الرياييل يدلعون حريمهم

[غرشة عطر]

انا علاقتي وزوجي جدام الناس رسميه لانه اهو حمش وشخصيه جدام كل الناااس


بس شنو المهم انه يمووت فيني ويغليني موشرط جدام الناس انا مابي الناس يدرون انه يحبني اهم انا اعرف شكثر يحبني الله يديم علينا يااارب

والحمدلله يدلعني بداري ووناسه وجدامهم سوالف عاديه ويضحك معاي عادي بس مثل ناس اعرفهم ياكل مرته التفاحه ويقشرها لها ماحب جذيه واعتقد اللي يسوي جذيه ضعيف شخصيه ويمكن حرمته توصيه عشان المداحر _03BA:بين الحريم تقوله سو جذيه ودلعني ياويلك :dddds: واعتقد بعد من الخصوصيات هذي تطبق بالغرفه احسن

وانتي شلج بالمداحر عيشي انتي وزوجج بسعاده

ومن راقب الناس مات هما الله يرضي عليج انتوا ناس اذا ربي منعم عليكم بحياه حلوه بدون مشاكل تدووورون عليها الله يهديج يااختي لاتحنين علي زوجج

 

[أم دناش]

ليش تبطلين العيون عليكم كافي إنه مو مقصر معاك لازم يعني جدام الأوادم

 

[عشقي خالد]

حبيبتي أحسن لج بدال لا يطقونج عين ويطشرونج داري على شمعتك عشان تقيد لا تتسلطين على نفسج

 

[*caramel macchiato*]

انا ريلي جذي مايحب يدلعني جدام اهلة ولا جدام الناس....وبيني وبينج احسن...انا استحي وايد ...واحس الريال جذي يكون تكانة وثقييل..


وصدقيني احسن تبين الناس اطلع اعيوووونهم عليكم....والي يدلعون حريمهم ووكلونهم برة مادري احس تفلسف

 

[Emanova]

احسن لج ما يدلعج جدام اهله علشان لا يفتحون عينهم ... و علشان يصيير لج وزنج جدامهم

 

[انصاريه قمره]

بصر احه اللي يسويه صح ولا تبينه يدلعج جدامهم على قولت اثمان يفتوح عيونهم عليكم
وبعدين موودري احس استحي لمه يقط كلام حلوو جدامهم اتخسبق ما اعرف شقول :$

 

[شمـوخ]

ليش تبينه يدلعج جدام أهله تلقين البعض البعض البعض يدلعون حريمهم جدام أهلهم عشان يبينون انهم سمنه على عسل وامخليها يادهنه لا تنكتين عشان يغطي على عيوبه مع زوجته فتقول أمه وخواته اذا صارت مشكله مثلا والله الغلط من مرته ولدنا انشوفه جدامنا يدلعها والعيب منها ، فأحسن لج ابتعدي عن الأمور الظاهره لج وما تدرين شنو قاعد يصير في ابيوتهم اكو دلع وله معدوم ، ومادام ريلج رومانسي معاج قولي الحمد الله يارب

 

[توته كيوته]

كلنا بالهوى سوى

 

[داريني]

حبيبتي علشان هذي خصوصيات بينج وبين ريلج
ما ادري شلون او شنو قصدج او الحكمة انه يدلعج قبال اهله
يعني تبين اتبينين انج سمن على عسل معاه
؟؟؟
اظن كافي انه يحترمج قبال الناس
وخلي رومانسية بينكم وبروحكم

والله يوفقكم

 

[بنت العز والدلال]

عادي حبيبتي اغلب الرياييل جذي

 

[بنت الارسنال]

احسن عن العين

 

[الراسيـ؟ـه]

البنات كفو و وفو الله يعطيهم العافيه

 

[ناعم العود]

حبيبتي مو كل الريايل نفس الشي ولا تسوين مقرانه راح تتعبين ما دام يدلعج خلاص مو لازم عند الناس

 

[XالمستحيلX]

شكلج تحبين الشي الصعب :dddds::dddds:


