الزبيدي المشوي الذااااااااايب

[أم حيدر]

اللي سويته أحلى من هالصورة بشهادة زوجي :eh_s(6):

وهذي الطبخة :

- يخلط في طاسة : بهارات سمج ملعقتين (أنا بهاراتي من مطحنة سمراء عدن تهبببل) + ملعقتين طعام خل بلسمك + ملح حسب الرغبة + شوية فلفل أحمر مطحون حار + ليمون (عصير ليمونة) + لومي أسود ملعقة أكل + ثوم مدقوق+ شوية ماسترد (خردل)

بالفرامة : بصلة كبير + كزبر (اللي عندي مفروم ومفرز )+ ثوم + طماطة= تفرم جميع المقادير فرم ناعم

:::: نجيب 4 زبيديات حلوين نظيفين مغسولين ونازل منهم الماي عدل مدل ندهن بطنهم بخلطة البهارات عدل ونحط مقدار من الخلطة المفرومة بعدين ندهنهم من برة بخلطة البهارات عدل ونصفهم بصينية تحتهم قصدير ونغطي الصينية من فوق بقصدير

ندخلهم الفرن على درجة 120 لمدة ساعة الا ربع بعدين نفتح الفرن ونشيل القصدير الفوقي ونرجع الصينية بالفرن ونرفع الحرارة لدرجة 160 ونتركها لمدة نص ساعة
بعدين نجيب شوية زيت زيتون ندهن فيه السمج من فوق ونرش عليه بقسماط وندخله الفرن ونشب الفرن من فوق على نار واطية لمدة نص ساعة ثانية ونوطي على الفرن من تحت - لما يصير السمج لونه ذهبي من فوق يكون جاااااااااااااهز للأكل

أفكار التقديم :
1. مع رز أبيض
2. مع خبز ايراني + صلصة الطحينة ( مقادير : طاسة روب + قفشة صغيرة ثوم مطحون + قفشة اكل زيت زيتون + سماق + قفشة أكل هردة + شوية ملح ) اختياري ( جرجير مقطع صغار يضاف على الصلصة)

وبالعاااااااااااااافية :eh_s(15): :eh_s(17):​

 

[بنت الحزن]

يسلموااااااااااااااااااااااا

 

[Shestylet]

واو الطريقة مبين عليها روعه

 

[أم حيدر]

بنت الحزن - شي ستايل / جربو وما راح تندمون

 

[جورية كويتية]

تسلم ايدج حبيبتي
​

 

[عروبه]

تسلم الاياادى بس لازم زبيدى ما ينفع اى نوع ثااانى ؟
وشكرا

 

[bnt q8 in usa]

تسلم ايدج واي مشتهيه صجججججججج سمج

 

[جارة القمر]

تسلم ايدج

وعليكم بالعافييييييييييه

 

[[]نهاوند[]]

ام حيدر ماشاءالله عليج مبين عليج طباخه :eh_s(15):
شكل الطريقه روعه تسلم ايدج حبيبتي ​

 

[سيدة الكويت]

مشكوره اختى بس اى فرامه تقصدين مالت الخضراء

 

[أم حيدر]

جورية - الله يسلمج من كل شر

عروبة - تنفع حق اي نوع ثاني سمج انتو تحبونه وبالنسبة حق السطح الخارجي للسمجه ساعات ادهنه بتمر هندي ومعجون

بنت الكويت- حبيبتي ولا يهمج تعالي وانا اسويلج

جارة القمر - حياج الله ياقلبي

نهاوند - جنج تدرين اموت بشي اسمه طباخ هوايتي المفضلة والله

سيدة الكويت - حياج الله بالنسبة للفرامة ماركتها براون تحصلين عند الغانم اشكال والوان هي تصير فرامة بصل.

 

[C.A.N.D.Y]

تسلم ايدج حبيبتي

 

[أم حيدر]

ساندي انتي صرتي منتابعة جيدة حق طبخاتي وهذا شرف لي

 

[ضحكة الدنيا]

روعه تسلم ايدج حبيبتي

 

[أم حيدر]

ضحكة الدنيا انتي اروع يا قلبي

 

[ضحـاوي]

تسلم ايدج

 

[أم حيدر]

ضحاوي هم حيااااااااج الله

 

[atooma]

تسلم ايدج

ويعطيج العافيه