الريال استخف وتزوج علي وهذاك طلقني!!!!

[معصبه وايد]

السلام عليكم ورحمة الله وبركاته




اشلونكم عزيزاتي شخباركم



يمكن مستغربين من عنوان الموضوع


بصراحه بعد ماقعدت مع بنات متززوجات وقريت مواضيع حق الي تعاني من زوجها وتبي تتطلق في كذا موقع اكتشفت ان اكثر مشاكل الطلاق من المرأه نفسها!!


تبون تعرفون ليش؟





في بنات تستنفذ طاقة زوجها من طلباتها الي ماتخلص الي تخلي الريال يزهق منها ويفكر يتزوج عليها او يطلقها !


ولكن خلوني اقولكم مساوئ المرأه الغير عاقله الي اغلبهم يتطلقون من هالسبب....


1- الطلبات :

ومااادراك ما الطلبات... الي ماتخلص تبي كل شي ريلها ينفذه بحذافيره بغض النظر عن ظروفه المهم تحقق رقبتها الذانيه وهذا النوع نسميه الانانيه


2- المعازيم والزوارات:



فعلا اكثر البنات تلهى بالمعازيم والزوارات ومالها خلق حق زوجها بالعربي طاقته بالطوفه.. حياتها كلها زوارات بيت فلانه وبيت علانه... حتى الريال يزهق من كثر طلعاتها يحس ان اهوا المره واهيا الريال...!! هذا النوع نسميه الا مبالاة



3- الطفل الاول !


بعض البنات تكون في فترة الزواج وفتره ما قبل الحمل الاول مهتمه حق زوجها من العطورات والنظافه وتكشخله تالي الليل وتقدمله احلى سفره وتسهر معاه ويتغشمرون وتعطيه دور الحبيبه والعاشقه ...ولكن! بعد الطفل الاول يصير مالها خلق حقه والاهتمام الي كان قبل انتهى مع مرور الوقت.. وتقول خلاص عيب اسوي جذي احنا كبرنا على هالسوالف.. لا حلفي بس..؟؟ وتلومين الريال ليش يخونج.. حسستيه ان قاعد مع واحد من ربعه... المفروض اذا منبعج واساسج وتربيتج على النظافه صدقيني مايغيرها الوقت لو شنو... وهذا النوع نسميه التصنع



انا يبت لكم ثلاث مشكلات ولو بقول المشاكل كلها واسطرها ماراح نخلص بس قلت اهم مشاكل قاعد تصير بشكل مو طبيعي



انا مادافع عن الرجل بل انا داشه منتدى اسمه كويتيات يعني للنساء فقط..


وحبيت اطرح المشكلات الي ياليت يعدلونها بعض البنات الي عاشة هالتجارب وتغير منها والي تطلقة الدنيا ماتوقف على ريال والله يعوضج بالي احسن منه لكن مشاكلج الي قبل كنتي تسوينها مع الزوج الاول حاولي تغيرينها مع الزوج الثاني واليريلها متزوج عليها وراضيه خل تتقرب منه ولا تكرهه ريلج ماسوى جذيه الا نقص منج واهمالج له..


حافظوا على ريااايييلكم قبل لا يروحون من ايدينكم

ويعطيكم العافيه

 

[bride2011]

الريال اهني عايش ملك
المره الي متبهذله

 

[توتا حمرا]

لا حبيبتي انتي غلطانة
في بنات وايد تطلقوا لأنهم مظلومات ومتعلوزين من رياييلهم

 

[قطوووة]

البيؤت اسرار

 

[زبده جلوه]

ليش انفكر كله بالخيانه حرام عليكم واحد مارتاح مع زوجته يخونها شنووو الاعراض بلاش

وحده مارتاحت مع زوجها تخوووونه شنوووو شرفه ازيااااء اتعرضه علي كل كلب

والله معاد في الناس خير ولا شرف ولا عفه لزم خيانه اعووذ بالله من غضب الله

جزاج الله خير اختي كلام جميل

 

[وردة-الكويت]

