناقصة مغثة ابي استانس) مارد عليها بس لما نزلت واقعدت عند اهلها بعد نص ساعة دزلها مسج(بلعنتج اصلا انا لما اشوفج بالبيت تجيني ضيقة) تقول والله لا دعيت ولا شي بس قلت حسبنا الله ونعم الوكيل,اذا مايبيني اشحادة علي ليش مايطلقني اشحقة هالحركات انا ماني ميته عليه كرهته من تصرفاته وانا اللي عمري ماكرهت احد بحياتي حتى عدوي والمصيبة انه ماعندها اخوان يساعدونها كله خوات وابوها شايب ماتبي تعور قلبة بهالسوالف وامها تقولها اهي وخواتها ريلج اهو جنتج ونارج ومردج له ومومعطية بناتها الحرية يكلمونها عن مشاكلهم لانه اهي قايلتلهم انا ما اتدخل بينكم وبين رياييلكم انتوا تصرفوا بنفسكم وحلو مشاكلكم ابروحكم وازوجها ماشاف منها شي يخليه يعاملها بالحقارة هاذي

 

[اشتياق]

لاوالله ياعمري قوليلها

ياروح مابعدج روح

اهي جم سنه متزوجته ؟؟

اذا لهم سنين وعندهم عيال خل اتطنشه وتخليه اثاث بالبيت واذا تبي تنام بدار بروحها يكون ابرك

ولاتطلب منه شي وخل تستقل عنه نهائيا


والا اذا لا والله توها متزوجته خل تتطلق منه هذا العشرة معاه اتييب المرض اللهم ياكافي..

شحقه تحرق اعصابها معاه ..!خيولي هذا مرض تنكيد مو ريل ..

اي صج انا ريلي يقعدني من النوم على اتفه الاسباب يقولي وين الشحن؟؟ويكون جدامه

قمت اقوله لا تقعدني الا اذا دورت ودورت عدل ومالقيت ذيج الساعه قعدني ومرات ينسى ويقول وين بوكي؟؟احقره مارد عليه يتذكر اني قلتله دور وتالي اسأل<<يعني بس هالمشكله لقيت لها حل لوووووووووووووووووووووووووول


عالعموم اكل واشرب مر بس لاتعاشر مر خيولي اذا توها متزوجته وخل تحقره اذا قديم ومصدي ..!

 

[أنفاسي دخون]

الله يهداه ان شاءالله

وضعه مو طبيعي بالمره خليها تشغل الرقيه وسورة البقرة بشقتها دايماااااااااا وخليها تشربه ماي مقري عليه

 

[كويتية بروما]

شوفي يا ريلها شايف شوفه ويبي يطلقها مو عارف اشلون فيحاول يطفشها حل مشكلتها انها لازم تدخل اهلها ليش جدي تسوي بنفسها ترا احنا بالكويت وهي موظفة شايله عمرها ولا محتاجه احد ليش تنام بالحمام وربج انومه بره البيت وبالنعال امشيه وياحد منها الغطا عشان تستبرد والله انام عند عيالي ابرك ترا مو لهدرجه ماكو كرامه شنو مقدسه الريال على شنو عشان جدي يتمادى وين اهلهل امها ابوها وعزوتها لازم تدخل اهلها عاد الوحده تصبر بس مو لهدرجه

 

[طواري لـ((العنقا))ـيل]

حسبي الله ونعم الوكيــــــــــــــــــــــــــــــــل


صج محد مرتااااااااااح !!!



