الزواج يقيد الحريه

[♂JM-Lo]

السلام عليكم

سؤالي للمتزوجات هل الزواج يقيد الحريه ومعقد ومشاكل وعوار راس...

وليش تتزوجون ؟ غصب والا من نفسج؟ وراضيه

لان هذي فكرتي عن الزواج =)

اول مره اكتب اهني بس حبيت اعرف فضول

 

[iLLuMinaTion]

على حسب
والتوفيق من رب العالمين

 

[فوفو22]

رد : الزواج يقيد الحريه

الزواج سنه الحياة

والحياة الزوجية حلوه بحلوها ومرها

واجمل ما فيها

العيال

نعمه (المال والبنون زينه الحياة الدنيا)

انا اشهد انهم زينه الحياة

فوفو

 

[PinkY Dreams]

لااااااا بالعكس والله الزواج حلووووو ووناسه وضحك وعبط وفصله ههههه

اصلن انا لما كنت بنت فبيت اهلي كل ماأسوي شي يعني مثلا اذا قلت حق امي يمه بطلع مع رفيجاتي امي ماترضى
اما الحين اذا قلت حق ريلي يقولي طلعيييييي واستاانسي ونسي عمرج

 

[♂JM-Lo]

Up

up

up

 

[modern]

رد : الزواج يقيد الحريه

هم الي طرحتيهم مزبوطين و عوار الراس و قيد الحرية بعد تجربتي الشخصية

 

[♂JM-Lo]

Up

up

up

 

[الشهد كله]

بالذمة منو اللي تزوجت وتقيدت ولا انحكرت في البيت

24 ساعة هياته من بيت لي بيت ومن مجمع لي مجمع وين اللي متقيدة

الحين يمكن عشان دراسة وامتحانات ، أما بالأيام العادية لا والله ماكو تقيد

وبعدين " المال والبنون وزينة الحياة الدنيا" :ioljnmlk::ioljnmlk:

كافي إنج لما تشوفين واحد من عيالج بصحته وعافيته ويبتسم جدامج تنسين هموم الدنيا كلها ​

 

[المرتاحة]

بالنسبه لي حسب اللي اشوفه ترى على حسب الريال في رياييل حجرين قطيعه و في رياييل بالعكس

انا مو متزوجه و عندي اخت متزوجه كنا ويا بعض قبل زواجها طلعات و روحات والوالد مدلعنا كل مكان نروح له

بس لما تزوجت اختي حسيت انها التزمت بزوجها و قامت تطلع معاه بس بعد عمري ما نستني دايما تقول لريلها يمر على بيتنا و ياخذوني معاهم

و مرات ودي اطلع وياها بروحنا نفس طلعاتنا قبل فلازم تستاذن من ريلها ومرات ريلها يرفض عاد انا شيصير فيني حده احباط و يضيق خلقي بس تدق عليه و تعاتبه تقول له اختي ضاق خلقها اهني يرضى انها تطلع علشان خاطري

و مرات نطلع انا من نفسي اذكرها اذا استأذنت من ريلها ولا لأ
مرات حضرتها تعطيه طاف لووووول و مرات تدق

ترى اهم شي التفاهم بين الزوجين