الريال اذا تهاوش مع زوجته ليش يسوي جذي

[tolay]

السلام عليكم ورحمة الله وبركاته




بنات بناقشكم عن مشكله يمكن اغلبنا يمر فيها خلونا نتناقش ونعطي حلول


االمشكله

الريال



الزوووووج



اكل وحده لما تتهاوش مع زوجها او بالاحرى لما زوجها يعصب عليها ليش ينقلبون فوق تحت !!! ليش الريال لما يعصب ويتهاوش مع مرته يصير قمه بالقساوه ةقلبه يصير صخر حتى لو المرا غلطت بس مولي هالدرجه

موالمل بس اغلب رياييل لما يتهاوشون مع حريمهم يفصلون صج واعصابهم توصل 180 درجه وغير اللي يصرخ غير اللي يودي مرته بيت اهلها غير اللي يطلع ويحقرها غير اللي يصد عنها !!!!

بس حزه اللي يكونون متراضين يكون احلى مايكون

انزين هذي زوجتك ام عيالك مردكم بتصالحون ليش قسوه القلب والعناد !!!! عكسنا احنا الحريم لما نتهاوش نطخ يسرعه او مانسوي اللي يسونه رياييل

بختصار نبي نعرف ليش الريال يفصل على مرته حزه الهواش وشنو الحل !!!!!!

 

[hazel eyes]

نفس السؤال ليش قلوبهم قااااااسيه واحنا على طوول نرضى واهو لو يقعد سنه زعلان عادي مستمر
احنا متزاعلين الحين موضوع ع الجرح
الله يهديه ويحنن قلبه تعبني والله تعبني بتعامله حييييل

 

[فوفو22]

كل action

لازم وراه reaction


لما تشوفينه معصب وخارج منطقه التغطيه

سكتي تماما

ولما يهدا بعد يوم او اكثر

يكون رايق وفتحي نفس الموضوع

يكون رده يختلف

بس لما هو يقول كلمه وادافع وارد بكلمتين وهو يزيدهم جمله وارد بفقره ما نخلص ليوم القيامه


طيعوني وتربحون

فوفو

 

[حكآية قلب]

كل action

لازم وراه reaction


لما تشوفينه معصب وخارج منطقه التغطيه

سكتي تماما

ولما يهدا بعد يوم او اكثر

يكون رايق وفتحي نفس الموضوع

يكون رده يختلف

بس لما هو يقول كلمه وادافع وارد بكلمتين وهو يزيدهم جمله وارد بفقره ما نخلص ليوم القيامه


طيعوني وتربحون

فوفو

مو الكل تنفع معاه والله


انا كاني جربت معاه كل الطرق


و اسكت و انطم تدرين شنو يصير

العن و تزود الهوشة

و للعلم زوجي ان سكت رحت ملححححححح

 

[Fyonkita]

ناقشيه بهالموضوعقوليله ليش جسات القلب هذي!
اذا اختلفنا مو معناها نكره بعض
اقعد وناقشني

 

[Royof]

^^^^^^


هاذا الحل صح لسانج شيختهم

 

[N.o.d]

لان احنا الحريم بكل شي نحكم القلب والعاطفه
بس رياييل لا القلب مييت عندهم عادي يدوس ع نفسه زي الورد
المهم يكون اهو الزير بالموضوع

انا اكره نفسي اذا تناجرنا لان بطلعة الروح يتنازل ويرضى


الله يهديهم }*

 

[حكآية قلب]

اي والله

نود الله بسخرة لج


انا مايصبرني غير طيبت قلبه

يرضا بسرعه وهذا شي حلووو

الحمدالله على كل حال

 

[Om zayd]

ما ادري يمكن لان الريال اذا عصب يحكمه عقله مو مشاعره
فينرفز ويبدع بالحجي انا طريقتي من عمر اسكت حتي لو اهو الغلطان واقول حاضر وانشالله
وانا اسفه حقك علي هالشي ما راح يتكرر
ينصدم >>>وبعدين يسكت ويقعد يفكر وعقبايي يراضيني ويشتري خاطري ويناقشني بهداوه
جذي وايد احسن لان النقاش مع شخص بحالة عصبيه ماله اي نتيجه

 

[آلـغـنــد]

تهون عند اللي ماتغلط وهو اللي يغلط ويعصب عاد هنا انا مافقلبي الا شين وقوي عين بعد !!! ههههههههههههههههههههه

 

[عاشقة هواك]

اي والله صدقتي الله يعينا

 

[Zinab BH]

الحل يابعد قلبي تسألين الريايل نفسهم لان احنا الحريم مانعرف بنقعد نفتي من عندنا الجواب لازم من ريال

 

[M!SS.LOBY]

الله يعين

 

[انصاريه قمره]

