الرضاعه الطبيعيه !! شلوووووووووووووون؟؟ للبنات الخخبره

[joojoo pink]

السلام عليكم ورحمة الله وبركاته


بنات انا بكريه وعندي سؤال يطقطق براسي



انا ودي ارضع طبيعي اوكي, بس اقرا في النت ان الحليب ينزل ثاني او ثالث يوم بعد الولاده :eh_s(1):


طيب في هاليومين طفلي وش يشرب ؟؟ :eh_s(10):

يقعد كذا جوعان ؟ ما ياثر عليه ؟ ولا اعطيه صناعي ؟؟!!:bbbiu:


بلييز جاوبوني :eh_s(2):

 

[قلب الزعابي]

لازم من اول ماتولدين ترضعينه
لان اللي يطلع اول شي وايد مفيد للياهل
وخليج ترضعينه على طول عشان يستوي لج حليب
ومع الاستمرار راح يدر الحليب بإذن الله

 

[joojoo pink]

لازم من اول ماتولدين ترضعينه
لان اللي يطلع اول شي وايد مفيد للياهل
وخليج ترضعينه على طول عشان يستوي لج حليب
ومع الاستمرار راح يدر الحليب بإذن الله

طيب اختي , يقولون اللبأ اللي هو اول ما ينزل لونه اصفر شويه , اخاف ما يشبع وما يكفيه !!!


ولا يبكي جوعان:eh_s(2):


وكيف ارضعه على طول ؟؟ شي يجيب الاحباط احطه على صدري وما ينزل شي !!! :eh_s(2):


هو راح يكرهه الرضاعه بعد اذا ما شاف شي ينزل:eh_s(10):

 

[مظلومة حيل]

حبي الحليب بصدر الحامل من الشهر ٥ تقريبا انتي عالشهر الثامن اخرة حاولي تضغين تطلعين شوي كل يوم مثلي و الحليب يزيد من تولدين بالسلامة بس خلي البيبي يمص و كثر ما مص زااااد و اهم شي تشربين حلبة و تكثرين حليب

 

[ام الحلوااات]

اللــــه يـــســهــــل امـــــرج
الــمــسـتـشـفـى مـــرااات يــجـــيــبــووونــــه لـــج تــرضــعــيــنــه
ويــعــلــمـــووونـــج بـــعـــد اشـــلـــوووون تــرررضــعــيــن​

و يــعـــطـــونــــه صـــنـــاااعـــــي مـــرااات ​

 

[مشتطـه]

واي جد الله يعينكم عالطبيعي
تعععععب


انا ولدي يبط الجبد مايرضع وشوية يرضع وحرام مايطلع وايد

امي تحن علي رضعيه

رضعته الاصفر الي اول شي

بس صدري تيبس علي حييل عورني

رضعته شووووية حيل بالنفاس بس

 

[غرام القمة]

اب اب اب

 

[أملي بعد الله]

حبيبتي عادي المستشفى بيعطونه صناعي يمكن مرتين باليوم وبيجيبونه لج يمكن ثلاث مرات باليوم عشان يرضع منج

ولا تحاتين كلشششش رح يشبع البيبي منج اللبأ مفيد وااايد ويشبع وانتي قولي لهم إذا البيبي جوعان على طول جيب رضاعة طبيعية عشان يجيبونه لج على طول مجرد مايصيح

وصدقيني بينزل حليب بإذن الله مع استمرار المص من البيبي

وكفاية البيبي بياخذ حنانج بأول الأيام وبتشوفينه يمص ومغمض عيونه مرتاااح

الله يتمم عليج ويفرحج بشوفته

 

[أملي بعد الله]

على فكرة لازم تشترين كريم مرطب للحلمات من افالون لونه بنفسجي ممتاااااااز قوامه مثل الفازلين بس يهببببل

لأنه الحلمات تتشقق بأول الأيام لابد ترطبينها بعد كل رضعة وله بيطلع دم وتعورج وااااايد وتصير الرضاعة صعبة عليج

 

[ABEER FLOWER]

ربي يسهّل عليج وعلينااا الرضاعة الطبيعية

>> أنا بكرية ما عندي خبرة​

 

[انجبر قلبي]

