الزقارة قبل الشهادة

[ملح بدويه]

يكفي ريحتها بالحلج

وعععععععععععععععع

 

[ناعم العود]

الزقاره ما تعيب الرجال وزوجي كثير التدخين بس ما يدخن عندي ولا عند عياله بره البيت وممكن تساعدينه يتركها

 

[berry]

شاطره زين تسوين انا لما تزوجت ريلي ماكنت ادري ان الزقاره بتأذيني بس بعدين عرفت وحسيت بس يدخن اتعب
راسي يصدع واذا كنت يوعانه ودخن بطني يعورني وتسد النفس وطبعا اللي يدخنون لازم زقاره بعد الأكل هم تعفس لج بطنج وذا دخن وانتي تاكلين هم تتعبين وباجر العيال هم بتأذون اشكثر كلمته
ياولد الناس اقطعها ترى اذيتنا ماكو فايده و صعب الواحد يقطعها

 

[cawcaw]

كااافي ان طلعت فتوى تحرم التدخين وانا قاريتها والله بواحد من البوسترات بالمستوصف يم بيتنا.. بس حبيت اضيف هالنقطه عالكلام الي قلته واذا الريال كان يدخن يدري انها حراام ومصر ان مايتركها على بو مايقدر وادمان وصعبه وغيرها من اعذار..ف هذا برايي سبب كافي للرفض

 

[* فطامي *]

اي والله الزقاير عله الصراحه:0bee2e8d89:
بس اذا انتي شايفه الولد زين بالاخلاق ومن جميع النواحي بس عيبة الزقاير
عادي شرطي يترك الزقاير ...
أنا مرت عمي كانت شارطة بعقد الزواج يترك الزقاير والحمدلله تركها
وفي توه وحده من الاهل تزوجت وكان شرطها يهد الزقاير وهمن تركها
فعادي شرطي والله يوفقج ويوفقنا بالريال الصالح يارب...

 

[جوك احلى جو]

الانسان العاقل مايضر نفسه والمتخلفين اللي عندنا بعضهم يظن ان اثبات الرجوله بالتدخين للاسف وانا ضد التدخين وما اجب اشوف اي شخص يدخن تلوع جبدي الريحه ويصراحه مادري شقولج بس كل بنت تتمني ان زوجها يكون سوي وما يدخن

 

[توووفية]

بسييطة حبيبتي لا تاخذينه اذا يدخن

 

[L A T T E]

يا باش مهنننننننندسة

انا نفسج بالضبط بالضبط.. بس انا ملجت ومحد يابلي طاري التدخين وما طرا ببالي انه يدخن وبعدين انصدمت قالولي يدخن !!

.... والحين ابتلشت !

بس هم انا ماراح اصير عبيطة واتعامل مع الموضوع بخبال.. قاعدة امخمخها عالبطيء.. ادعيييلي

 

[شذى الحب]

انا زوجي مايدخن كان يدخن بس الحين لازم كل يووم يرووح الشيشه ويشربهاا

والله ياابناات اذاا مااشربهاا يعصب علي يطنقر خلاص تعود عليهااا

الحين صرت اقوله لا تكلمني الا اذا انت شارب الشيشه عشاان ماايهاوشني ولا يزفني

بصراحه حاولت معاه سنه ونصف اخليه يتركها مو قادره يقول اذا ماشربتها والله راسي يعورني

شنو الحل مادري

 

[خليفة العظماء]

يا شين الزقاير

 

[ديانا سبنسر]

والله انا نفسج ماداني ريحة الزقاير حتى اذا واحد من اخواني دخن وانا قاعدة اطلع لغاية مايخلص بس شسوي ريلي يدخن ومقدر ارفضه علشان هالخصلة لانه حبيبي وابوعيالي مالي الا اني ادعيله الله يهديه

 

[أنا Top أنا]

خليج جذي ليما يفوتج قطااااار الزواج ..

حبيبتي اذا الزقاره تضرج اشرطي عليه انه يتركها والا انتي عوديه بفتره الملجه يتركها عشان لا صرتي عنده يكون تاركها

وبس ... والله يوفقج !

 

[كتكات احمر]

انتي الحين انخطبي بعيد فكري بهالسالفة ؟؟؟

تحطين الدوا قبل الفلعة

ليييييييييش ؟؟

 

[Tutti-Frutti]

انـا مـثـلـج
مـو دلـع بـس جـد مـاقـدر اتـنـفـس بـمـكـان فـيـه ريـحـه زقـايـر وتـدخـيـن
اخـتـنـق

ودايـمـا ادعـي انـه الله يـرزقـنـي بـواحـد مـا يـدخـن
صـج هـالـشـي عـنـدي اهـم مـن الـشـهـاده لـول

واذا تـقـدم لـج واحـد سـئـلـيـه اذا عـنـده قـابـلـيـه انـه يـتـرك الـزقـايـر ولا لا
فـيـه نـاس عـنـدهـم قـابـلـيـه بـس يـبـون الـلـي يـداحـرهـم ويـحـن عـلـيـهـم عـشـان يـقـطـعـون