الزواج أحلى ولا العزوبيه ؟؟! بصراحه

[مسك حياتي]

مو متزوجه ~
الزواج حلو لانه استقرار و يكون عندج بيت و عيال يكون لج كيان ~
بس العزوبيه ممتعه وقتج ملكج حره في أحد مسؤول عنج مو شايله هم ~

رايي متناقض ادري ~
بس حاليا أفضل العزوبيه ~

 

[Awar galb]

انا عرسي قريب وإن شاءالله يتم بخير

بس موضوعي هذا حطيته لأني أشوف العزوبيه عندي احلى مع اني للحين ماجربت عيشة الزواج ومارحتله للحين
بس انا بنت ماخذه حريتي عند اهلي اسوي اللي ابيه بكيفي بس طبعن بأصول مو كل شي هدد

فامادري نشوف ارائكم ونستفيد لباكم منورين ياالغوالي
واشكركم عالمرور النايسي

 

[زهرآء]

اكيييييييييد العزوبيه

انا صح مردي بتزوج بس مو حابه اتزوج من وقت ع الاقل انخطب وعمري 21 و ابي اعيش كل شي في الحياه ولاحقه ع الشقا ولوعة الجبد كااك انا تظرتي للزواج سوداويه اشوف ان المره كل شي تسويه ><

 

[الليدي ديانا]

انا مو متزوجه بس طبعا العزوبيه احلى .. والله عايشه عيشه الملوك .. انام متى ما ابي و اقوم متى ما ابي ما افكر وراي ريل يبي يبلع و لا عيال ادرسهم .. يا زين الحريه بس

 

[توتا الكتكوته]

الزواج

علشان شيء واحد وهو العلاقه العاطفيه وبكل صراحه


ولا الرجال كله على بعضه زباله في زباله حشاكم



بس احلى مافي الزواج يعدل البشره وتصيرين حلوه يتعدل جسمج من العلاقه الزوجيه

يغني عن العاده السريه والامراض اللي تسببها بالرحم للفتاة

غير جذي انا استقلاليه نظام اجانب متسلطه وعصبيه ومزاااجيه ههههههههههههههههههه

صريحه تقبلو صراحتي​

 

[دلوعة أبوهآ]

الزوآج سنة الحيآه ..
وإستقرار ورآحه للبآل ..

بس يكون حلو إذا صار فيه تفآهم بين الطرفين
وحب و إحترام وتقدير ..

 

[احساااااس انثى]

شوووفي انا متزوجه احلى ماافي العزوبيه انك ماعندك مسوؤليه بشيء
مااحد يتحكم فييك بس الزواج فيه شيء حلوو بعد زوج يهتم فيك ويدلعك
يطلعك تساافرون تحسين انك استقريتي بحيااتك واحلى من هذا كله الامومه
انك تصيري ام ...يعني كلهم فيه اشيااء حلوووه ولو بنرجع للاشياء الشينه اكييد فيه ..
عيشي حيااتك وانبسطي بالعكس الزواج نعمه .....

 

[امي نور الكون]

انه مومتزوجه بس الصراحه
افضل الزواج لان كل بنت تتمنى تستقر
ويصير عندها بيت وعيال العزوبيه حلوه
مافيها مسؤليه بس بنسبه لى الزواج ستر للبنت
عشااان جذى افضل الزواااج

 

[نوره 99]

احس العزوبيه احلا
وانا حابه حياتي كذا حره لامسؤوليات ولا التزامات ولا هم
بس الزواج شي ضروري

 

[حزن الليل]

آآآخ بس
آنا اضايق لمن امـــــي اتييب طاري خطابه ولا زواج سيييييداا اققققب
مــآدري لييش

انا احب>> الحريـــــه << مااحب احد يتحكم فيني !?
ابي اعيش ح،ـــيـــاااتـــي لــنــفــسي ولــربــــي وبسس