انا معاج بلي قلتيه لكن الاغلبيه هي الي تلاحق زوجها ودور رضاه وتذبح عمرها بلنفاس عنايه عشان تطلع له باحسن صوره

وجنها عروس وغير جذي هي الي تعطييه فلوس وتصرف على بيت والعيال ووووووووووو

ورجال دلوع بس شاطر لي دخل بيته طير حجانه في سما شهصوت منو الي يبجي روحي يلا سكتيه









بسال كل البنات موجهه لهم هل سمعتم او عشتو لحظه ان لمن تكونين نايمه وزوجج مونايم يسكت العيال عشان مايزعجونج


بس المرا دايم تقول اوووص سكتو وتترجاهم عشان مايقعدون ابوهم من نوم


في رياجيل مايقصرون بس نادر

 

[دندونه@@@]






 

[لوفيه]

والله ماتدرين بالبيوت واسرارها

وقسم بالله قصص تشيب الراس

الزوجة تذبح روحها من اهتمام وتحاتي لو النفره تطلع بويهها تبي تكون اجمل

وحده بعين زوجها بالمقابل === الا مبالاة و اللي امه وخواته تمشيه على هواهم واللي مايصرف واللي وقته كله مع ربعه واللي يخون.............الخ انتوا ادرى

امبيه سوالفهم واااااايد

والمسكينة تساحل فيه هدايا وكشخه واناقه خليها على الله

 

[Miss^NeozZ]

الاثنين فيهم الزين والشين

 

[توتا الكتكوته]

لا تعطين قلبج لرجل وتزوجوا واحد يحبج مو انتي تحبينه

لان حب الرجل اهوا الاساس في استمرار العلاقه كونه بيده

امر الطلاق والزواج

وبالنهايه كل الرجال زباله حشاكم دوسوهم بنعال

اتمنى اتوظف وظيفه ما اشوفهم بعد لانهم اقذر المخلوقات

 

[زبده جلوه]

اقول بنات احمدو الله علي كل حال لو يصير مايصير

دام احنا انخلقنا من ماء والرجاجيل من ماء والله شرعه لكل واحد نصيبه في حياته وخلق طبيعة الحياه جذيه

وميز كل واحد عن الثاني ورفع درجات الناس عن بعضها حتي الانبياء

ماله داعي الاكتئاب والهموم والحزن

كل وحده فيكم تؤمن بالله وتسعد بيتها وتهتم بالي كتبه الله لها وتصبر. وبشر الصابرين

وتكون دايم متفائله وفرحه ومسروره وسعيده صدقوني حياتكم بصير رووووووعه يعني روووووعه

اسئالوني كم عانيت وحتريت ونقهرت وكم حزنت وبكيت اسئالوني كم دعيت الله يفرجها علي اكتشفت ان الله قريب وانه هو اللي قدر لي الحياه هاذي وان الله كاتب علي ابن ادم الكبد اي المشقه والشغل

فالمؤمن القوي احب الي الله من الضعيف اللي دايم يتذمر في حيات ويقوووووول ليش بس حنا وحنا وليش بس علينا التعب وليش وليش وليش الصراحه هذا الشي يعطل عقلك وحياتك وسعادتك في الوجود ولا تحسين في الوجود الا وجودك كالعدم واليئس والاكتئاب

ماله داعي تقولين مشمعنا بس حنا الزوجات وكل شي علي راسنا الرضا بالقدر هو مكان الراحه للقلب وستمرار سعادتك


شكرا اطلت عليكن ​

 

[*peace*]

مثل ماقالوا البنات البيوت اسرار

ومايصير الوحده تحكم على شي وتتفلسف فيه واهيا ماتدري شالسالفه وشصاير بينها وبين زوجها

 

[صبر العمر]

فعلا البيوت اسرار وما حد يدري على مين الحق ، فيه ناس محترمين ما يحبوا يفضحوا الطليقة او الطليق ويسكتوا ، لهالسبب ما ممكن الوم واحد طلق زوجته ولا وحدة طلبت من زوجها الطلاق لان اللي ينضرب بالعصي مو مثل اللي يعدها .