بالنسبة لتجربتي اول ما ولدت بكل حزة رضاعه انا مبلغه السستر اول ما اتيي حزة رضعه بنتي اييبولي اياها



وكنت احاول قبل كل رضعه طبعا اللي يطلع مايشبع الياهل علا قولتج نتفه و شوية و بعدين راح يدر عدل



فاهم بعد ما احاول فيها ياخذونها و يعطونها رضعه صناعي


و لمه رجعت البيت خلاص كله طبيعي بس نصيحة خلي الياهل يشرب رضعه وحده باليوم صناعي و الباجي طبيعي او رضعه وحده ممية " طبيعي " تشفطين له



عشان مع مرور الشهور والايام لا بغيتي تقطعين ماتعانين مع الياهل تكونين معودته ع المميه مو بس صدرج



و لازم الياهل يمص عشان الحليب يدر اذا ما خليتيه يمص ماراح يدر حتا لو كنتي تاكلين شغللات تدر الحليب

ف سوي مثل ما قلت لج وصي المستشفا بكل حزة رضاعه انج تحاولين مع البيبي حتا لو مافسج حليب لان اصلا الحليب يدر مع مص الياهل وبس





و اللي تقول الحلمة راح تتشق لا والله الحمدالله حلمتي ماتشققت كلس الحمدالله مو شرط ولا طلع دم شدعوة هذا علا حسب تغذية كل وحده و اهتمامها بالرضاعه

بس اذكر عقب شهرين من الرضاعه كنت احس حرقة خفيفه بالحلمة ارطبها ب كريم اسمه فيتو ماما من الصيدليه عادي تحطينه و ترضعين البيبي بدون ماتغسلين مايضر بس لحد يخرعج دم ومادري شنو هالشي حسب مو مع الكل

 

[انجبر قلبي]

طيب اختي , يقولون اللبأ اللي هو اول ما ينزل لونه اصفر شويه , اخاف ما يشبع وما يكفيه !!!


ولا يبكي جوعان:eh_s(2):


وكيف ارضعه على طول ؟؟ شي يجيب الاحباط احطه على صدري وما ينزل شي !!! :eh_s(2):


هو راح يكرهه الرضاعه بعد اذا ما شاف شي ينزل:eh_s(10):

لا ماراح يكرهه سبحان الله اللي خله مصه الياهل يطلع معاها الحليب


البيبي اول الايام يمكن ما يعرف لازم تستمرين بالمحاوله بالمستشفا لا تهملين الشغله كلما ياع خل يحاولون معاج

 

[ام دندوونه]

ماشاء الله البنات ما قصروااا وفعلا اهم شي اول يومين يرضع المادة الصفرا اللي تنزل من صدرج لانها سبحان الله مناعه له طول العمر بالبدايه راح تتعبين بس فعلا ما في ارووع من تجربه الرضاعه الطبيعيه

 

[Perfume]

حبيبتي الحليب موجوود بس اول الايام يطلع اللبأ ضروري تعطينه عشان يستفيد منه
وصدقيني اذا عندج عزم وارادة راح ترضعينه وانتي مرتااحة
الطريقة انج تدخلين الحلمة واللي حواليها كامل في حلجه ويمص
راح يكون صعب في البداية بس شوي شوي راح يتعود
في الم بالصدر في البداية بس بعدين راح يخف ويصير عااادي
وعن تجربة حبيبتي اقولج الرضاعة الطبيعية حيييل مفيدة للياهل والام
لا تحرمين ولدج منها
ودخليله حليب صناعي رضعة في اليوم عشان مايتعود عليه ويترك حليبج
واهتمي باكلج وبشرب السوائل عشان يزيد الحليب

 

[شيخه***البنات]

الل يسهل عليج يارب وترضعينه سنتين كاملين يارب ..

الحليب اساس موجود لاتخافين انتي راح تتلعوزين اول الايام

وبتعصبين و عبالج ماراح يشبع بس صدقيني حاولي وحطيه غصب رضعيه

ومع المص وكل ماترضعينه كل مايطلع حليب يعني العمليه

لها استمرار يبيلج تستمين و بيطلع الحليب و مع الاكل الصحي بتشوفينه يدر

باذن الله ...

 

[ام فجر3]

ماقصرو البنات