الزواج بعد الاربعين

[قماشه]

مرحبا خواتي
عندي صديقة ربي يحفظها صار عمرها 40 ولا تزوجت وتقولي اشرايج في احد يقبل بهالعمر
انا قلت لها والله مادري

خليني اسال كويتيات
انا اللي اعرفهم بنات صغار ما مرت علي مثل حالتها

بسالكم بنات اشرايكم بمشكلتها او سؤالها ؟

 

[شمس 20]

الله يرزها ان شالله


عادي تتزوج اذا ربج كتب لو بالستين

 

[tbola]

رد : الزواج بعد الاربعين

اي اي انشالللللللللللله
وانشاللللللله بعااد نشوووف اعيااالهااا

 

[العجميه سبشل]

يصير ليش مايصير

مافي شي مستحيل على ربنا سبحانه وتعاله

بنت جيرانا تزوجت وعمرها 43 من شهرين

 

[لحظآتَ]

رد : الزواج بعد الاربعين

مافيها شي اللي كاتبه ربي بيصير لو عمرها 50
حبيبتي انا اعرف وحده تزوجت رجال مو مطلق ولا شي وعمرها كان 40
وعاااايشين ماشاء الله ومرتاحين ويحبون بعض
قدرة ربج فوق كل شيء..
الله يرزقها ياربي من عنده ويوفقهـآ بس خليها تكثر من االادعيه والاستغغفار
وتطلب ربي اللي مايخيب رجاها

 

[العنود 99]

رد : الزواج بعد الاربعين

عادي حبيبتي اللي يسخر لها الزوج الصالح ان شا الله

شوفي الممثلات الاجنبيات اكبر مثال يتزوجون وهم في الخمسين والاربعين عادي
وعند الاجانب بشكل عام بس هالخوف ما تحصلينه الا عندنا احنا العرب

الله يوفقها ويرزقلها ولد الحلال

 

[đeɱɛɼɑ™]

بنت عمي تزوجت وعمرهآ بالاربعين
والحين ماشاء الله عندهآ ولد
مافيها شي حيآتي .. هذا نصيبْ
وعسى ربي يرزقهآ الزوج الصآلح وييسر امورهآ

 

[لوازم العائلة]

رد : الزواج بعد الاربعين

اي اعرف وايد تزوجوا

 

[هموووم]

اعرف وحدة تزوجت وعمرها بالاربعين من شاب مقارب لعمره تاخر عن الزواج لانه كان يدرس الدكتوراه وعوضها عن السنين الي فاتت
ووحدة تزوجت وهي بااخر الثلاثين من شاب في سنها وغني وعوضها عن السنين الي فاتت وماتقعد بالسعودية ابدا كل شهرين يفاجأها بسفرة
النصيب يصيب وما يتاخر السيل الا من كبره

 

[غريبه الدنيا !!]

رد : الزواج بعد الاربعين

حبوبه يمكن الله مأخر زواجها لخيره في شي ويمكن كاتبلها شي زين ماتدرين

الله سبحانه قادر على كل شي نصيبها بيجيها حتى لو بالخمسين او الستين هذي حكمة الله وماعليها الا الصبر

والله يرزق كل محرومه ان شاءالله ويوفق الجميع لما يحبه ويرضاه

 

[أهداب]

رد : الزواج بعد الاربعين

الله يوفقها يارب
انا اعرف حريم حتي بالخمسين تزوجوا

 

[قماشه]

رد : الزواج بعد الاربعين

تسلمون حبيباتي كنت اقولها بس ما تصدقني وانا بعطيها الموضوع ايبيها تشوفه بنفسها

 

[قماشه]

رد : الزواج بعد الاربعين

upاااااااااااااااااااااااااااااااااا

 

[Dreamy G!rl]

رد : الزواج بعد الاربعين

خل تتزوج بالعكس احسن لها

 

[*إماراتية*]

نعم فيه وأكبر من الأربعين بعد ,,
هي بس خل تتوكل على الله من خالص قلبها وتترك الموضوع لا تفكر فيه علشان ما تبعده عنها

وتدعي دعاء المضطر
والله يوفقها.

 

[غرور وايل]

حبيبيتي هذا النصييييييييييييييييييييييييب

والله يووفقهاا ياارب ..

 

[اصيله بنت البدو]

رد : الزواج بعد الاربعين

الزواج لا يوقف على سن محدد اذا جاءه النصيب تستخير وتتزوج عالاقل الاربعين سن مناسب في امل تجيب
بيبي والله يكتب اللي له الخير

 

[Cander]

عاادي جداً

هذاكاليوم رحنا عرس ناظرة مدرسة

ومرة بعد وحدة تصير لنا 39 سنة وتزوجت

بعدين ليش كل هذا الرسول صلى الله عليه وسلم تزوج السيدة خديجة واهو عمرة 23 واهي 40 سنة

الله يرزق الجميع

 

["اسطورة العشق"]

ممكن ليش لا ..

 

[daana]

رفيجتي تزوجت قبل الاربعين بشهرين تقريبا يعني تعتبر اربعين
سبحان الله الله رزقها على قد نيتها وعقب صبرها وتعبها مع امها لانها يتيمه
الله يوفقها ان شالله
وسبحان الله الله ماينسى عباده