الرضاعة الطبيعية .... جد واجتهاد

[SaD FaCe]

اب اب اب اب اب اب اب

 

[أم حيدر]

اوبرا ما عندج سالفة قطي الوسواس ورا ظهرج واعقلها وتوكل

وردة النرجس صراحه صراحه ومن الأخير شركات الوجبات غاليين يختج انا بحاول مع روحي وان ماقدرت براجع دكتور تغذية أحسن

 

[مراسي الحب]

السلام عليكم يا بنات

ولهت عليكم شاخباركم ... وعسى الكويت دوووووم بخير

 

[مراسي الحب]

up up

 

[أم شواقه]

السلااام عليكم


بنات انا الحمد لله ارضع طبيعي

بس قاعده احاتي الدوام يعني لما اشفط اخاف ما يكفي بنتي طول ما انا بالدوام


وسؤال اشكثر يظل الحليب بالثلاجه عقب الشفط ؟؟؟؟



وسؤال ثاني ،، هاليومين لازم اقرر على طريقه لمنع الحمل انا ما ارضمن الرضاعه



ودي احط اولب هرموني وتمدحه دكتورتي

بس من فترة قريت موضوع ان اللولب الهرموني يقلل الحليب وتأثيرة مثل الحبوووووووووب

اشرايكم صح هالكلام ؟؟؟

 

[روان_الكويت]

انا كنت ارضع ولدي وركبلي دكتوري لولب نحاسي يقول ما يأثر علا الحليب وممتاز كان معاي
سألته عن الهرموني قال هذا مو لج هذا للي دورتهم نزيف او الي بتقطعهم العاده
ما اظن يصلحلج حطي العادي احسن

 

[روان_الكويت]

بقولكم عن شغله من تجربتي بالرضاعه اتمنى تفيدكم
رضعت ولدي الثالث 3 اشهر وكان صدري الحمد الله يدر عليه والسبب هو عدم استخدام الحليب الصناعي نهائيا بس الطبيعي وكل ما يبكي الطفل عطيه صدرك
يعني كل ساعتين مع اني سمعت كلام من اهلي واختي غير تشجيعي وانه عطيه صناعي هو الي يتفخه ولدج ضعيف من حليبج وما شبعه حليبج
والحمد الله لاني كنت حابه هالشي استمريت وكانت النتيجه حلوه
لاكن الي خرب علي تمنيت اني ما سويته هو اني سافرت و13 يوم ولما رديت حليبي حييييل خف ولما اعطيه مايشبعه ويبكي وتركت الرضاعه الطبيعيه انشالله المره القادمه لا للسفر بعد الاربعين

 

[أم شواقه]

روان ،،، صااجه الطبيعي افضل من الصناعي ،، وكان لنا نيه سفرة عقب الاربعين بس ما رضيت بست الرضاعه


وعن اللولب ،، العادي ممكن يصير حمل وانا مابي احمل الا بعد فترة طويله

فقالت لي الدكتور الهرموني اضمن بس بعد اهوا ما يأثر على الحلييييييييب

 

[مراسي الحب]

قوة بنات

لو اخذ ربع دينار على جم مرة انسالت اشكثر يطول الحليب بالثلاجة بعد الشفط جان صار عندي الف دينار الحين هههههههههههههههه .....

حياج الله حبيبتي ... احنا ردينا على هالسؤال اكثر من مرة بالموضوع ... اذا اتخلينه برة بغرفة مكيفة ن يقعد اربع ساعات ... اذا اتخلينه بالثلاجة يقعد 48 ساعة ... واذا اتخلينه بالفريزر يقعد من من شهر الى ستة اشهر حسب برودة الفريزر

اللولب الهرموني تأثيره على الرحم فقط .... ماله شغل في باجي الجسم ...

واذا على الدوام .... شفطي وانتي بالدوام ...

 

[درة الشرقية]

هلا خواتي

تقبلوني بينكم انا ام جديده
و الحمد الله ارضع طبيعي و ولدي كلها كم يوم ويكمل الثلاث شهور الله يحفظه

مشكلته انه رافض انه يشرب من الرضاعه نهائيا

ابي اعطيه يانسون او شاي اعشاب او اشفطله اذا طلعت بس مشكلته مايعرف يمص الحلمه ابد ويجلس يصيح ويعضها ويدوخ وينام

حاولت فيه جوعته .. غيرت له الحلمات شريت اشكال وانواع ورافضهم كلهم

وش الحل .. بجد انا ماتعدى من البيت موليه .. حتى الطلعات صرت مااطلع

يجلس جوعان الى ان ارجع الببيت وارضعه

عطوني حلولكم ..تحسفت من البدايه والكل حسفني اني ماعودته على الرضعه الصناعيه؟؟؟

 

[مراسي الحب]

هلا حبيبتي درة الشرقية ...

طبعا ماله داعي تتحسفين وتقولين يا ريت ... انا عن نفسي من البداية ادخل الرضاعة علشان البيبي يتعود عليها بس يشرب حليب مني ... واذا رجعتي لبداية الموضوع راح اتلاقين تفاصيل أكثر...

الحين مالج الا طولت البال ... حاولي معاه وخلي بالج طويل ... شوفي اقرب حلمة حق حلمة صدرج وطولي بالج عليها ... ترى يتعود ... لا تتخيلين بيرضى بسرعة ... بس حاولي

 

[OM-Saad]

بنات عفيا ساعدوني
ابي بنتي تاخذ الممه موعارفتلها وعمرها 6 اشهر وعمري ماعطيتها مميه شلووووووووووووووووون

 

[غلاي عزوزي]

ودي انظم معاكم ان شاء الله لانه ولادتي جربت ابجري صدري ناشف مارضعت والظاهر وراثه
المهم شسوي عطوني نصايحكم
اكل حبوب اسوي شي قبل الولاده الحين بعد جم يوم ولادتي وصدري نفس ماهو مترهل وصغير وناشف ماانترس حليب
شرايكم؟

 

[OM-Saad]

حبيبتي الحليب مايدر من الصدر الا بعد الولاده بيومين او ثلاثه لاتحاتين

 

[خليفة العظماء]

مشكوره عالموضوع المميز:aha::aha:

 

[kanoosh]

الحمدلله اني رضعت بنتي طبعا بمساعده الصناعي سنننننننننننننننه

بجد واجتهاااااااااااااااااااااااااااااااااد فعلا تعبت تعبت

بس ماااااااا يأست كلللللللللش

وكل هالشي بفضل رب العالميييييين

وانصح الكل يرضعووووون الرضاعه الطبيعيه والله يعييينهم وياجرهم عليها

 

[دلـع ^ العجـمان]

مشكوووووووره

 

[OM-Saad]

وااااااااااااااااااي ابي حل

تعبت بنتي بس تبي صدري ابي اعطيها مميه شلووووووون ؟
جديت وجتهدت 6 اشهر لوووووووووووووول حلمتي راح تموت من التعب هههههههههههه

تكفون شلون اعلمها على المميه ابي شي يساعدني

 

[SaD FaCe]

الله يعينا بس

 

[غريقة الشوق]

ماشاء الله عليج علمتيني اشياء وايد كنت اجهلها
عساج في كل امور ميسره