الرضاعه الطبيعيه الله يخليكم ساعدوني

[غلاي عزوزي]

السلام عليكم
شلونكم


انا توني والده من شهرين واول مره ارضع طبيعي مارضعت عيالي من قبل

ليش

عشان الياهل طلع ضعيف وكر خاطري وسبحان الله الرضاعه تسهلت والحليب مع الحبوب الي تدر زاد


طبعا الطبيعي يهبل لا تعقيم مميه لا تبربس حليب ولا شي



وافيد للياهل وكافي انه مع تطور العلم محد قدر يقلد حليب الام ويسووي نفسه

الي متعبني
انه الياهل مايبي لامميه ولامصاصه

ماقدر لا اطلع ولا اداوم ولا اتحرك من يمه



تكفون الي مجربه هالوضع تقولي لانه صج لاعت جبدي


جربت انواع المصاصات الحلمات شفط حليب غيرت بالحليب الصناعي مااااااااااااااااااااااااااااااااكو فايده
شسو ربي يخليلكم عيالكم​

 

[أنا الثريا]

حبيبتي ماعندي فكرة,بس حبيت اشجعج
عفيه عليج وشدي حيلج ترى هالزمن يخرع وكله امراض..احمي ولدج احسن
والله يعينج بصراحة

..وبسالج عن الحبوب اللي تدر الحليب..اول مرة اسمع عنهم
شنو اسمهم وسعرهم ولا عليج امر..؟

واب اب لعيونج​

 

[حلوه ولمآحه]

حبيبتي مآجربت
بس مره قريت عن وحده هنيه ماشاءالله عليها حليبها مره كثير
وكانت تحطه ببطل قزاز وتحطه بالفريزر
يتجمد ومن تبيه تسخنه شوي

بحثي عنها ولا نشاءالله تمر وترد على موضوعج ،~

 

[@الياسمين@]

الله يعطيج العافيه ... صج ان الرضاعه متعبه بس مريحه في وايد اشياء
انا الحين ارضع طبيعي وبنتي رافضه المصاصه نهائيا
وحتى بجري رضعتها لي سنتين وهم ماكانت تاخذ مصاصه
وبالنسبه حق تعب الرضاعه صح ان وااايد تتقيدين بالطلعه
بس لي كبر الياهل وبدى ياكل تقدرين تنظمين الرضاعه اكثر راح تصير شوي اسهل
يعني لمن ييوع راح تعطينه اكل وسريلاك وهالاشياء
وتصير الرضاعه قبل النوم ومو شرط نومة اللليل لا .. انا بنتي كانت حتى لو اعطيها اكل قبل لا تنام لازم ترضع لو شويه بس
الحين انا بنتي الصغيره عمرها 3شهور وترضع طبيعي اعطيها صناعي بعض المرات بس عالمزاج ياتاخذه او ترفض

 

[om al ghaleen]

حبيبتي الياهل اللي يرضع طبيعي يرفض اي شي تعطينه غير صدرج
يعني ماياخذ لاالمميه ولا المصاصه حتى الاكل بالبدايه ياخذه
هذا الشي المتعب بالرضاعه
بس كفايده وكتعقيم احسن بوايد من الصناعي
اللي يتفخ البطن "


فاللي عليج يا تاخذين اجازه لي 6 شهور
او تبتدين تعلمينه ع الصناعي من هالفتره علشان لايتعبج
لانه من يعدي الشهرين صعب صعب تعلمينه
وبعد صعبه كل ساعه تطلعين من الدوام علشان ترضعينه .. "
,والله يحفظه

 

[غلاي عزوزي]

حبيتي الحبوب علبتهم ورديه معروفين بالصيدليه اعتقد اسمهم فيتوليت

 

[أنا الثريا]

مشكـــــــوره ​

 

[.،:"$الـعـوبــــة$":،.]

اول شي حمدالله على سلامتك ومبروك ماجبتي ،

بس صدقيني استمري :ggdw:ميخالف لأنه توه صغير ،

شوي شوي راح يخف تعلقه فيك ،

بس استمرررررري لاتفكرين تقطعينه من صدرك ،

حتى بطنك شوفي شلون راح يشد ويصغر ،

استمري ، اذا عشان الدوام اخذي اجازه ،

واذا عشان الطلعه حاولي تخففينها قد ماتقدرين ،

واذا ضروري اخذيه معاك بعربانات الاطفال ،

المهم لاتوقفين عن الرضاعه الطبيعيه،

انا بنتي الاخيره رضعتها طبيعي لمدة 4 شهور ، متعب صح ، بس تعودت وصار عادي ،

بس للأسف عشان ابي اطلع على راحتي دخلت حليب صناعي وعافت صدري وراحت للصناعي !؟:eh_s(16):​

 

[Om 3zo0oz_2011]

أكيد الرضاعه الطبيعيه متعبه ولها مزاج طووووله بال
وتنحبسين بالبييت
انا فطمنته من صدري 3 شهور وراي دوام ومشاوير ما ابيه اعلمه علي صدري بس
والحين ماشالله عمره 5 شهور كل شي يتقبل

 

[AVE.NJ]

انه نفسج وايد تعبت مع ولدي ولاكان يبي اي شي حتى الماي مايبيه تعود على الصدر
انه انقطعت عن الناس ولااطلع بسبت هالسالفه
الله يعينج بس استمري
وافطميه لما يصير له 6شهور انه فطمته 8شهور
ابيج تكونين صامده واذا على الدوام شفطي له

 

[حرم راشد الماجد]