يمكن لاني صغيرهـ ومااقدر عالمسؤليه :؟؟

ويمكن لانه ريايل هالوقت مو كفففوو !! ××××

الله يعين ويرزق كل وحدهـ بالريال الصالح ويصبر اللي متأذين من الزواج .:
ويهدي الجميع اللهم آمييين،

وتحيــااتي :*

نفسي انتي اقب وحاله قشرا والي يسمع يقول باجر ملجتها



وازواج يقلون هم حلو بس مو بحلاوة العزوبيه فديتهاآ

اكيد العزوبيه احلى نوووم ع كيف كيفج >>>اهم شي

 

[وردة-الكويت]

فكرووو يابنات ف الامومه اجمل شي ف زواج الامومه حتى لو زوج موزين

الله يكتب لكم يارب الازواج الصالحين

 

[Awar galb]

تصدقون ودي بس اعرس ويب اعيال بس ٢ وطلق
بس لمن فكرت فيها عدل فكرت بعيالي راح يحنون للأبو والأم لمن يكونون مع بعض وحسيت اني انانيه لمن فكرت هالتفكير

 

[Unusual]

العزوووووبية حلوة ،، ماتشيلي هم شي ،،
تفكري بس بنفسك ،، عايشة بين احضان اهلك ..
لا مسؤوليات ولا شي ..

امممم لكن احلى مافي الزواج الأطفال .. خصوصا اني اموت فيهم وهما نقطة ضعفي 

 

[مزيونة الخبر]

يمكن الي يحبون العزوبية الي صغار باقي يبون يطلعون وكذا انا كنت نفسهم ولاانا مطولة بالعزوبية بعد صدق حرية واللة اني بنات يحسدوني على عيشتي مع اهلي مافكر غير بدوامي ودراستي الجامعية الي اكملها وطلعات وروح واجي لكن لما صرت بنص العشرين حسيت بملل والروتين والفراغ العاطفي لكن شبعت من العزوبية ابي اتزوج لان الزواج استقرار للبنت زوج وعيال وحياة مستقلة وهذا رايي

 

[اجمل 1981]

العزووووووووووووبيه راحـــــة بااااااااال جربت الاثنين

 

[نحوله عسوله]

الزواج احسن من العزوبيه بووايد

والاحلى انج تجربين الامووومه من خلال احس هذا صج اللي يسوى


الزواج توكلي ع الله وعيشي حياتج

 

[أحلام مؤجلةة]

العزوبيه احسن الف مليون مره ليتني ماتزوجت

 

[tt2tt]

العزبيه طبعا احسن بس انا اموووووووووووت في الاطفال ودي اتزوج سنه اوثنين اييب اطفال وبعدين اطلق انا ما احب الريايل ومالي خلق احب الحريه

 

[قمر ضاوي33]

والله احلي ما في الزواج العيااااال

بس العزوبية احلي مليوووووون مرة ههههههه

 

[Only One]

بالنسبة لي العزوبية

مرتاحة وقتي كله لي واروح ارد ونام واقعد ما احاتي احد غيري

خاصة اني الحمدلله مستقلة عن اهلي استقلال تام وعندي حرية 100% اسوي اللي ابيه

غير الزواج مسئولية ريل وعيال وصدعة راس ولوية وحمولة

انا ماحن لليهال ومو بخاطري يكون عندي عيال بالعكس هالشي يمنعني من الزواج مالي خلق اكون مسئولة عن ناس طول عمري

بس الايجابية الوحيدة انج تفتكن من كلام الناس ونظرة الشفقة اللي بعيونهم

وبعدين في ناس لو شنو ما تسوين ولوشنو ما انجزتي ولو عندج دكتوراة تشوفج ولا شي وما سويتي شي بحياتج دامج ما عرستي وما يبتي عيال مع انه سبحان الله هالشي عادي كل وحدة اتسويه بس المو عادي والمو كل يسويه هو الدراسة والشهادة خاصة لو تخصص نادر