الريوق والـــدوام,,,!

[sunshine22]

هاااااااااي بنات


السالفه وما فيها

انا اسوي رجيم وما انزل بسهوله لانه فيني الغده الخامله,,,

اعطيكم نبذه عن نفسي مرات اسوي ريوق للدوام وياي اللي معاي ومااعطيهم خبر اذا بيجيبون اطباق عشان مااحب اكلف على النااس يمكن عندهم ظروف وانا واااااااااااايد كريمه ومااعرف البخل بحياتي ودي ودي اصير بخيله

المهم

وياي حاليا وحده حسبالها انا بخيله واتعمد اسوي رجيم عشان الريوق,,,!

زين انا ابي اضعف واصير رشيقه اشلون

وهالوحده هذي كله كله تقولي انا جوعانه بطلب يافلانه تبين شي<<<اااااااااااااااه ياربي قلنالج الف مره انا اسوي رجيم
يابنت افهمي ما تفهم

وكل يوم نفس السؤال ما تفهم اني اسوي رجيم
وقدام بعض الابلات تقولي يافلانه لا لا لا خلاص انا مت جوع بطلب من المطعم
الحمدلله والشكر زين يامعوده طلبي احد قاضبج كله تقولي بطب وبطلب زين طلبي احد ماسكج!!!


ماتفهمممممممممممممممممممم


كله تتعمد تحرجني


شسوي معاها اطلب لها على يوم من مطعم
واجيب اكلي معاي
وافشلهاااااا

يمكن تحس اذا شافتني طالبتلها وتسكت عني


صراحه مافيني وغير جذي اوفر شغلات وكراتين ماااي وهي مرات ما تجيب


صراحه تعبت منها
مدري اشلون تفهم

 

[sunshine22]

اي ونسيت كله تحبطني تقولي انتي ما تضعفيــــــــــــــــن

كل مالج وتمتنين


وانا سبق وقلت فيني غده خامله انزل بس بصعوبه

 

[soseta]

حبيبتي هذي شكلها محتره منج ومقهوره , ماعليج منها ولاانتي مكلفه فيها عشان تطلبينلها
خليها تقول اللي تقوله وانتي طنشي , اهم شي صحتج ورجيمج

 

[yassoo]

والله خليها تولي شنو انتي منتي ملزومة فيها
وانتي مومجبوره اتبررين حقهم انج تسوين دايت او غيره
وسلفة بخيلة او مو بخيلة شغله راجعتلج انتي اهما مالهم شغل
صج الله يعينج على هالاشكال

 

[sunshine22]

اي والله الله يعيني

الواحد يايلحق على مصاريف البيت والا المواجيب والا المدرسه ومتطلباتهاااا

ااااااخ بس الحياه شقى صارت

 

[منورة الكويتية]

انا اقول حقريها
واذا ياعت مصيرها بتاكل
ماكو شغل تطلبين لها ليش ان شاء الله!!
لي قالت بطلب قوليلها طلبي حبيبتي انا مليون مره اقولج مابي اسوي ريجيم بظعف
واذا قامت تحبطج حقريها ولاتردين عليها لين تنجعم

 

[مهايه]

ابتسمي لها وقوليلها شكرا انا مسويه رجيم واتبع نضام معين مابي اخربه

 

[little nina]

ما عليج منها ترا اهي غيرانه منج عشان تسوين دايت وما تبيج تضعفين اول شي قاعده تحبطج وتقول ما تضعفين ثاني شي قاعده تحاول تخليج تاكلين عشان تخرب الدايت مالج.......عموما انتي مو مسئوله عن احد عشان اتييبين لهم اكل معاج لان الكرم والطيبه الزايده خطأ بهالأيام وبعدين مو لازم تقولين لهم انج اتسوين دايت هذي امور خاصة فيج.........الله ينولج الي في بالج وتضعفين وانتي بصحة وعافية والله يشافيج من مرض خمول الغده.

