- الرضـــــــــــاوهـ ..!!

[ام كوشه منكووشه]

رد : - الرضـــــــــــاوهـ ..!!

حبوبه احنا ما عندنا رضاوه

بس اذا الريال يايب شي من خاطره لمرته عشان يراضيه كيفه هذا الشي راجع له بس المره ماتطلب منه

 

[دلوعة الحلوين]

الله لا يجيب الزعل
بس ما عمره راضاني بهديه انا بكلمتين ارضا واعتقد هذا يعتمد على شخصية المره نفسه بس استحي اطلب احس نفسي مو شايفة خير فاحنا عايشين كل واحد يصرف على نفسه حتى الاكل اذا انا مشتهيه شي اروح اشتري الطلبات بفلوسي واذا اهو الي مشتهي اهو الي يشتري الطلبات بفلوسه

 

[كريستال]

رد : - الرضـــــــــــاوهـ ..!!

الله لايجيب الزعل

 

[بوورشه]

رد : - الرضـــــــــــاوهـ ..!!

ممممم مابي رضاوه لان مابي الزعل من اساسه

 

[سوسن1980]

رد : - الرضـــــــــــاوهـ ..!!

كانت هالعادة عند امهاتنا قبل بس الحين لا

 

[رحيق الورد]

إي الرضاوة موجودة ..

بس الحين الرجال باسهم قوووي ..

ما يعطوون شاطرين بس بالكــلام ..

و الحريم مقرد ينقص عليهم بالكـلام و يرضوون ..

مو نفـس حريم أول ..

تزعل ..

زوجها يتزوج عليها .. يعطيها ذهب ..

معبرها ..

مو الحين كله سكيب ..

زين الي يعتذر و يعترف بخطاه ..

ما نبي منهم شي

قـتـيــعـــة ..!! :/

 

[.،:"$الـعـوبــــة$":،.]

رد : - الرضـــــــــــاوهـ ..!!

لا للحين الرضاوة موجودة ،
ومهما كان الرجال باسه قوي ، اذا كان غلطان لازم يدفع ثمن غلطته ،
والسالفة مو سالفة فلوس !!
الحمدلله الناس شايفة خير ،
بس الفلوس حييييييييييل غالية عالرجال ، ولما يدفع ، تكون قرصه له ،
يعرف ان هذا ثمن غلطته ، ومرة ثانية يحسب ألف حساب قبل يغلط ،​

 

[غزالي وبس@@]

والله على حسب الزعله والغلط يراضي مرته لا بفلوس او بهديه سنعه وعلى فكره اغلبهم لاجربو هالحركه يخاق تتكررعشان مايدفع

 

[BiiShOoO]

الله لا اييب الزعل بس احنه ما عندنا جذي

 

[شانييل]

انا رضاوتي انه يعدل الموقف الي زعلت منه ورحت لبيت اهلي علشانه

اخر زعلة رضاوتي يسفر الخدامه الي قاعدة على قلبي 3 سنين وما بقى شي ما باقته

فقعدت اسبوعين لمن سفرها

اما فلوووووووس جان زين

بس ريايلنا حدهم وهالمعاش الي يطير قبل لا يخلص الشهر

يعني مستحيل طقم ذهب ولا ساعة غااالية بألف ولا حتى جنطة ماركة


وهمن البخل يلعب دور جبير

 

[احلى ديما]

رد : - الرضـــــــــــاوهـ ..!!

لا مافي رضاوة عندنا نزعل ونرضي ولا من شاف ولا من دري

 

[*loveli-noni*]

الله لاييب الزعل

 

[مندوبة ام بندر]

الله لايجيب الزعل

 

[i'm so happy]

رد: رد : - الرضـــــــــــاوهـ ..!!

ما عندنا بمجتمعنا رضاوه

مع إني أشوفها لو كان الموضوع شي جايد شي زين إنها تطلب رضاوه

يعني يحط بباله .. لو بسوي شي ترى وراه خساير !
مو كلمتين و يقص عليها

صح صح صح انا ووووووووياج

 

[جيرمني كيك]

رد : - الرضـــــــــــاوهـ ..!!

اب اب

 

[أنفاسي دخون]

الحمدلله ما قد زعلت الزعل الكايد اما الزعلات اللي تصير بين فتره وفتره يراضيني فيها بعشا وتمشيه او هديه ومره راضاني بسفره

وهالعادة موجوده عندنا

 

[::: زووغة :::]

رد : - الرضـــــــــــاوهـ ..!!

هالعااااااادة موووجووودة عندناااااااا

اذاااااا الزعلة جاااااايدة غصباااا عليييييه يراااضديهااااااااا بشي محترررم
عشاااان تكووووووون قررررصة له ومايعيدهاااااا والرضوة اللي اعرفهاا
من 1000 دك وفوووووووووووووووق

اماااااااااا اذا زعللله عاااادية فيرضيهاااااا بشي بسيط طلللعه مطعم هديه بسييطة

والحيييييييييين هالووقت هالرياااااجييييييييل مايستاهلوووووون لااااااااازم تطلعيييييييين عيييينه عشاااااااان يتسنع

 

[tmtmt]

عندنا ولا ما عندنا

انا مارضــــــــــــاها حق نفسي

يرديني بهديه ولا بفلوس لا ولله مابيهم خل ياخذهم له
ولي يقولون لن الفلوس غاليه عليه ويحسب حسابه مره ثانيه

وشلون ارضاها حق نفسي

ماراح يغلط علي مو عشاني ولا عشان يحبني !!!
لااااا عشان الفلوس ولا يفكر بهالديه

كبيره بحقي احسها وايد

 

[*ريما*]

رد : - الرضـــــــــــاوهـ ..!!

انا ماحب اطلب
احب الشي يجي من نفسة وعن طيب خاطر

 

[Sweetq8]

لبا خشتش يالعوبه راي من رايش ^_*