الروكتان حبوب الجمال..متجدد

[آبله صغننه]

واي بنات خوفتني سالفه الاخت الي نبهتنا ان في بنات احملو بعد فترة ويابو مشوهين، الله يجزاها خير صج مشكلة والله ​

بس شنسوي بين امرين احلاهما مر ​

وانا حاشتني حالة اكتئاب اعوذ بالله شي موطبيعي ، وطبعا جفاف العين والشفايف اكثر شي ، وصايرة احس بدوخة وجبدي تقلب دايم، قلت يمكن من الفيتامينات لاني اخذ فيتامينات لا ومعاها فيتامين الف بعد ، فوقفتهم وان شاالله يتحسن الوضع​

بش المشكلة لحد الحين ماشفت النتيجة الحلوة الي يقولون عنها بس مجرد ان وقف النفر عن الظهور مثل قبل ، مع العلم انا بالشعر الرابع الحين جد ضاق خلقي كان ودي احصل نتيجة حلوة هالفترة وقبل العيد ههه ​

بنات طنوني والله خايفة من سالفه الدوحة والوعه والاهم خايفة ماالقه النتيجة الحلوة الي املونا فيها ​

معقووووله مافي نتيجه وانتي بالشهر الرابع من الحبوب !! :eh_s(10):

يمكن لانج كنتي تاخدين الفيتامينات مع الروكتان :/ ! يمكن يبطل مفعوله

:

انا من اول شهر استخدمت في الروكتان بين معاي مفعوله .. كانت الحبوب الي بويهي كلهااا طلعت وبعدها نشفت وتقشرت واختفت .. بس باقي الاثار :ggdw:

:
بالشهر الثالث من استخدامج الحبوب سويتي تحليل ! وقلتي للدكتور انه الحبوب مازات موجوده ومافي نتيجه ! :eh_s(10):

 

[آبله صغننه]

عادي حبيبتي سيكلوجيه

في وحده في منتدى حواء قالت انها حاالتي قعدت سيــــــــئه لين وقفت العلاج وتقوم وبدا مفعول العلاج مثل السحر

هي تختلف من وحده لثانيه ...دام ان حاشك جفاف يعني مفعول العلاج معاك تمــــــــــــااااام ماشي

اما اذا على سالفة الدوخه والله ما عندي علم بس باوريك كلام الدكتور عمر شمس الدين

و قد يتعرض البعض لآثار جانبية أكثر خطورة ولكنها نادرة لحسن الحظ، و إن لم تعالج قد تستمر حتى لما بعد التوقف عن تناول الروكتان. لذا إذا كنت تعاني من أحد هذه الآثار الجانبية التالية ذكرها يجب عليك التوقف عن الدواء فوراً و إستشارة طبيبك في الحال:

• الصداع، الغثيان، التقيؤ، أو عدم وضوح في الرؤية
• الاكتئاب أو التغيرات المزاجية المفاجئة كالحزن أو الغضب
• الشعور بالتعب الغير اعتيادي، أو انعدام الشهية
• ألم حاد في المعدة، الإسهال، أو نزيف في المستقيم
• جفاف شديد في العين
• اصفرار البشرة و العينان أو البول بلون أصفر داكن

ما ابغى اخووفك بس ما ابغى العب عليك راجعي الدكتور في اقرررب فرصه


يارب يشفيك يا رب

انا صج من ما استخدمتها واحس حاشني .. اكتئاب .. وجفاف العين .. واصفرار البشره .. بس شالفايده باقي سبوعين اخلص العلاج :bbbiu:

 

[سعوديه خقوقه]

ابله صغننه


وش عاد صار على الليزر سويتي ؟؟

وكيف النتيجه

وسالتي الدكتوره عن الحمل ولا كيف؟

اختي سيكلوجيه
انا عني نشفت الحبوب القديمه وراحت وطلعت لي حبوب جديده

احسك متحسنه بس انتي مو راضيه بالنتيجه تبينها بيرفك لان العلاج ماشي معك تمام جفاف وكل الاعراض جت فيك حتى النادره



ما اقول غير الله يشفينا جميع

 

[رانيا6]

ااااااااااب

 

[الصارووووخ]

بنات حبيت أسألكم الحبوب هذي تناسب للي بشرتهم جافه وكلها كلف أفيدوني جزاكم الله خير

 

[سيكلوجيه]

جزاكم الله خير بنات على الردود :eh_s(7)::eh_s(7):


بس والله يبنات خوفتوني وضاق خلقي :eh_s(16): تخيلو بنات انا حاشتني اكتئاب شي موطيبعي وحاشني جفاف عين وشفايف وحاشتني دوخة ولوعه لدرجة يتني ايام اصلي وانا قاعدة وراجعت المستوصف قالي مافيج شي وعطاني تحاليل اسويها، ولمن صار موعدي حق الجلدية قلت حق الدكتور ان تحوشني دوخة ولوعه، قالي يمكن من الحبوب خلينا نخففهم لج ، طبعا بنات انا كنت قارية التعليمات الرشته كلها بس سبحان الله نسيت سالفه الدوخة والوعه، بس لن قالي الدكتور يمكن منها اهني رديت البيت وقريت ثاني مرة التعليمات، :eh_s(2): وفعلا انصدمت والله بنات نفس بالضبط الي مكتوب يحوشني.


