الزواج من عربي

[manoooram]

حبيبتي هي أبخص بأهلها اذا يوافقون أو لأ
و اذا سبق وحصل بالعايله زواجات من جنسيات عربية أو لأ
من رأيي ما توافق لأن حلاة الثوب رقعته منه وفيه
لا قدر الله بفترة زواجها منه فكر يرد ديرته
شلون بتتغرب عن أهلها ومن وين لي وين بتشوفهم !!
وفوق هذا مثلا حصل انفصال بينهم وعندهم عيال شنو اللي بيترتب عليه
احتمال تحصل مشاكل كبيرة
بمنو يكونون عنده العيال وبهالحال ينحرمون اليهال من شوفة أمهم أو أبوهم
وبيكون التواصل قليل وقد يكون معدوم

 

[اميره1980]

للاسف هذا اللي بينهم اعجاب مو حب
انتي تقولين مزيون و شكله حلو و ما ادري شنو بس ما جبتي طاري اخلاقه يعني المسأله مبين اعجاب بالشكل و بس و قلتي ان معاها بالدوام اكيد بتنجذب له لان مجابلته على الاقل 8 ساعات باليوم
ختراجع احساباتها عدل و لا تصير مطيوره تبي تتزوج و بس
وراها عيال و مستقبل الله يوفقها باللي فيه خير يا رب

 

[بنت النوخذا]

اذا بصير اندماج مع عايلة مختلفة و تقاليد مختلفة
بنات من الآخر منو بتنصحها تاخذه و مين لا و شنو الأسباب :bbbiu:

تبين من الأخر ...... هذا الاخر

سلمي عليها و قولي لها
بنت النوخذه تقول لج


مو بعدين تقولين
جنسو عيالي
و ابي بيت حكومــه


ترااااا
ماكوووو


الحب شئ و الواقع شئ
اذا تتحمل انه عيالها علي جنسية ابوهم
وماكو بيت حكومه


هالشئ يرجع لها
ولا تاقلم العائلتين امره هين

:eh_s(8)::eh_s(8):

.

 

[بنت النوخذا]

اســتخيري ورب العالمين
يكتب لج الي فيه الخير
((إذا أتاكم من ترضون دينه وخلقه فزوجوه))


و عن نفسي انصحج لا تستعجلين
صبري ثلاث اربع شهور
و اخذي قرارج علي راحتج
ولاحقه خير
ربي يسعدج و يوفقج يا رب



.

 

[امـل لاينتهي]

رفيجتي خذت لبناني بس مثل المذهب والحمدلله كل شي اووكي حتى هي تقول ماراح القى واحد يفهمني مثله واهلها مثل رفيجتج متوفين بس الاخوات عارضو والاخوان بس يوم جافوه جاد رضو بالامر الواقع وراح تسكن معاه والله يوفقهم

عن نفسي احسه شي عادي لكني ماقدر افارق بلدي ومتعودة ع العيشة مع امي واخواني والا الباقي محد درى عني بس كله نصيب

 

[ضــمــاد]

نظرتها لازم تكون اوسع من جماله وجمال أخوانه !


1: عيالها راح ياخذون جنسية ابوهم .. فـ هل ديرة أبوهم توفر اللي ديرتنا توفره لنا ؟


2: العادات والتقاليد .. هل رفيجتج من النوع المنفتحه واللي ترحب بكل شي يديد وتحب تجرب وعادي عندها تتقبل
عادات وتقاليد الغيــر .. او لا ؟


3: هل مستوى أهله الديني الثقافي الفكري مقارب او مثل مستوى اهلها ؟
هالامور هذي لها تأثيرها وتأثيرها قوي بالمستقبل


وحده من أهلي كانت تحب واحد وكان يحبها , أهلها رفضوا الولد مع انه كويتي ومن عايله ونعم فيهم
لكن البنت اهلها محافظين .. والولد اهله خلط وعندهم أمور وايد free ..
بالنهايه وافقوا اهلها .. لكن الحين مع لسنين محد مبتلش غيرها .. لانها متربيه بطريقه معينه وفي العيب
والممنوع .. واهل ريلها متربين بطريقه معينه امور وايد يتساهلون فيها ع اساس free ..



فـ أنتي قولي حق رفيجتج .. الجمال ماراح يفيدها .. وخل تفكر بالموضوع من أكثر من زاويه



والله يوفقها ويكب لها اللي فيه الخير

 

[مجهوله تايم]

خليهاا تستخير الله بتشوف شنوو اللي خير لهاا

لا تفكر وشلون بيتقبلون الاقارب تفكر بعيالها بعدين لا قدر الله وصار شي ياخوفي ياخذهم ويروح برى الديره وتصير مشاااكل طول وعرض
اكيد الاقارب ماراح يتفهمون هالفكره بذاات اهي كويتيه يعني بنت ديره راح تكون حديث المجالس خليها تستشير ريال بعايلتهاا عمها ولا خالها واذا لها اخوان تستشيرهم بعد


