الرمضان و الحموله

[نوره في وسط صوره]

انا عن نفسي بسوي طبق رئيسي وشي جنبه وحلو وشوربه وانزله معاس مابي التزم ولا اشوف شي يحرني غير اني بهتم بالتعبد مو بالاكل فمابي اهلك عمري

 

[عتاب الاحبه]

تسلمون ع الردود بسس هذول السنعات وين الباجي

 

[دلوعه غناتي]

انا فديت حمولتي والله ما يجبروني على شي

بس ناويه رمضان هاذا اسوي طبقين فرن وسلطه وحلو

يستاهلون فديتهم وعلى راسهم حبيبي ابو عيالي

 

[آلجفوول ~]

دلوعة غناتي الله يتمم عليج يا رب ويهنيج

انا اول رمضان راح يكون لي معاهم واظن راح اولد قبل رمضان ههههههه
حدي ثقلت

بس اذا بسوي بسوي حلو بارد ومولتن وحركات خفيفه اقدر اسويهم وانا قاعده.

 

[3 العراقية]

الله ييسهل للكل الحمل والولاده انا عن نفسي اهل زوجي كاطعيني كانه بضاعه دنامركيه الحمد لله على كل شي وعايشه وحدي مع عيالي وزوجي لا احد يجينا ولا نروح والي قاسمه رب العالمين بيومها ناكل وخلص

 

[عصفورة شمر]

عااد انااا كل الكررف علي لووووووول

الرمضان الي طااف كنت حاامل وجهضت مادريت روحي بالرمضااان


الله يعين كل طباخ تسوونه بالفطور بنات عتبروه صدقة

ساامعه جذيه ان افطار الصائم صدقه

 

[حرم حبيبي]

الفطوووور انزل اسااااعد بالطبخ
لكن
عالسحور كلن لحاله يكفي الحمال تعب

 

[أتقهوى عذابك]

ناتشوو الله لايهينج ياقلبي على هالنصيحه
وان شاء الله بشوف شنو نظامهم والله يسهل علينا

 

[Aloe Vera]

كل بيت و عايلة نظامهم غير شوفي شنو نظام اهل ريلج

 

[ديانا سبنسر]

الله يهون عليكم ويقومكم بالسلامة بنات

 

[++صدفة++]

انا خالتي موصية ريلي قايلتله لا تخلي مرتك تدش المطبخ برمضان .. خلها ترتاح
يوم تفطروا عندنا و يوم عند اهلها
بعد جبدي خالتي ما تبيني اتعب مع اني ساكنة بشقة بروحي .. بس اكيد راح اودي معاي خفايف ولا سلطات

 

[.. Ro3a ..]

انا ما اعرف للطباخ
واذا سويت صينيه اتعب حييل واخبص الدنيا بالمطبخ
كااااااااااك  بس الطعم روعه


هذا وانا مو حامل

شلون وانا هالرمضان اكون بنهاية الثامن بدايه التاسع
الله يستر انا ما اقدر اجهد نفسي امبي شلون صايمه واطبخ وانزل اساعد
*اخاف يغمى علي جدامهم 
بس الحمدلله ما شاء الله خالتي عادي عندها حتا لو نزلت حزت الاذان
لان عندهم طباخه تسوي كل شي
بس الفشله من حمواتي 

 

[t.o.o.ot]

انا من مويدين التجهيز المسبق للاكل يعني اذا ناوية تسوين سلطات حلا وهالسوالف سويها لا افطرتي اقصد جهزيها وتفنني فيها ورى التراويح والا قبل السحور بالليل بس لا تتبلينها ولا تملحينها والحلويات ياكثرها اللي لازم تبريد وثاني يوم قبل الفطور بس طلعيها ونزليها وياج وبس لا تجهدين نفسج ولاشي

اسهل حيييييييييييييل

 

[بقلبك مكاني]

والله حنا نصير حوسه ننزل كلنا ندخل المطبخ
الله يعين بعد خدامتنا انحااشت

 

[لياحه بنت لواح]

اهئ اهئ

اه يارمضان صار للاكل بس
حتى التراويح مانقدر نروحلها من هالمطبخ
الله يعين

احنا نظامنا زامات للديوانيه
كل يومين علي الدور احنا ٣
وربي تعب انا اصغر وحده فيهم كبر عيالهم
وبشقه ساكنه عندهم وخدامه ماتعرف شي وعيال ٢ وحامل بالسابع

ومطبخ متر بمتر واطبخ لعايله كامله بس عشان زوجي وياهم وهم كل واحد وياه كم ولد ولاعيالهم نصهم متزوجين وحريمهم ماتسوي شي
ومحد يساعد ويدزلي وحده من خدمهم
ادري طلعت حرتي بس سامحوني

ياربي صرت اكتئب لاجا رمضان

الله يعودا علينابخير ويصبرنا

يارب هونها وتهون

 

[عالمي المجنون]

اول رمضان بكون لي عندهم

ناوية ان شا الله اسوي طبق خفيف و سلطة

مع أني احاتي النزلة و الصعدة شقتي الدور الثالث و ماكو اصنصير

 

[روزسكاي]

ولا افكر اطبخ عندهم في رمضان

على ان كل وحده منا من حريم حمواي عندها شقه لكن ننزل نطبخ عندهم في رمضان

أنا أفطر عندهم اربع ايام وثلاث عند أهلي

بس رمضانيه هذي بأذن الله ماراح أفطر عندهم ولا يوم كل يوم عند أهلي ان شاءلله

وخصوصا أني بس بأخذ أسبوعين من رمضان وبولد ان شاءلله

صراحه مافيني لطبخ ولا شي يكفي النفسيه والثقل

وخصوصا أنا اهل زوجي من النوع اللي كل شي ما يعجبه وماغير يتحلطمون مهما سويتي ام زوجي تراعي اذا كنتي حامل وتقول لاتسوين بس أنا استحي اقعد أتفرج وهم يطبخون

وبعدين مهما كان بيت الأهل غير يراعونك ويدللونك ولا يخلونك تلمسين شي حتى لو بغيتي تساعدين ..ولاتنحرجين من شي ابد

وبعدين عصفورة تقولين تطبخين وتتعبين لمن أجهضتي من جدك بالطقاق اللي يطق الطبخ اهم شي ضناك والله

والله يسهل علينا جميعا هالرمضانيه ونولد بالسلامه

 

[Alviero martini]

أنا كنت ساكنه عندهم وما عندي مطبخ فما كنت اسوي ولا شي إلا إذ اشتهى زوجي شي سويته له
والله كنت من طقت بناتهم وبنات هم نائمين بالفراش لين قبل الأذان
والله حالي من حالهم
وبعدين طلعت بشقة وقمت اطبخ على كيف كيفي

 

[عسل حدي]

ربي لا تذرني فردا وانت خير الوارثين

 

[بنت الرحاب]

الله يخليج من يطبخ الحين الله يسلم الخدم حمواتج مكبرين الوساده ونايمين ليش اطبخ حالي من حالهم اذا مرت اخوي ماتطبخ من غير حمل تبينها تطبخ واهي حامل عشان بااجر لي سقطت بتقول كله من الجلي الي سويته لاهلك والله هالجيل مايفوح بيضه سهر ونوم عالفطور والله انا حامل بصوم واداوم بالحر والخيسه بتفرغ للعباده عشان الله يسهل علي وبنزل حزه الفطور اكل بعد الخدامه مسيحيه ماتصوم شكووو اساعدها واعتقد هذا الواقع في كل البيوت