انا الي قاهرني دكتوري شلون ماحرصني ان اقطع الفيتامينات الي آخذها !! بنات انا كنت اخذ فيتامينات واشرب فيتامينات واخذ نوع حبوب حق بشرة تخيلو كل هذا :eh_s(16): وطبعا توني وقفت من تقريبا اسبوع.


المشكلة بالتعلمات كاتبين ان لازم الشخص الي تحوشة هالاعراض يوقف العلاج فورا :eh_s(10)::eh_s(11):

شسوي بنات شنو وضعي ؟؟ في بنت هني بعد كاتبه ان دكتور قايل في ناس اذا حاشها هالشي ممكن يستمر معاها حت لو وقفت علاج !! :bbbiu:

والحين صارلي 3 ايام اعاني من عدم وضوح بالرئيه !! مااشوف عدل :eh_s(16): انا هم نسيت وعبالي من العدسات لان البس عدسات طبيه بس دايم اقطرر واحاول ماالبسهم الا اذا طلعت.

بس امس لمن قريت ردودكم تذكرت ان من اعراضها ان الشخص مايشوف عدل :eh_s(16)::eh_s(16):


انا الحمد الله بنات بالنسبة حق الجفاف والاكتئاب قدرت اتعامل معاهم وعدتيت هالشي بس الدوخة والوعه اهي الي مخوفتني لان فعلا اتعبني اقعد طول اليوم بالفراش دايخة ، بس الحمدالله يارب تحسنت صارلي اسبوع تقريبا ماحسيت بهالشي الا شوي يحوشني وروح .


بس خايفة يستمر هالشي وخايفة حيل من سالفه النظر لان تخيلو بنات حت وانا بالسوق موقادرة اشوف عدل وشتري :eh_s(2): وانا خلقه نظري صفر عايشة على العدسات الطبية .!!


بس الي اموتني قهر على كل هالاعراض لو لقيت النتيجة المطلوبة والله عادي فدوة :eh_s(16): بس بنات ماكو نتيجة !! اللهم الا ان النفر خف ماقام يطع مثل اول .

وبالعكس احس نفسي مسمره عن اول يعني جني مسوية تان :eh_s(11)::eh_s(11):


بنات شنو تتوقعون هل ممكن القه النتيجة الحلوة من صفا بشرة وتفتيح ولا لا ؟ انا تقريبا خلصت الرابع وداشه بالخامس .


لاتبخلون بردودكم فديتكم :eh_s(22):​

 

[سعوديه خقوقه]

سيكلوجيه

في اقـــــــــرب وقت روحي للدكتور ..طبعا لا تروحين لدكتورك القديم الله لا يرده مو فاهم

واشرحي له على كل شي ..

ورب البيت ان عجزانه كيف ارد عليك ماني عارفه ودي ابرد كبدك بس ما عندي خلفيه

كلمت اخوي دكتور قال وش دراني قد نسيت ..هو دكتور تجميل مو جلديه

واذا على السمار ترا من الجفاف اي شي يصيبه جفاف يسمر ..زي الركب ليه سمر لانهم جافيين

اهتمي بترطيب ..

وان شاء الله تلقين نتيجه حلوه واعي ربي انه ما يضيع تعبك..

الله يفرجها عليك يارب ..

 

[سيكلوجيه]

سعودية حقوقة


فديتج والله كلج ذوق مشكورة عالرد ، للعلم ترا دكتوري استشاري مو بس دكتور، بس ماادري ليش جذي ماحرصني على سالفه الحبوب والفيتامينات .

اكثر شي مضيق خلقي اني سمريت والحين بادية ارطب عدل، كله مني الدكتور قالي دايم رطبي بس انا لان ماكنت احس بالجفاف الا بعيني وبشفايفي فمااهتميت، وحت جسمي احس حيل مسمر وريولي


تتوقعون بنات ممكن بعد اهتمامي وترطيبي القه نتيجه حلوة

وينكم ليش نايمين


وسؤوال بعد عادي اسوي سنفرة بالبيت ولا لا ؟؟ بدون بخار

 

[سعوديه خقوقه]

اتوقع انها تتعدل بشرتك وتصير حلوه ..الله يهدي دكتورك

واذا على السنفره تراها بتزيد الطين بله الروكتان يقشر والسنفره تقشر بينصلخ الجلد شوي شوي ويصير حساس

والميلانين راح يزيد بالتالي راح يزيد السمار والتبقعات


لا تستخدمين اي مقشر فترة تناول الروكتان سواء كان رتن اي او مقشر عادي


يااارب ترزقنا بشرات حلوه يارب

 

[سيكلوجيه]

مشكورة سعودية بس شفيهم البنات نايمين @@

 

[قصْر شآمخ~]

السلام عليكم ورحمة الله وبركاته


أهلا بـ الروكتانيات p=

أنا صارلي شهر وقفت الروكتان ..
بعد استخدام 8 أشهر ..

