الزوجات المخضرمات فيدوني

[حواء ناعمه]

انتي موتقولين استخرتي


حبيبتي استخيري اكثر من مره لانه خليجي احتمال يعيش بديرته حطي فج يعني خلي بالج هالشي

وانوي الموافقه لو تم الزواج وتسهل معناته مبرووووووووووووووك خيره يعني

لو حسيتي نفسج موراضيه ولا صار ظرف وتعطل الزواج يعني مايصلح لج

 

[*ريما*]

انتي ساعدية الحياه تعاون
وراح تمشي
موفقة

 

[دانات البحر]

وانا اقولك نفس الكلام اللي قالوه خواتي الدنيا مو كلها افلوس ودام انك في هالعمر
الحمد لله ان جاك نصيب وانتي تشتغلين يعني راتبك على راتبه وبنات الحلال يوقفون مع الزوج توكلي على الله وخذيه لأنك ما تضمنين يجيلك غيره والله يوفقك ويرزقك بالذريه الصالحه

 

[الغاليه ام احمد]

حبيبتي توكلي على الله وتزوجي خذوهم فقراء يغنيكم الله

حبيبتي انتي مو بعمر اللي تبين وقت تفكرين فيه غني اوفقير

دام الانسان يمدحونه ويكفي انه بار بامه والله يكفي

وانتي منتي محتاجه فلوس معاشج راهي واكيد عندج خير من

زمان تشتغلين

حبيبتي لا تفكرين بالفلوس بالعكس تزوجي وعيشي حياتج مع ريلج

وارهي عليه ولا تقصرين اشبقى بالعمر كثر اللي بقى

حبيبتي لا تزعلين اذا قلت لج اكثر اللي بعمرج يتقدم لها يا ارمل

يبي اللي تربي عياله او شايب يبي اللي تقوم فيه

فانتي يالج ماشاء الله عليه شاب ما عنده مسؤوليه لا مره ولا عيال

فلا ترفضين تندمين

والمثل يقول ظل راجل ولا ظل حيطه

ونار الرجل ولا جنة الاهل

انتي الحين بعافيتج فكري باجر لا كبرتي من غير زواج

تهقين اخوانج بيتحملونج لا حبيبتي بتصيرين ثقيله عليهم

فتزوجي وعيشي ببيت انتي راعيته محد يتحكم فيج انتي تحت امرة ريال

وعسى الله يرزقج بعيال تفرحين فيهم ويشيلونج لا كبرتي

حبيبتي دام الريال ما فيه عيب توكلي على الله

 

[ملوكـه]

وافقي
اختي ترا مابقى شيء على الاربعين

والله يوفقج بحيااااااتج