الزواج و العيال

[بشوشه]

كتبت موضوع شطووووووووووووووووووله و انمسح

شلونكم حبيباتي

بسالكم؟

الوحده فينا تتزوج و تنطر البيبي الاول و يوصل البيبي بفرحه و لهفه و سعاده و بعدها يوصل البيبي الثاني و تزيد الفرحه باكتمال العايله


وين السؤال

كم عدد الاطفال اللي تتمنينهم او اللي ربي رزقج فيهم ؟
هل تعتقدين ان في زمنا هذا عدد الاطفال عائق للحياة الرومنسيه في الزواج ؟
هل كثرة الاطفال في وقتنا ما لها داعي؟
ابيكم تسولفونلي عن رايكم بعدد الاطفال ؟

ابي اشوف اراءكم ؟

ابي استفيد


انا عندي 3 اللهم لك الحمد بس زوجي يحن يبي الرابع و انا متخوفه و ربي مو عارفه سبب خوفي ؟

 

[Vaniela]

كم عدد الاطفال اللي تتمنينهم او اللي ربي رزقج فيهم ؟
عندي ولد و مقرره احمل المره الثانيه ان شاء الله 2015
هل تعتقدين ان في زمنا هذا عدد الاطفال عائق للحياة الرومنسيه في الزواج ؟
انا اشوف انهم عائق من الناحيه التربويه و الماديه فقط لانه كثرت المشاكل حولنا وصار من الصعب انج تربين عدل او تعطين وقتج حق اكثر من عدد بسيط غير عن قبل ايبونهم و الفريج يربيهم و المدرسه و الجد والجده و جي اللحين تغير الوقت مافي الا الام والابو وساعات بس الام و هاي حمل كبير عليهاااا .. ماديا كل شي غالي ولازم تامنين لهم احتياجاتهم وفوق هذا بعد انتي تبين تستمتعين و تعيشين حياتج فانا اشوف كثرتهم مب بهالزمن .. و بطبيعة الحال بتخف الرومنسيه الى ان تنعدم و يشرد الريل و تبدى المشاكل و الي بتوازن بتصير المراءه الحديديه
هل كثرة الاطفال في وقتنا ما لها داعي؟
ودنا بالكثر بس انا اشوفها اجهاد قبل العرب يبون اولاد لانهم عزوه و بالحرب معاهم ايام الخيام و عشان اسم العايله ما ينتهي وينقطع سرهم ( برايي ماله داعي تغير الوقت )و البنات ايون صدفه وما كانوا يهتمون للبنات وايد مع انه اللحين الي ميت على البنات لانه عرفوا ان الله حق و انه محد بنافعهم الا البنات ..
ابيكم تسولفونلي عن رايكم بعدد الاطفال ؟
انا عن نفسي مفكره ايب 3
بالنهايه موضوع متعلق بالقبليه و تفكير الزوجين و تقيمهم للاسره .. مثلا اختي تبي 6 وانا ابي 3 فرق
الله يعين ويكتب الي فيه الخير ..

 

[اكاسيا]

انا عندي ثلاثه ولد وبنتين والحمد الله وعساي اقدر اربيهم اما الرمنسيه طارت من جبت الاول وسلامتكم

 

[MissChoco]

والله العيال نعمه والحمدالله احسن شي لمن تكبرين يكونون عندج سند وعندج واااايد عيال

انا بخاطري اييب 6 ,, بس عقب ماجربت الولاده لالالالالالالا والف لا لو بيدي بس بنوتي الي عندي وخلاص
الولاده صعبه ماتحملتها استغفرالله

 

[المرتاحة]

انا ابي اييب 2 واذا كلش 3

هذا الشرط بشرطه قبل الزواج



لان صج مالي خلق يهال وااااي

 

[نورعيني أنا]

انا عندي 4ماشاء الله الله يخليهم لي كافي علينا والزمن تغير مومثل اول حتي الحمل الولاده اللحين تغيرو عن قبل ماشاءالله الاولين يجيبون10 وعادي ولاحرام بعدبالبيت واحنا 3 او 4 وتطلع روحنا هههه بس والله صج انتي تبين بعدحق نفسج تبين تطلعين وتسافرين مع زوجج علي راحتج حتى الرجال اللحين يكره العيال الواجد الحمدالله علي كل حال والله يخليهم لنا ولكم و يرزقنا برهم

 

[غـرامـي أنـت]

انا عندي بنووتي وافكر ابي 3 بعد

بس طبعا مو الحيين بعد 5 سنووات

 

[أم فطامي *_*]

انا عندي اربعه الحمدلله ربي يحفظهم ويهديهم ...
كنت افكر ايب 6 بس الحين لااا مااقدر الصراحه تربيتهم
واايد صعبه المصاريف يمكن مقدور عليها بس التربيه العدله
والدراسه ومتابعتهم بروحنا قبل غير امهاتنا مب هاك الاهتمام كله هايتين فالفريج هع
الحمدلله على كل حال

 

[أم توتو]

