الرياييل والساقطات

[قطريه من قدي]

الرجل اهتمامه الاول والاخير هالسالفه
لكن المره عندها اهتمامات اكبرواكثر
ممكن اتكون تشتغل وهذي وايد يأثر على العلاقه بين الرجل ومرته
المره تحمل وتولد وترضع وتسهر وتتعب واتييها الدوره شهريا ونفسيتها متغيره
وهو بس يبيها مجابلته حق هالشي بدون اي اعتبار لهالمسكينه ونفسيتها
اما بنات الهوى مثل مااتسمونهم فهي بس شغلتها استمتاع الرجل بها
ونتيجة هذي الاستمتاع الفلوس والهدايا والحنان من الرجل
والله يسخر كل ريال لمرته واتكون هي ماي عينه

وشكرا على الاراء القيمه

 

[سمـــ الزيـــن ـــوة]

والله يابنات انتشرو بصوره فضيعه لاحول ولاقوة الا بالله والمصيبه لما اتشفينهم بالسوقه ولا الفنادق ولا المطاعم اشكالهم حدها وضحه وتنصدمين واهوا ولا هامه لاحول ولاقوة الا بالله اطلب من الله ان ربي يهديهم ويحفظلنا رياجيلنا وعيالنا وبناتنا واخوانا واخواتنا وكل حبايبنا من مكرووه يارب

 

[whm]

ردودكم اسعدتنى واختلاف اللآراء مفييييد ..

 

[جوك احلى جو]

بلاوي

 

[باتشا لوتشي]

بس بعض الرياجيل يقولون ويترجون حريمهم

انا صديقتي تزوجت صار لها تقريبا سنه وكله خجلانه من زوجهاا

وبالعربي بارده بالفراش

طلب منها انها تتجاوب وانها تحسسه وتدلعه و و و و واهو حاول انه يكسر الحاجز

وخذا اجازه شهرين يا بنات وقعد مقابلها بالشقه لدرجه انها تطلع وتسير واهو ينطرها بالبيت

بس مافيه فايده كله تقول له بعدين بعدين عطني وقت انها تسوي اللي قال لها والرياجيل يا بنات مايحبون الصبر

مع العلم ان البنت تحبه وتغليه وكل شي مرضيته فيه وبأهله عاقله بزياده وسنعه بس بهالامور الخاصه لاا !!

بالاخير تعرف له على بنت وحده وهالبنت فرت راسه حبته وصار معاها 24 ساعه محسسته باللي ناقصه من زوجته

والحين ماهو قادر يتركها بس بنفس الوقت مو محسس زوجته بعلاقته وصار مايطلب منهاا وهي على وضعها ماتغيرت

بالله عليكم شنو ردكم على هالموضوع ؟؟؟
\

شدراج انه تعرف على وحده ثانيه ؟؟؟؟؟؟؟؟؟؟؟؟؟؟؟؟؟؟؟؟

لان بكل بساطه هو صديق زوجي واللي متزوجها صديقتي

وزوجي عرف ان له علاقه بوحده

وقال لي واستغربت

 

[أم منصور]

ليش مو كل رجل يكون همه تربية اولاده

تطوير مستواه العلمي

اسعاد غيره بالتطوع بالمجالات المختلفه

تعلم قدرات جديده والابداع فيها

مساعدة الغير


كل عمل صالح يطور المجتمع ويساعد اسرته ويسعد غيره

لازم هالديناميكية الفاشلة

يعني مجهود ضايع بالحرام

الي ماراح يدخله الا الناااااااااااااار

 

[out of reach]

قطيعه

حتى لو الزوجه مو مقصره اذا الرجال مايخاف من ربه ماراح يرده شي...........

 

[love love]

اولا الوازع الديني
ثانيا في حريم تبط الجبد كل ما طلب شي قامت تخز وتنقده على عمره جنه قايل شي مايصير
ثالثا ساقطه على قولتج اشكره تعرض عمرها
رابعا وهو الاهم هذي اهم نقطه رجال يحب بنت إلي تطلب يعني تحسسه انها تبيه وبتموت عليه وميته على ذاك شي فهمتي... زوجة تسويها شي عادي ما تحسسه بالرغبة وبعدين الساقطة هذي شغلتها تفنن فيها من لبس وعطور مكياج إلخ
طبعا كلامي ما ينطبق على الكل بس على الاغلب