 

[فوق الثريا محلي]

البيوت اسراااااااااااااااااارا

 

[روح مغليهاM]

تسلميييين ع الموضووووع بصراحه انا معك بكل كلمه قلتيها
بجدبجد انااكره الحريم شك ومافيه حسن نيه واساله ماتخلص وين رايح وين جاي وووووووالخ
اناحرمه ومااحب الي كذا كيف عاد رجال واكيد فيه حريم ينحطون ع الجرح ويبرى
يعني لايكون الزوج اكبر همك خليه جزءمن حياااتك >>وجه نظري مو تعصبون علي بليز انا حساسه ومااتحمل لوووووووووووووووووووول
ع فكره انا صارمه وضد المراءه وربي الرجال لمايدخلون عالم المراءه ينجنون بجدبجد الله يعين الرجال علينا وربي يحفضكم ويحميكم
ودمتي.. روح

 

[كـ غلا ــلي]

بييه خبرج عتيج ذاك اول المره اللي تتطلب الحين واعليا علينا صرنا نحط وياهم وفي منا اللي تشيل عن ريلها

اصلا ما خرب الريل غير دلال الكويتيه حقه الزوج الكويتي قاعد ملك الله وكيلج صار كل شي عالمره جان سفره

والله انا اعرف بنات كلشي مشاركه اهوا يقولها انا علي الشقه وانتي الماجله والخدم تخيلي وينها وين الطلبات

الفقيره اما الكشخه يتروالي اب هالزمن ماكو وحده ما تعرف حق نفسها ولا حق نظافتها الكويتيات صار فيهم هوس

لين درجه بعضهم لجأ للتجميل اما سالفه الاهتمام والطفل الاول انا اشوف مو مضيع الكويتيه الا شي وحد انه حاطه

ريلها اكبر هممها وكله بترضيه ودور الرضا منه دواره دليل شوفي اشكثر مواضيع اب هالقسم كلنا ندور الحلول

حق رياييلنا يتروالي لازم موضوعج تعكسينه شوفي الريال شنو يقبر في المره اللي اهيا تستخف ويخليها تطلب

الطلاق من اهماله لها ولعطافتها وهمه دوانياته وربعه ولا نزواته اللي ما تخلص

 

[سكوتي بذوقي]

البيوت اسرار

ولا نعرف من الغلطان

 

[معصبه وايد]

يا بنات انا ماقلت اطعن بشرف احد اشفيكم خذيتوا الموضوع بشراع وميداف انا قلت اغلب البنات ليش تشوفون شي وتخلون شي..؟


والاخت الي قالت لا تفلسفون بشي ماتعرفونه عفوا عزيزتي انا اكثر وحده اعرف واحب اعرف اسرار البنات وسبب طلاقهم او سبب مشاكلهم لا تقولين عرفت وحده ولا اثنين وييت اكتب موضوع واتفلسف... لا ترى انا مو ياهل عقلي كبير وواعيه واعرف شنو قاعده اكتب!!


والاخت الي قالت ليش انفكر بالخيانه... ليش الطلاق لازم يكون خيانه.. حبيبتي اقري موضوعي عدل وتعرفين انا شنو كاتبه بكل نقطه كل نقطه عليها شرح مو عليها .. كلمة خيانه..!! ياليت الواعيه تفهم طريقة ترتيبي للمفردات


وانا لا ولن اظلم اي بنت.. انا كتبت اغللب البنات

 

[دلوعة صلوح]

لى قلتى ماينطبق عالكل مرات الزوجة اهى تكون شايلة المسؤلية عن الريال وبالمقابل يخونها .

 

[الزيـــــ^^ـــــن]

في حريم مهملآآآآآت ،،،بس الاكثريه يهتموووووون حيييل بالزوج من كل النواحي

وفي ريايييل مهمليييييييييييييييييييييييين ،،، بس هم فيهم الزين

يعني لو خليت خربت