الله يفرج همها

 

[الجــادل]

شالله حادها

هذا يمللها

 

[دانة الدنيا1]

الريال موطبيعي مثل ماقالت يا انه مسحور او انه يبيها تطلب الطلاق خليها تستغفر نصيحه وتقرا سور ة البقره اذا فيه شي راح يطلع وتحقره وخليها تروح تنام عند عيالها لا قعد يستهبل فوق راسها وتقول حق عيالها انه تكييف غرفتها خربان لاتطلع من البيت اهو يبيها تطفش عشان اذا عنده شي ياخذ راحته خل تسفهه وتسوي اللي عليها من واجبات وبسسس واذا ماكو فايده لازم تدخل اهله اذا اهلها ماراح يفيدونها لانه الوضع مو طبيعي صراحة هذا استحقار واهانة لكرامتها حرام عيل احد يطلب حق روحه اكل ومايقول حق عياله وزوجته شتبون ؟؟؟؟ قولي الاغراض والجمعيه وايد رياييل مهملين لكن ماتوصل فيه الدنائه انه ياكل ويخليهم مايستحي هذا اعوذ بالله منه حمدالله اللذي عافانا الله يسخره لها ويرجع له صوابه

 

[فرفورة2]

جزاكم اللله خير واللي مايبي يرد يرفع الموضوع الله يرفع من قدره

ساعدوها ابليييييييييييز

 

[فرفورة2]

والمصيبة لو بتقول شايف نفسة مايخالف بس على شنو الحمدالله والشكر لاشهادة ولا شكل ولامال
جيكر وهاذي تصرفاته نفس وجهه عيل لو مزيون شيسوي فيها واهي الحداللله رفيجتي والنعم فيها جمال واخلاق الكل يمدح فيها
وللله في خلقه شؤون

 

[afesa]

طاع هذا عاد؟؟؟شالسالفه يوبا؟؟؟شهالتصرفات البايخه ماكو احساس والا شنو؟؟هذا لازم يوقف عند حده ويتادب شهالاسلوب وشهالمعامله ؟؟؟يوبا هذي بنت ناس واذا اهو ما عنده احساس لازم واحد يحسسه ..
ما يصير تقعد وتبكي بدون حل اهي بتموت قهر واهو ولا عالبال ...لازم تكون حازمه معاه يا يحترم نفسه والا تسويله سالفه وتفضحه بين اهله وتشتكي عند اخوانه وامه عشان يتفشل ...وتقط اليهال عليه وتروح بيت اهلها جم يوم عشان يعرف قيمتها ....
الصراحه انبطت جبدي ...شنو هالرياييل ؟؟؟؟؟؟؟

 

[^q8ia^]

لا حول ولا قوة الا بالله

هذي وين اهلها ؟ وين ابوها ؟ وين اخوانها

ايووون يأدبونه ويوقفونه عند حده

حتى الخدامة ماتتعامل هالمعاملة استغفر الله

الله يهون عليها ان شاء الله

 

[عهود الحب]

حبيبتي

اللبيب بالاشارة يفهم ُ

اهو نحيس خلاص لاتعور راسها اكيد انه جذي شخصيته من الاساس

او يبي منها فلوس او شي و رفضت وتنحس لها



اذا عالمصفط تصفط وراه خلاص شالمشكلة اذا قعدت السيارة بالشمس؟؟؟ ترى مصنوعة من حديد مومن خبز راح تتحمل اهم شي اهي لاتموت قهر


ثاني شي شحقه لحافهم واحد ؟ لا وتستغرب ليش يسحبه منها ؟

ثالث شي لاتعور راسها

ما نفع معاه الكلام مرة مرتين تقعد تقوله يا فلان السالفة كيت و كيت و كيت اشفيك ؟ بالعربي قول مو تقعد تسوي حركات ماصخة

ما يسويها الا العدو بعدوه


وان مانفع تكلم احد اخوانها

 

[عهود الحب]

انه شخصيتها كانت حيل قوية وثقتها بنفسها موطبيعية
بس من قام هالحقير يدقر فيها على كل شي صارت شخصيتها ضعيفة ومهزوزة وثقتها بفسها انعدمت وتقول والله خدامتي اللي هي خدامة عمره ما عاملها بحقارة وخسة على حركاتها اللي تبط جبدي مرات