عدل كلامها

 

[ريحانة_14]

تلاقين الجواب الشافي والكامل في دورة (أهم أسرار العشيقات)
لناعمه الهاشمي

 

[خووووخه/1]

بنت اليل مثل ماقلتي يعني بنت تمارس حياتها بالخفاء يعني بدون خجل امام الرجل في رجال خجولين امام زوجتهم ينتظر منها شي وهي موفاهمته فيلقا بنت اليل الي اللي ماتخجل تلبي كثير من احتياجاته ، طبعا مايلجألهذه النوعيه إلااللي ميخافون الله والي عنده ضعف الوازع الديني

 

[شــــــوق~]

صح كلام بعض االبنات تلقين بنت الليل هذي بنت عائله معروفه او رفيقة دوام او وحده من العائله لقى تجاوب منها في لحظة يمكن يكون متضايق من زوجته بشغله معينه زعلان عليها ويحلي الشيطان بعينه هالبنت ويقع المحظور وترا المره انسانه لها مشاعر واحاسيس وتزعل وتتضايق يمكن الرجل مايقدر اللي تسويه زوجته له وتتفنن بكل اساليب الجنس ومع هذا تلقينه يخونها واعليا عليها الزوجه تنصدم صدمة عمرها لما تلقى زوجها يخونها اللي ياما حاولت ارضائه وياما سوت المستحيل عشان يرضى وبالاخير يخونها كفاية بس حرة قلبها يمكن تسامحه بس لايمكن تنسى خيانته الواطيه وعلى قولة وحده من الخوات الصرصور مايعيش الا في بالوعه ومايحلاله الا مخلوقات البالوعه عشان تستمر دورة حياته اللهم كافيني شر بنات الحرام وكافيني قهر الرجال وكافيني شر الخيانه واحفظ اللهم زوجي منهن واعصمه من فتنهن آناء الليل واطراف النهار وفي كل وقت يارب العالمين وزيني بعين زوجي وقبح اللهم هؤلاء البنات في نظر زوجي ولاتحوجه لهن اللهم آمين وجميع بنات المسلمين

 

[عاشقة تراب ديرتي]

الي مايخاف ربه يركض ورى بنات ابليس
والله يهدي الجميع

 

[نوت]

شكرا لمرورج اختى...
بس بعلق على شغلة...مثل ماقلتى اهما من بنات ديرتنا وبينا...غالبا...بس هذا ما يمنع ان نسميهم بالساقطات او بنات الهوى...مافى مقابل يآخذونة؟؟اى نوع هالمقابل...مو قاعدة تسوى شى حرام؟؟مو قاعدة تآخذ الريال من مرتة وعيالة؟ شرايج ما ينطبق عليهم لقب ساقطات؟؟
وخل نكون واقعيين...هذول ماتنفع معاهم نصيحة ولا كلام...بايعينها ووراهم ظهر وسند...بس الواحد يدعى عليهم وربج يستجيب...قمنا نسمع قصص يشيب لها الرآس

اشكرج للاهتمام والمتابعه اختي............

اختي العزيزه انا بعد وياج اسميهم بمثل ماسموهن البنات....انهن ساقطات وبنات الهوى معاج بالتسميه

ولكن اللي لاحظته ان اللي يتكلمون عنهن بائعات الهوى او بنظرهن للجنس فقط..وهذي الاغلبيه منهم خارج بلدنا

انا اتكلم لازم نحاااااااربهن لازم هالافه عندنا بالديره
وانا اقول يمكن وان كنت انزه هالمنتدى ممكن تلقينهن بالمنتدى معانا ممكن جيرانتا ممكن بدواماتنا
يعني انا لما اتكلمت بتكلم نبي نحارب هالفئات
لان نشوفهن ونعرفهن بالاسواق بالجامعه بالمعاهد باين عليهن ونسمع عنهن
ولكن عادي انطنشهن لانه نقول دام مو يمي مالي شغل فيها

لازم ننبذ هالبنات من مجتمعاتنا لانزم نطردهن مانقعد معاهن لازم لازم نحاربهن ونحاول ياننصحهن
يا يكووونن بعيدات عننا ومعروفات انهن ساقطات
انا اقصد هالفكره,,,,,,,,,,,,ولازم نسوي حمله......دعوه للعفاااااااااااااااااااااااااااااااااااااااااف
لانه مننا وفينا وهن يخرب بيوتنا ويسون الحرام