شفطي له ولي بغيتي تطلعين خلي اللي عنده يعطونه الحليب بقفشه صغيره انا بنتي كانت جذي ما تبي ترضع لا مصاصه ولا مميه كنا نعطيها بالقفشه

 

[رتبه دبلوماسيه]

اب اب

 

[ابلة لولوة]

حبيبتي انا نفسج ولدي اسم الله عليه كنت ارضعه طبيعي ولما يكون عندي مشوار شسوي

اسويله رضعتين

الاولى : انقع له ماي وتمر وبعدين اشخله واعطيه وطبعا كل شي متعقم المميه , والقلاص اغسله بماي حار والمشخال بعد

الثانيه : اسويله أعشاب مثل ينسون مع عرج اللويه وسكر نبات هذي الاعشاب تريحه وهم تترس بطنه على ماتيين

ولاتنسين انه بينام عقب الرضعه الاولى وذا قام تعطيه الرضعه الثانيه ساعتها بتكونين انتي واصله البيت .

يعني انتي ممكن تغطين عنه 3 ساعات متواصل اذا مو أكثر .

اهو شنو اللي يخلي الياهل يبجي ويحن ويتعسر ؟؟؟

الغازات اللي بلحليب الصناعي

انتي اذا استمريتي بالطبيعي ولدج انشالله ماراح يتعسر عليج وبنام نوم حلو .

الله يحفظه لج .
​

 

[غلاي عزوزي]

مشكورين ياهواتي لاخلا ولا غدم


موووووووووووو راضي انا حتي الابره مالن الدوا عرفتو اشلابه فيه مو راضي الله يعين

 

[.،:"$الـعـوبــــة$":،.]

مشكورين ياهواتي لاخلا ولا غدم


موووووووووووو راضي انا حتي الابره مالن الدوا عرفتو اشلابه فيه مو راضي الله يعين

ياحلوه ،،:dddds:

هذا راح يصير نشبه لا كبر ،،

ميخالف ياقلبي ،،

ليش الله قال الجنه تحت اقدام الامهات الا عشان اللي تعانيه وتشوفه من تعب حمال وتربيه وغيره ،

اذكر امي الله يرحمها كانت ترضع اخوي الكبير صدرها ،

وجتها فرصه انها تحج وماهان عليها تطوفها ،

قامت خلته عند ناس من اهلنا ، وكان موووووووراااااااضي يرضع من صدر اي وحدة غير امي ،

ولا هو راضي يرضع من رضااعه ! وخافوا يصير شي بالجاهل على ماتجي امه !

وقبل مافيه نقال يقولون لها يالله ردي !

شسوت وحدة ماشاءالله عليها ، دشت بيتنا وقامت تحوس وتدور شي من ريحه امي ولقت شيلتها ( لفتها )

وخذتها وكل مرة بيرضعونه يحطون اللفه عند راسه ويرضع عادي ،

شفتي سبحان الله !:eh_s(2):

جربي هالحركة مع اني احس ولدك ماتمشي معاه هالحركات اسم الله عليه ،:hjy5jewf:​

 

[روان_الكويت]

الحمد الله علا سلامتك ومبروك ماياج
انتي تذكريني بالي مريت فيه توني لي الحين بعد
أنا عطيت ولدي هذا صدري وفعلا صار نشبه واخذت اجازه بعد الست شهور شهر بعد
وقتها بعد ماطلعت من الاربعين كله عندي وكله علا صدري ومستحيل ياخذ المميه والمصاصه ماحبها فما اطلع الا وهو معاي ومرات ارد عشان ترضعه بالسياره وحتى يوم بوكله يالله تقبل اول شي رفض ًيبي صدري
تحملي انشالله اجر الحين ولدي عشر شهور ومن تعود عالاكل قمت اقدر اطلع ويعطونه حليب بقفشه
ماندمت علا الي سويته خل ولدك بحظنك احسن من تقطينه وتطلعين إلهياته لاحقه عليها واذا تبين طلعه اخذيه
واذاً تبين اي سؤال حاضر عالخاص
وموفقه يارب

 

[_Pure_]

انا اعتقد كتبتلج رد في موضوعج بقسم الحمل و الولادة

انا بناتي ارضعهم ١٠٠٪ بدون صناعي بس اخذ ٦ شهور اجازة بعدها شهر استاذن بنص الدوام اروح ارضع و ارجع لان يم بيتنا
و بعدها خلاص اداوم عادي

حطي في بالج او ما تعطين صناعي ممكن جدا جداً ان الطفل خلااااص يترك الصدر لان الحليب الصناعي طعمه احلا و فيه شكرو الممية رضاعتها اسهل من الصدر و تدفق الحليب و كميته اكبر من الصدر

اول جم شهرين صعبين بس شوي شوي تتسهل الامور و يصير الوضع طبيعي جداً طلعات و روحات و زوارات و مطاعم كلشي عادي بس يبيله صبر و تنظيم وقت

يعني البيبي عال٦ شهور يبيله ٤ او ٥ رضعات باليوم

و عال٩ شهور بس ٣ !! و هذا كلام دكتورة بناتي

و اللي مشجعني ان دكتورة بناتي اهو ام و مرضعه عيالها طبيعي او سنه معن دوامهم الدكاترة صعب بي تقول عشان فايدة الحليب الطبيعي تحملت



يعني سهالات

 

[flower quen]

بصراحه ماجربت الرضاعه الطبيعه
الله يعينك حبيبتي

 

[ديانا سبنسر]

اب اب