هذا هو هدفه

بعض الرياجيل جذي تحسين معقدين

طفارته المرة القوية

 

[سرهيبتي]

دام اهيا ساكته ومتحمله اكيد بيتمادى
خليها تبرد اعصابها ونفس ما يسوي فيها تسوي فيه بس على برود وذكاء
ولا تطلب منه شي لأنه بعض الأزواج الله يهداهم يتلذذون يشوفون المره تهين روحها وتذل نفسها
اهو جذي جذي ما راح يوديها
فلا تطلب منه شي ابد
وذا قال تبيني اوديج خل تقوله لالالا انا اروح ما ابي اتعبك
وخل تطنشه كل ما يسوي حركه تبين له انه عادي مو شي غريب
حتى لو يسبها لاترد عليه (( طبعا لأنه فيه ملاك معاها يرد عنها ... وهذا موجود في حديث عن الرسول صلى الله عليه وسلم)))

خله يشوف انها بارده في ردود فعلها
ماتسولف معاه مثل اول
لا تدق عليه كل شوي
فقط للضرورة تدز مسج تقول اللي تبيه
ما سوا اللي تبيه عادي ماتزعل ولا تقول ليش
الرجل دايما يحب المره تكون متغيره يوم جذي ويوم جذي
يوم مطيعه ويوم مطنشه
والله ما عرفنا لهم بس نبي رضاهم
الله يهديه لها ويسخره لها ولعيالها يارب

انا مع الاخت نور
واعتقد هالاسلوب هو الاصح على الاقل عشان نفسيتها

 

[فرفورة2]

حبيبتي

اللبيب بالاشارة يفهم ُ

اهو نحيس خلاص لاتعور راسها اكيد انه جذي شخصيته من الاساس

او يبي منها فلوس او شي و رفضت وتنحس لها



اذا عالمصفط تصفط وراه خلاص شالمشكلة اذا قعدت السيارة بالشمس؟؟؟ ترى مصنوعة من حديد مومن خبز راح تتحمل اهم شي اهي لاتموت قهر
ماشالله عليج يقولها انطري بنزل واسفطي لاتجين يعني عادي عندج تنلطعين بالشمس نص ساعة ؟؟؟؟؟؟؟؟؟؟؟؟؟؟؟؟؟ اللي ايدة بالماي مونفس اللي ايدة بالنار

ثاني شي شحقه لحافهم واحد ؟ لا وتستغرب ليش يسحبه منها ؟

ثالث شي لاتعور راسها
ما نفع معاه الكلام مرة مرتين تقعد تقوله يا فلان السالفة كيت و كيت و كيت اشفيك ؟ بالعربي قول مو تقعد تسوي حركات ماصخة

ما يسويها الا العدو بعدوه


وان مانفع تكلم احد اخوانها

ماشالله عليج يقولها انطري بنزل واسفطي لاتجين يعني عادي عندج تنلطعين بالشمس نص ساعة ؟؟؟؟؟؟؟؟؟؟؟؟؟؟؟؟؟ اللي ايدة بالماي مونفس اللي ايدة بالنار


الصراحة انا اول مرة اشوف سرير له لحافين وكل سرير لحافة على قدة يعني لحاف سرير بونفرين يتغطى فيه ابروحة غريبة ؟؟؟؟
عالعموم مشكورة على ردج

 

[Miss_Tiger79]

رد : الزوجة المضطهدة؟؟؟؟؟؟؟؟؟؟؟؟؟؟؟؟

الله يعينها

بس انا اقول الي تسكت على هالشي من اول مره
تتحمل الي اييلها من وراه

الله يهديه لها

 

[Daleela]

الصراحة جنه ياهل لا ومو اي ياهل
ياهل نحيييييييييييييييييييييييس
الله يعين

 

[قمر2009]

الله يعينها ويهدي لها ان شاء الله