كم عدد الاطفال اللي تتمنينهم او اللي ربي رزقج فيهم ؟

انا عندي اربع الله يخليهم لو الود ودي اجيب بعد احب العيال الصغار

هل تعتقدين ان في زمنا هذا عدد الاطفال عائق للحياة الرومنسيه في الزواج ؟

والله بالنسبه لي اي مسويه عائق شوي بس مو دايما

هل كثرة الاطفال في وقتنا ما لها داعي؟

والله انا اشوف يعني الواحد حده اربع او خمس وخلاص مو لازم وايد وكلمن يمشي برزقه

ابيكم تسولفونلي عن رايكم بعدد الاطفال ؟

والله العيال عزوة ويسون حس يالبيت صج ازعاج بس ساعات لا رحوالمدارس استاحش الصبح الله يخليهم لي


ابي اشوف اراءكم ؟

اختي اذا ريلج يحب العيال جيبي مادام انكم صغار وارتاحي بعدين بينفعونج ويشيلونج بعدين
والرسول عليه افضل الصلاه والسلام قال(تكاثروا فاني متباهي بكم الامم يوم القيامه )


انا عندي 3 اللهم لك الحمد بس زوجي يحن يبي الرابع و انا متخوفه و ربي مو عارفه سبب خوفي

لاتخافين اذا الثالث كبير خلاص جيبي كلمن يجي برزقه

 

[نفهمها صح]

عندي4
والحمدالله وكل مكبروووو زادت المسؤوليات
مكتفيه فيه والله يخليهم يارب

صراحه ينهكوون الام لانه اهي الي مجبلتهم 24 ساعه

 

[انا لحبيبي .]

كل شي من ربنا ولله الحمد ،

بس حلاتهم 2 ، عشان تعرفي تربي وتعرفي تقسمي بين هاد وهاد وتوفريلهم الراحه والدراسه

وعشان تحكمي بالعدل بالتربايه

وان شاء الله ناويه 2 باذن الله

 

[om MaRyooM]

قبل كنت اقول طفل واحد يكفي
لوووول


بس سبحان الله هذي فطرة الله غرسها فينا (المال والبنون زينة الحياة الدنيا)

الحين عندي بنوتة وحامل
ومفكرة ايب الطفل الثالث واطق stoooooop

لأن احس كثرت اليهال تأثر على العلاقة الزوجية ..

هذا غير ان التربية صعععععععععبة وكل شي مكلف والوحدة فينا اكيد تبي تدلع عيالها .. اذا عندي 5ولا 6 شلون بدلعهم واوفرلهم كل شي . . لابد يصير قصور


انا هذا راييي. .والله يرزق كل محروم

 

[جادل سبيع]

والله انا للحين ماتفقت مع نفسي مرا اقول ابي 4 ومرا 10 وانا ماحب الجهال حيل عادي وعندي بنتين الله يصلحهم وايخليلياهم المشكله بالزوج اذا كان يبي 12 او ع قولته قد ماتقدرين جيبي امممممممممم افكر يعني لي متى ..؟؟؟؟؟؟؟؟؟؟؟

 

[Al-RoRo77]

انا عن نفسي حالياَ حامل الله يتمملي ع خير يارب وناوية ان شاء الله 3 وريلي مثلي ما يأيد كثرة اليهال بهالوقت
واعتقد اغلب اللي عندهم يهال وايد يصير بحياتهم الزوجيه برود لأن اليهال مسؤوليه ويبيلهم مجابل وان الأم تفضالهم اكثر من الأبو واللي كاتبه الله بيصير
الله يحفظلج عيالج وريلج يارب

 

[aloooya]

عندي واحد و حاليا مكفيني لووول بس ان شاء الله بالمستقبل اييب بعد معنه الحياه صعبة

 

[وردة الدوحه]

انا الحين حامل بالبكر (ولد) وناويه عقب سنتين أو ثلاث اخذ ابرة التوائم واجيب توأم بنات وأقفل بالشمع الأحمررررر

 

[noona90]

كم عدد الاطفال اللي تتمنينهم او اللي ربي رزقج فيهم ؟ عندي 3 اولاد كنت اتمنى بنت بس ربي مارزقني
هل تعتقدين ان في زمنا هذا عدد الاطفال عائق للحياة الرومنسيه في الزواج ؟ لا لكن انا مع تحديد النسل عشان نحافظ على جسمنا وجمالنا
هل كثرة الاطفال في وقتنا ما لها داعي؟ شوفي الرسول عليه الصلاة والسلام امرنا بالتكاثر
ابيكم تسولفونلي عن رايكم بعدد الاطفال ؟
انا بالنسبه لي اشوف 3 كويس بس حابه اجيب بنت بنتظر 10 سنين على سن 30 واجيبها انشالله <<اي هين بكيفك هو

بس انتي لو زوجك يحب الاطفال جيبيله انا بالنسبه لي اولادي متعبيني وطفشانه من الاطفال ههههه

 

[noona90]

انا الحين حامل بالبكر (ولد) وناويه عقب سنتين أو ثلاث اخذ ابرة التوائم واجيب توأم بنات وأقفل بالشمع الأحمررررر

انا ثاني حمل لي كان توأم وربي تعذيب في الحمل وفي التربيه
ههههههههههههه ماانصحك <<مجننينها اولادها
انا اولادي عمرهم الكبير 5 سنين والتوأم 3 سنين

 

[om_dodo]

اب

اب

 

[الشيخة@]

انا عندي 2 الحمدالله نعمه بس زوجي مجنني
والوقت هذا كله تعب وصرف واجد
وطبعن تاثربعلاقه الزوجيه