صدقيني مثل ما قالوا البنات لا تفتحين عيون الناس عليج :eh_s(1): ... لا يدلعج باجر قدام اهله ويطيرج لاخر سما وبكلمة منهم والا اي زفة بتحوشه والا كلام من تحت لي تحت وصله من تدليعه لج قدامهم بيقلب عليج .. لان انتي اللي حطيتيه في هالموقف :0bee2e8d89:........ خلي علاقتج مع زوجج غامضة بالنسبة للناس واهله بالاخص ماحد يدري راضين والا متزاعلين صدقيني هذا الحلو مو منظرج قدام الناس اليوم يكلمج بدلع بيقولون ايه اليوم راضي عليها واذا زعل منج وما كلمج بيدرون انكم زعلانين:eh_s(14): يعني حياتكم مكشوفة قدام الكل .. لا يبا مالاحد دخل في حياتج لا يدلعج ولا شي اذا بيدلعج خليه يدلعج بينج وبينه وبين عيالكم بس:tek: ..:tek:​

 

[XالمستحيلX]

شكلج تحبين الشي الصعب :dddds::dddds:


صدقيني مثل ما قالوا البنات لا تفتحين عيون الناس عليج :eh_s(1): ... لا يدلعج باجر قدام اهله ويطيرج لاخر سما وبكلمة منهم والا اي زفة بتحوشه والا كلام من تحت لي تحت وصله من تدليعه لج قدامهم بيقلب عليج .. لان انتي اللي حطيتيه في هالموقف :0bee2e8d89:........ خلي علاقتج مع زوجج غامضة بالنسبة للناس واهله بالاخص ماحد يدري راضين والا متزاعلين صدقيني هذا الحلو مو منظرج قدام الناس اليوم يكلمج بدلع بيقولون ايه اليوم راضي عليها واذا زعل منج وما كلمج بيدرون انكم زعلانين:eh_s(14): يعني حياتكم مكشوفة قدام الكل .. لا يبا مالاحد دخل في حياتج لا يدلعج ولا شي اذا بيدلعج خليه يدلعج بينج وبينه وبين عيالكم بس:tek: ..:tek:​

 

[غنوة ستايل]

حبيبتي ما في مشكله عااادي الموضوع اغلبيه الرجال جذي .

 

[مناير]

الصراحةانتي رومانسة زيادة شوية ........ترى انا فاهمتج بس تدرين شنومشكلتنا اللي حتى انا والله العظيم ودي اتخلص منها انا نقارن نفسنا باللي حوالينا وهذا اكبر غلط ويدمر حياتج بالنهاية لنك يحسسج دايما بعدم الرضا من حياتج مع زوجج .. بس كفانا نطالع للاشياء الصغيرة . يمكن اعتقدبعد انك توج مومن فترة متزوجة صح

 

[بناتي زينة حياتي]

انا رايي من راي البنات ..دام يدلعج بينج وبينه ماعليج من الناس

 

[منورة الكويتية]

شالفايدة يدلعج جدام الاوادم اذا كنتوا مثلا مو مستانسين مع بعض
يعني شنو تمثيل؟!
وبعض الازواج يسوون هالحركات عشان يغطون على شيئ
ولاا ماله داعي الاستعراض والهشك بشك جدام الناس والاهل
لكل شيئ مكانه وزمانه الصحيحين
لااتقارنين نفسج بالحريم الثانين مع ازواجهم لانج بتتعبين
كل من له ضروفه

 

["كــــرز"]

اختي الحبيبه
ليش تخلقيلج مشكله من لامشكله!!!
وليش تقارينين مع حريم حموانج والاهل
انتو مو بمسابقه ومنو يدلل منو
ومنو يمكن اهم مظهر بس؟
المهم لي تسكر عليكم باب اهو يدللج ويدلعج ومايقصر
ومو شرط الاعلان بالدلال
المهم انج مرتاحه معاه ومو مقصر!!!
ليش تدورين الشقا بقفشه؟
شفيها يعني لي حب ان يحتفظ بمشاعركم لكم ويحافظ علي خصوصيتها حلاتها اصلا بخصوصيتها ماحلاتها تكون اعلان ومسابقه !!!(واي قاعده اتخيل سباق منو يوكل منو بقفشه ومنو يمسك ايد منو ومنو يخز منو <<<ماخلصت الزواره!)

المهم انه محترمج
يعاملج عدل جدامهم
مو مهم ان يكتب قصايد غزل جدام الناس حلاه الرومانسيه والمشاعر بخصوصيتها ولي صارت اعلان تعتبر من باب العرض والشوو

عيييييييييييين العقل صاجه وربي