انا بتكلم عن نفسي
قبل لي زعل اذبح روحي واسوي كل ش علشان يرضى الحين لي زعل بسبب اعتذر رضى كان بها ما رضى ما يشوف شر واذا زعل على شي ما يسوى ما اراضيه اخليه يرضى بكيفه تعبنا واحنا نناغي الريال ونهتم فيه واحنا بالطوووفه محد مهتم فينا ولا شي انا وحده قلبي قوي وغيرت وايد اشياء بحياتي وتعلمت من تجاربي الريال لا دلعتيه زياده عن اللزوم يصير غثييييث اييب المرض بالعربي الاعتدال حلو بكل شي

 

[Joy Designs]

موضوع حلو
الرجل بطبيعة تكوينه عقلاني والمراة عاطفية ... شي طبيعي بنحس ان قلوبهم جاسية علينا
اذا صار النقاش والزعل الافضل الافضل ما تتهاوشين مع الزوج لان النقاش اللي يؤدي الى هواش هي منطقة الرجل اللي يستلذ فيها ويتفوق فيها على المراة وانتي مهما كنتي على صواب راح تطلعين خسرانة .. الافضل انج تسكتين وترجعين تفتحين الموضوع بعد 12 ساعة على الاقل راح تكون الاعصاب هدت والنقاش يكون افضل

 

[Patcholli]

لما المره تطول لسانها على ريلها وتلعلع يصير قاسي
بس صدقيني الي تصبلها دعتين وتبينله انها انثى ضعيفه ماراح يعاملها جذي
كل فعل له ردة فعل

 

[soraleon]

قريت مره موضوع الريال لما يعصب يفقد التركيز يعني يفصل و اذا نفس غضبه عليج من شغل او اي شي ضايقه من بره فمعناته انه وااايد يمون عليج اهما ممم فيهم مشكلة اسمها the cave man المرأه بسرعه تتطور لانه مخها متصل ببعض كلشي على قولتهم كونكتد ببعض اما الرجل بحكم انه في صفة (رجل الكهف فهو مو سبه يعني لووول بس اهو مصطلح جذي)
فعنده قسم المشاعر بعيد شوي فيصير شكله جنه بارد او قلبه حجر لكن العكس اهوا الصحيح انه اهو حنون و مايعرف يتصرف اذا عصب تلقينه لما يهدى يستوعب و حاول يرقع نظرا الا انه بعض رجالنا فيهم نوع من الكبرياء مايتأسف مو بس حق مرته حق اي احد فمثل ما قالو خواتي اما تروحين دار ثانيه تلهين نفسج لين يطيح اللي براسه او اذا عصب من شي مسوينه احنا و احنا اكيد موقصدنا تتأسفين رضا كان بها ما رضى عادي انتي سويتي الواجب و سبحان الله نسيت معلومه ترا الرياييل اييهم شي في الهرمونات مثل ما حنا كل فتره من الشهر تتأثر هرموناتنا هم اهما فمرات اييج معصب من غير سبب عرفي انه دخل هذه الموجه من الهرمونات بس اهما سبحان الله يعزلون نفسهم لين ترد هرموناتهم و عقب يردون طبيعي اسمونها man period هههههه انا انصدمت لما عرف لوول عادي كبري الجي و روئي الدي ياختي :*

 

[tolay]

قريت مره موضوع الريال لما يعصب يفقد التركيز يعني يفصل و اذا نفس غضبه عليج من شغل او اي شي ضايقه من بره فمعناته انه وااايد يمون عليج اهما ممم فيهم مشكلة اسمها the cave man المرأه بسرعه تتطور لانه مخها متصل ببعض كلشي على قولتهم كونكتد ببعض اما الرجل بحكم انه في صفة (رجل الكهف فهو مو سبه يعني لووول بس اهو مصطلح جذي)
فعنده قسم المشاعر بعيد شوي فيصير شكله جنه بارد او قلبه حجر لكن العكس اهوا الصحيح انه اهو حنون و مايعرف يتصرف اذا عصب تلقينه لما يهدى يستوعب و حاول يرقع نظرا الا انه بعض رجالنا فيهم نوع من الكبرياء مايتأسف مو بس حق مرته حق اي احد فمثل ما قالو خواتي اما تروحين دار ثانيه تلهين نفسج لين يطيح اللي براسه او اذا عصب من شي مسوينه احنا و احنا اكيد موقصدنا تتأسفين رضا كان بها ما رضى عادي انتي سويتي الواجب و سبحان الله نسيت معلومه ترا الرياييل اييهم شي في الهرمونات مثل ما حنا كل فتره من الشهر تتأثر هرموناتنا هم اهما فمرات اييج معصب من غير سبب عرفي انه دخل هذه الموجه من الهرمونات بس اهما سبحان الله يعزلون نفسهم لين ترد هرموناتهم و عقب يردون طبيعي اسمونها man period هههههه انا انصدمت لما عرف لوول عادي كبري الجي و روئي الدي ياختي :*

ماشاءالله كلامج منطقي وحلو

 

[زوجت الشمري]

ايوالله قساوه وكلام يجرح بس انا مرات اقول انا ام السان علشان جذي

 

[اسوم الخالدي]

واااااي بلحظه الهوشه ينكروووون كلشي ينسون كل شي حلو يماااا قهررررررررررر