 

[viva la glam]

هذي انسانه تافهه مالج شغل فيها ولاتعطينها اهميه

 

[جوك احلى جو]

المره اليايه اذا قالت لا تبررين قوليلها مابي ومره من المرات طلبي لما اهي تطلب وطلبي من مطعم ثاني

 

[mr000]

حبيبتي ألزم ماعليج صحتج أمشي عالريجيم اللي تبينه ومالج شغل بأحد الواحد مهما سوى هم الناس ماترضى عليه! شوفي حبيبتي آنا بالدوام كنت آييب معاي أكل من البيت شغلات خفيفه حق الريوق كل يوم هذا روتين ماشيه عليه ماأحب آكل من المطاعم ولا أحب أكل ثقيل و أحنا ثنتين بالمكتب والله زميلتي تحب تاكل معاي حياها الله وأذا ماتحب كانت تطلب لها من مطعم أو اتييب لها من البيت الشي اللي تحبه!سوي اللي يريحج وماعليج من كلامها ولاملزومه تطلبين لها!!!

 

[Miss.6Mo7]

سخآفه !
الله يعينج عليهآ

 

[فيونكه فوشية]

ليش حارقه عمرج

وهي شكوووو بخيله كريمه آكل ما آكل

كيفي

طنشيهاااا ولا كأنج تسمعين شي ابداً

 

[عاشقة الكاكاو]

خليها تولي محترررررره منج

على يوم روحي الدوام وطلبي حلو مثلا حق البنات اللي معاج

من باب التغيير مثلا

حتى لو رجيم

لا تاكلين بس قولي حق البنات بطلب لكم حلو لاني ضعفت جم كيلوو

خليها تنقهر

 

[*تسواهن*]

مافيها شي اذا قالت اطلبي يمكن ما تحب تطلب بروحها

(( ان بعض الظن اثم )) ~

 

[الكويت غالية]

وانتي شكو فيها اخاف مسؤلة عن اكلها وشربها خليها تولي ماعليج منهاااااااااا

صج دمهااااااا ثقيل ياكرههاااااااااااااا

 

[Om_Ksha]

الناس لي شافو احد بيسوي رجيم بيخربون عليه ,,

ليش تقوليلها بتسوين رجييم .. قوليلها مو مشتهيه ! ولا منقثه ولا خاشه للغدا !!

انا عن نفسى ماحب اتريق !! بس الحين الابلات وزعو جدول وقمت أكل وخايفه لا امتن :/

ولي قالت بطلب وتحن قوليلها طلبي احد ماسكج !! اذا بطلب بقول ماني مستحيه !! وانتى شكو فيها تصرفين عليها ,, احنا عندنا الابلات نفسي نفسي عادي تيي معاها صمونه فتوش خاشتها بالجنطه ,, كل واحد بحاله

 

[sereen]

شوفى خليها عنج عرفتى مردها بتتعب انتى ماشيه على نظام غذائى معين . بس بين فترة و الثانيه مثلا اذا كنتى من النوع االلى اييب اكله معاة قطى شى حلو او شى مالح بوسط الاسبوع ومالج شغل لاتاكلين عشان بس الكل يعرف انج تجاملينهم , انتى فعلا ملتزمه ولاهامج الاكل .. بس اهى كاانسانه قليلة عقل تركيها عنج وان قالتلج ماضعفتى قوليها الله كريم , هذى تحب الهذرة الزايدة لاتعطينها مجال كلام وايد والله يعطيج العافيه كلنا ترى ننسوى رجيم موبس اننتى لاتسوى عليج ضغط نفسى وتفلين

 

[مشعلله]

أختي انتي تقولين
((وهالوحده هذي كله كله تقولي انا جوعانه بطلب يافلانه تبين شي<<<اااااااااااااااه ياربي قلنالج الف مره انا اسوي رجيم
يابنت افهمي ما تفهم))
يااختي من باب الذوق الواحد اذ جا يطلب يسأل اللي معاه اذا يبون والا لا يعني سؤالها مافيه شي
لاتصيرين حساسه وتخيلي لو كنتي معاه وماخذيتي الا وهي رافعه التلفون ومكلمه مطعم طالبه لنفسه وبس مو بتحز بخاطرك
والرسول قال التمس لاخوك المسلم سبعين الف عذر

 

[الاسطورية]

لا سالتج حقريها لاتردين واهي بتندقر