بس ما عطتني النتيجة الـ واااو ..

صح وجهي ما فيه حبوب .. بس ظهري للحين تطلع فيه حبوب .. مع أنها خفت بنسبة كبيرة ..

بنات أول شي قبل لا تستخدمون الروكتان .. جيكوا ع الهرمونات ..
ترى الروكتان وهرموناتج متلخبطة مااااااااا ينفع
أنا أعتقد أن هذا السبب اللي ما عطاني نتيجة توب ..

وألحين أنا قاعدة أستخدم كريم ريتن أي ,, وصفت لي ايااه الدكتورة ..
عشان الآثار اللي بوجهي والحفر .
لأن الروكتان ممكن يقلل الحفر والآثار بس ما يعالجها ..

وعلى فكرة البنات اللي ما يبون يجربون الروكتان ..
أو خايفين ..
جربوا كريم ريتن أي .. لأنه هو روكتان موضعي > هذا كلام دكتورتي
وأنا إذا ما نفع مع وجهي الريتن أي راح أسوي له تقشير أو ليزر بعيادة ..

وباالنسبة لتحذير البنات .. عادي في ناس ما يستخدمون الروكتان ويجيبون عيال مشوهين الله يكافينا الشر ..
فـ أي شخص معرض لهالششي مو شرط بسبب الروكتان ..

وعادي أنا ماسبب لي كآبة ولا شي ..
أكثر شي تعبني تساااقط الشعر .. بس كنت استخدم الحنة وخف بشكل كبير ..


والله ييسر

 

[سيكلوجيه]

انا كل الاعراض حاشتني والله حت تكرمون البول كان اصفر حيل طبعا فجئة انتبهت علي ولمن قريت مشاركة سعودية اهني انتبهت ، بس جنه صار عادي بعد ماتركت الفيتامينات.


الي الي قاهر قلبي ان حيل اسمريت ماعمره بحياتي صرت جذي مجلحه صج شي غريب والمشكلة مااقدر احط اي نوع كريمات عشان الحبوب . خايفة والله مستحيل اتحمل جم شهر وانا ويهي جذي شاحب ومجولح طبعا انا حصلت نتيجة وحدة ان النفر ماقام يطلع الا قليل بس أثار النفر القديمة واضحه والوية صار مجولح ومسمر جسمي كله مو بس الويه .

 

[سعوديه خقوقه]

قصر شامخ حلو اهم شي الوجه يعني تخيلي ان وجهك بعده مثل اول الحمد لله انا هرموناتي تمام والدوره تجنن
انشاء الله مع الرتن كل شي تمام
سيكلوجيه لي عوده معك

 

[سعوديه خقوقه]

سيكلوجيه
بعد العلاج راح ترجع بشرتك مثل اول مع الترطيب لا تشيلين هم
اهم شي الحبوب ما قامت تطلع انا في الشهر الثاني وبشرتي ما تحسنت ولسه تطلع لي
لي باك يوم السبت النت بطيئ بشكل يرفع الضغط

 

[سعوديه خقوقه]

ههههههههههههههههههه أهم شي الدورة يجنن
كله من الجهاز ذا المخيس يكتب خطأ وكله حوسه
على العموم أحس باحباط يا بنات لاني ما أحس بتحسن وأنا مر علي شهر ونص قهر كان ودي احصل نتيجة بدري

يله الله يكتب لنا الخير

 

[سعوديه خقوقه]

اب
اب

بنات ليش نايمين ؟؟؟

 

[سعوديه خقوقه]

لــــــــــــــــــــيه نايميين ؟؟


اهئ اهئ

 

[rose_princess]

آممم الحمدالله آنا آستخدمته ومااصارلي شي من آلي قلتووه هاي ثاني كورس لي ... وكنت آكلهم مع حبوب ثانيه للشعر ...

 

[سعوديه خقوقه]

اختي اللي فوووووق


ما خابرتينا شو صار معك تحسنتي ولا لا


وكم كان مدة الكورس الاول ؟؟

ودي لك ~

 

[سيكلوجيه]

سعودي انا مابي بشرتي ترد مثل اول انا ابيها احسن من اول باذن الله هاهاها

وانتي مستعجلة توج شهرين ترا ماتبين النتيجة ولا توقف الحبوب يبيلج على الشه3 تحسن ان بدا يخف

وماشاالله فعلا في بنات ياخذونهم ومايحوشهم اي اعراض ، انا بس الي ودي اعرفه هل ففي بنات سمرو مثلي بسبت الحبوب ولا لا؟؟

ودكتور قالي حت التسمير مو بسبب الجفاف ماله شغل الجفاف ينشف البشره صح بس مايسمرها وانا مقتنعه بكلامه صراحه.

بس والله اول كنت اقرا نتايج هالحبوب على البنات شي موطبيعي بس انا سبحان الله ماحصلت هالنتيجة (الهم آجرني في مصيبتي واخلف لي خيرا منها ) ​