الزبده: باي مدرسه ادخل عيالي فيها..؟

[ناني سيكرتس]

السلام عليكم يا امهات ياحلوين..

هذي اول مشاركه لي بهالقسم, عندي استفسار واتمنى انكم تردون علي..

عندي ولدين واحد بروح اولي ابتداثي وواحد بدخله الحضانه او اذا يصير بدخله روضه خاصه لان عمره 3 سنين ونص, كنت مفكره ادخلهم المدرسه الباكستانيه الانجليزيه لاني سمعت عنهم حجي حلو وزين, لكن الكل يقولي حرام عليج المدارس الباكستانيه معروفه بدراستها وواجباتها الي ما تخلص, ففكرت اني اشوف لهم مدرسه ثانيه بس ابيها بالانجليزي قويه لان ولدي الكبير اسم الله عليه بالمدرسه النموذجيه وانجليزيته وايد حلوه , فابي حق عيالي الباجي مدرسه زينه وانجليزيتها حلوه وقويه..

الي محيرني اني لما دشيت هالقسم وقريت وايد مواضيع لقيت ان كل المدارس الخاصه فيها تدريس وواجبات وايد, عيل ليش كل الناس يقولون ان المدرسه الباكستانيه واجباتها وايد ..؟

عشان جذيه ابي الزبده: باي مدرسه ادخل عيالي فيها..؟
ابييها تاخذ الولدين اولي ابتدائي واولي روضه او حضانه اي شي بس يناسب عمر 3 سنين ونص..

ناطره ردودكم الله يخليكم ويوفق عيالكم بمدارسهم..




ملحوظه: ابي المدرسه ثنائية اللغه وفيها كويتيين...

 

[توت عنكبوت]

انتي باي منطقة

اذا كنتي بالفحيحيل او بالمنطقة العاشرة فانا انصحك (( بالمستقبل ))

وبالنسبة للباكستانية انا أأيدها ألف بالمية للروضة فقط صج واجبات بس ترتاحين بعدين لي دخل الابتدائي انا مجربة بعيالي اول شي باكستانية بعدين المستقبل ثنائية اللغة

 

[sara999]

والله يمكن .... بس انا ناويه على العالميه الامريكيه الي بميدان حولي حلوه وقويه

 

[!! شوق !!]

اجيال بالرقعي .. جدا ممتازه

 

[ناني سيكرتس]

انا بغرب مشرف, ما ابي بالرقعي ابي اماكن قريبه , وبعدين عادي اكيد المدرسه فيها باصات..

 

[بحور الشوق1977]

شوفي انا اقترح عليج انش تودينهم كلهم مدرسة الكويت الباكستانية الانجليزية بالسالمية وايد منهجهم قوي هذا رقمهم 25625792 وعندهم رسبشن وروضة وابتدائي لين 8 متوسط انا عيالي 2 وحدة بروضة والثاني 3 ابتدائي ولدي الصغير حضانة بلي قروب انجلش هم وايد زينة الحين انطر يفتحون المدرسة الباكستانية الحضانة علشان اسجل ولدي فيها لان الرسوم شوي غالي ببلي انجلش قروب وهذي الحضانة الياكستانية وايد ارخيصة وعندهم باصات بكل مناطق الكويت وشكر اي استفسار انا بالخدمة من عيوني

 

[sara999]

بس شلون يقولون الياهال بالروضه وايد هوم ووركات وعليه ؟؟؟
وبعدين حاليا ماعندهم حضانه ؟؟؟وسمعتي انهم بيفتحون الفتره اليايه

 

[كويتيه ذربه]

انا بنتي بالتكامل باولى ابتدائي المدرسة قوية (بالمسيلة ) بس ماعندهم حضانة بس اذا ولدج مولود قبل شهر 3 ياخذونه روضه والروضة مافيها واجبات والابتدائي في بس مو وايد

 

[ناني سيكرتس]

شوفي انا اقترح عليج انش تودينهم كلهم مدرسة الكويت الباكستانية الانجليزية بالسالمية وايد منهجهم قوي هذا رقمهم 25625792 وعندهم رسبشن وروضة وابتدائي لين 8 متوسط انا عيالي 2 وحدة بروضة والثاني 3 ابتدائي ولدي الصغير حضانة بلي قروب انجلش هم وايد زينة الحين انطر يفتحون المدرسة الباكستانية الحضانة علشان اسجل ولدي فيها لان الرسوم شوي غالي ببلي انجلش قروب وهذي الحضانة الياكستانية وايد ارخيصة وعندهم باصات بكل مناطق الكويت وشكر اي استفسار انا بالخدمة من عيوني

مشكوره حبيبتي وماقصرتي..
بس اذا هالمدرسه تابعه للي بحولي ما ابيها, رفيجاتي ثنتين عيالهم فيها يقولون قامو الابلات يطقون اليهال من كثر الضغط الي بالصف, تخيلي كل صف فيه 42 طالب..

 

[* LOVE STORY *]

البيان ثنائية اللغة بالجابرية

 

[بنت الكويت1]

شنو رايكم بالتعليم المبكر " المجموعة الانجليزية " ودي ادخل بنتي فيها اولى روضة ناطرة ردودكم

 

[sara999]

بنت عمي مدخله بنيتها في بلي قروب الي بسلوى وشحليلها والله تأسيسها قوي وحتى الياهل مستانسه اهيا بثانيه روضه وبتكملها الابتدائي عندهم