الله يكتب لها اللي به الخير

 

[نيسان مورانو]

وااااي مشكوورين بنات كلكم ردودكم حلوة و تحبون الخير فديتكم
و انا اتفق وياكم بس اهي ما ادري شقول حسبي الله و نعم الوكيل انا راح انقلها ردودكم الحلوة عسى الله يهديها للي فيه خير لها
بس ارد اقول اهي مخا مقفل تحبببببببببببببه حسبي الله
فديتكم حبوبات

 

[نيسان مورانو]

مشاكل كثيرة من هالنوع بصير حل وااااايد سهل و مريح لو الدول العربية تسمح للأم تعطي جنسيتها لأولادها وايد أبرك و أحسن
عاد لا تقولون باجر كل وحدة تتزوج أجنبي و تعطي ولادها الجنسية الكويتية بقولكم خلها تعطي لأن نسبة العنوسة عندنا بالديرة وايد مرتفعة و اشجقه الرياييل يتزوجون اجنبيات تشكثر عربيات و أجنبيات و بناتنا قاعدين

 

[last piece]

الموضوع يعتمد على اكثر من شغله
١- السبب اللي مخليتها تفكر باجنبي
٢-جنسيته لان في دول ثقافتها واخلاقها قريبة من الكويت
٣- تتحمل باجر عيالها يكونون اجانب وما لهم ميزات ؟
٤-هي قالت انه هو مزيون هل هي بدرجة جماله ؟ تر تفرق
اذا هي عندها فرصه تاخذ كويتي لا تقول لا لانها مسؤوله عن اختيارها باجر قدام عيالها

 

[i'm so happy]

اذا رجال طيب ومقتدر ليش لا حياه الله واهم شي راي البنت مقتنعه خصوصا تختلف حياتهم عن بعض
ورد الاهل شلووون ... رضاهم مهم بعددد

 

[بنت النوخذا]

تتزوج أجنبي و تعطي ولادها الجنسية الكويتية بقولكم خلها تعطي
لأن نسبة العنوسة عندنا بالديرة وايد مرتفعة

عزيزتي مورانو

اذا كل وحده تزوجت و جنسوا عيالها
( ايا كان جنسيه الزوج )

بعد عشر سنين شنو بيصير عندنا
تضــــــــــــــــــــــــــيع الهويه الكويته
تصير ديرتنا مثل قوطي المكنتوش مشـــكل

ما يصير حبيبتي
من حق كل دولة تحافظ علي هــويتها
السالفه مو سالفه رفيجتج بروحها
السالفه سالفه تركيبه سكانيه و هويه بــلد



:eh_s(1)::eh_s(1):
:eh_s(1)::eh_s(1):


​

 

[مرتبة]

خليها تحسبها صح
فرضا تزوجت وجابت عيال وطلقها بهالحاله شتسوي ؟؟؟ يمكن ياخذهم يديره وهي بديره
اعرف كويتيه ماخذه سعودي يوم طلقها حرمها من عيالها لانها ردت لأهلها بالكويت وغيابها ممنوعيين سفر

سمعت من ماما فويه مقدمه. برامج مشاكل الأسرع توصي تقول لا تاخذون احد غير عن جنسيتكم ترى المشاكل اكثر *

 

[نيسان مورانو]

مشكورين حبيباتي ما قصرتو

 

[M!SS.LOBY]

الله يوفقها
بالعكس العربي شفيه هم اهو ريال بعد بالعكس اللي تشوفه صح خل تتوكل عالله وتسويه

 

[بنك بااستا]

خل توافق دام اناماديته زين وريال ومحترم الجنسيه عمرها ماكبرت من شان احد

 

[مــســك]

ما انصحها ..

 

[عادت ذكرياتي]

تستخير مرة ومرتين وثلاث


وتفكر هل راح ترضى بأن عيالها راح يكونون غير كويتيين ؟؟؟؟


تتقبل تروح ديرة أهل الزوج ؟؟؟ لأن ممكن بأي وقت يقولها بروح ديرتي ؟؟؟؟ بتقدر تمنعه ؟؟؟؟


وامور وايد تفكر فيها وعلى حسب الجواب ينبني الرفض أو القبول


والله يوفقها

 

[نيسان مورانو]

مشكورين بنات علردود فديتكم

 

[برنسس كاتي]

والله كل شي يعتمد عليها هي وأهلها
لو عادي عندهم وهي عادي عندها عادي خل تتزوجه ليش لأ
بالعكس ممكن يكون واحد كويس ويعاملها احسن معامله ..
هو بس خل نحط بالها على سالفة السكن والجنسية ..
يعني عيالها رح ياخذون جنسية ابوهم + بيكونون مقيمين في الكويت
وو فرضا تقاعد او شي وقالها والله برجع لبلدي ، هل عندها استعداد تترك بلدها
وتروح معاه ، هل اشياء كلها لازم تحطها بعين الإعتبار ..