والله يستر علينا وعلى كل المسلمين

 

[بيتي بوب بس كويتيه]

ضعف الوازع الديني

 

[SWEET18]

الله يحفظ ريايلنا من بنات الحرااام

 

[شموخ العجمية]

تسلمين ياقلبي ع الموضوع الحلووو والجرئ .......وصج كل الي قالوا بنات صح وبس وين الي يطبق ...بنات مانبي بس كلام نبي فعل
مفروض الوحده اذا جاها زوجهااا تدلع عليه وتحسس بقيمته
تقبلي مروري واحترامي لج

 

[M!$$_MANGO]

اختي يابري حالي

الحياه حلوه بالحلال اكيد اما الحرام نقمه على صاحبه

و """ عفوو تعف نسائكم """

كل رجل لو يفكر بهالكلام راح يترك صاحبته الي يكلمها بالتلفون او الي تطلع معاه شقق وبلاوي

خاف على اهلك و زوجتك وبناتك وخواتك

ويقولون ليش كثرو البنات الي يعرفون شباب منكم يالشباب لأن الله ابتلاكم بأهلكم

استغفر الله الناس ماخذين الشرف لعبه ووناسه ؟!؟!؟

يعطيج الف عافيه


نفس الكلام اللى بخاطرى

 

[ريحانة_14]

البنت الكويتية أو الخليجية شخصيتها قوية

ودائما تحب تنجز وتبدع علشان إللي حوالينها وخصوصا زوجها يمتدح إنجازاتها ويصفقلها

لكن الرجل الشرقي ما يحب هالنوع من الفتيات .. عشان جذي يتركها ويتجه لغيرها .. هذا سبب واحد

السبب الثاني : أهو الغموض .. تشوفون أكثر الرجال يحبون لعب كرة القدم والبلاي ستيشن ؟؟

ليش ؟؟

لأ، كرة القدم والبلاي ستيشن ألعاب مثيرة ونهايتها غامضة وفيها حماس .. على عكس المرأة الخليجية بشكل عام .. مكشوفة جدام الريال ماتخش شي لها أبد .. أضرب لكم مثال :

1- يقولها ها محلوة اليوم شمسوية ؟؟ على طوووووووووول تقوله حافة / شايلة شيرة / مسوية تقشير حق ويهي / صابغة / ويي قطيعه ليش مو ملاحظ إني قاصة شعري ؟؟؟؟

2- ريحتج حلوة يشم ريحتج ويقولج : اللـــــــــــــه جبيبتي اليوم عطرج غير عن كل يوم ريحتج وايد حلوة .. شتقولينله ؟؟

على طول جوابج .. إي هذا أمس شريته شوفه تريزر والا باريس هيلتون

3- توة ماخذج من بيت أبوج يسألج .. ها شخبارهم شلون أمج وأبوج وأهلج ؟؟ على طول تقولينله والله اليوم أخوي الله يهديه راد البيت متأخر وأبوي تأخر ووووو تسطرينله الأخبار

مايصير جذي .. هذي بعض الأسباب إللي تنحج الرجل من المرأة وتخليه يدور على ضالته في الخارج

الرجل بطبيعته يحب الغموض .. يحب الألغاز والألعاب إللي نهايتها غامضة وأول ما تتزوجين وبأيام الملجة تكونين فعلا غامضة ومايفكر يخونج وقتها لأنج ليلحين بالنسبة له شي غامض ..

فحاولي كثر ماتقدرين تكونين غامضة بالنسبة له لا تكشفينله عن كل أسرارج .. خليه يتساءل دائما بينه وبين نفسه هذي شتسوي شنو تحط إللي ريحة جسمها حلوة ؟؟

ريحة شعرها تينن شنو مسوية فيه

ولا تقولينلي مايلاحظ .. الرجل يلاحظ كـــــــــــــــــــــــــل شي .. وأهو ملاحظج لكن يختلف بالتعبير لج عن ملاحظته وسعادته من تغييرج

وإنتي طبعا كشخصية خليجية تبين إللي يمتدحج دايما بصوت عالي

إعترفوا بنات عادي مافيها شي

مع تمنياتي لكن بالتوفيق

 

[@@@ام حمووودي@@@]

الله يهداهم ....

 

[ملح بدويه]

حسبي الله على الشيطان