الرضاعة الطبيعية .... جد واجتهاد

[ام الونان]

بنات وين الردود

 

[أم حيدر]

صبااااح الخير

بنات يا بناااااااات وبعدين

امبي من صج قمت اشرب بتول حليب بالقفشة ...... شسوي بالله ؟؟؟؟؟؟؟؟؟؟؟

واسوني شوروا علي !!!!

 

[opera]

ام حيدر .. بنتوتج ماتبي المميه خلاص دام راضيه بالقفشه

المهم تشرب



يوم الاربعا الصبح بسوي عمليه حق بدوري .. تسليك القناه الدمعيه .. لانه عينه كله تدمع


ادعوله

 

[opera]

انزين نبى كل وحده اتقول مواقفها فى الرضاعه الطبيعيه طبعا محرجه هههههه

انا ما ارضع جدام احد كلش ..



بس الحين الولد كبر وقام يفطن .. بروحه اذا يبي ايي يحاول يسحب بلوزتي او قميصي عشان يبيني ارضعه ..

هذا بس الشي المحرج اذا سوا هالحركه جدام الاوادم

:dddds:

 

[الشيخه فطامي]

بنات شلوووووووووونكم شخباركم
ام حيدر عادي حبيبتي انا سلماني ما شرب كلش رحت المواساه عطته بالكوب
حاولي بالكوب شوي شوي
اذا ياعت
انتي توكلينها لانها ااذا كلت تبي الاكل اكثر تبي تلعب
او الرضعه تقل تصير 3 مرات باليوم

بناتت اليوم رحت حللت بالمستوصف حدي كنت احاتي ما يتني الدوره معنها يتني بالاربعين او بعده بشهرين بس هل الشهر ما يت او كل ما ينزل شي حسبالي اهي بس اجيك ولا الافرازات بس الحمدلله طلعت مو حاااااامل تخيلو لو حامل شسوي هههههههه الاوادم راح يضحكون علي قبل اهلي بيقولون ما صدقت على الله
ابي الف الحمدلله
انشاء الله ربي يكتبلنا الذريه الصالحه يارب بس مو الحين نحمل خخخخ
عادي تييلي او ما تييلي قالتلي لخبطه هرمونات مادري انا شاكه
بروح اسويه مره ثانيه بشوف

 

[مراسي الحب]

الدورة مع الرضاعة تلعب مالها جدول ولا طبيعة معينة ...

ام بدوري الحمدلله على السلامة

خلودي قمت لما احط صدري بحلجة اتلوع جبده كبر وما يبي صدري بس فرقت معاي المناعة صج ... خلودي فيه كحة ..

ام حيدر ... ان شاء الله تشرب مكوكسة عادي ... ترى مو غريب .. برة هذا واحد من التكنيكس اللي يشرب فيها البيبي ... فخلج صامدة وعليها بالعافية بتولي

 

[الشيخه فطامي]

يسلمو مراسي
بغيت اسألج عن خلودي لمن ماكان يقدر يرضع شلون فيه عوار لمن يمص
انا سلماني صارلي جم يوم ماني قادره ارضعه كلش يعور عوار غريب او مره وحده بيوم او ليله صار جذي جيكت حلجه مافيه فطريات احس المشكله مني مادري حطيت كريم على الهاله لانه احسها اهي المشكله مادري شنو باجر انشاء الله بروح الطبيب اجيك انشاء الله مافيه الا الخير يارب
انا قلت يمكن عين مادري بس مابي احط هل الشي في بالي الله الحافظ

 

[لوكريسيا]

أوبرا .. الحمدلله على السلامة

مراسي .. من طول الغيبات... وينج؟؟

أم حيدر .. وردة النرجس .. بحر الغموض .. فطامي .. شلونكم ؟؟؟

 

[ام الونان]

يعطيكم العافبه نبى طرق الرضاعه فى الاماكن العامه يعنى انتى جالسه فى السوق ومافى حجره او اى شى شنو تسوين فى ذى الحاله

 

[ipink]

صباح الخير
شلووونكم جميعاا
ام بدوور مايشوف شر بدوور انشالله وبشرينا لمن تخلصين العمليه
انا الدوره ماياتلي من الاربعين لي الحين معنه قمت اشربها صناعي يعني يقولولي لازم تييني ما ادري وميته خوف بس ريلي مو هني شلون بحمل لووول وناطرتها تيي عادي ماتيي؟

 

[ipink]

هاي
شلوونكم

اليوم رحت طعمت لولو مسكينه للحين الحمدلله ماسخنت بس تعبانه ومالها خلق
بنات بسالكم سمعتو عن تطعيم مال فيروس اسمه الروتا يعطونه بالخاص؟ انا رفيجتي قالتلي انه قالولها عنه برويال حياه يطعمون بس ماكو بالحكومه انه هذا التطعيم حق البيبي قبل لايكمل 6 اشهر تعطونه عشان النزلات المعويه لاسمح الله في احد عطه عياله ما ادري يسوى يعني ولاشلون طريقته تشترين الدوى نقط من الصيدليه سعره 22 دينار اتوقع وتودينه المستشفى يعطونه ؟
تنصحون فيه ولا طاف؟

 

[م نوره البنوره]

مشكوره على الموضوع وانا توني والده وارضع طبيعي وبليل اعطيها صناعي علشان تشبع واتنام عدل و انا انام عدل بعد

 

[أم حيدر]

شلوووووووونكم

لكم وحشة

اوبرا - عسا ربي يقومه لج بالسلامة يا رب

فطامي- اذا البقرة الحلوب موجودة بالبيت (اللي اهي آنا) ترضع من صدري ماكو اي مشكلة بس لما اكون بالدوام راااااااااافضة الممية. ومازال مسلسل القفشة مستمر.


لوكريسيا - هلا وغلاحبوبة انتي شخبارج؟

بنوكة - لووووووووووول فلم انتي

بالنسبة حق التطعيم سامعه عنه بس صراحه مو مجربته

م نورة - شدي حيلج وعفية عليج

ام الونان- عمر بنتي 6 شهور وما قط طلعت معاها مكان عام وقت رضعتها - اذا مضطرة عالمشوار أرضعها واشبعها وأزرق بو ساعه وانا اللي راده

 

[أم حيدر]

مراسي 0 على قولتج انشالله تشرب مكوكسه - بس الحجي ويين لما تكون نعسانة ويوعانه شلوون بالقفشة فلمممممممممم فلممممم بنتي طلعت علي أغلى من بيع السوق

 

[opera]

الحمدلله بدوري طلع من المستشفى وعملية تمام


بنوكه ترا عادي ماتييج الدوره حتى لو تعطينها صناعي ... خالتي ام ريلي تقول انها سنتين ما كانت تييها الدوره لين ينشف حليب صدرها بعدين تييها شهر والشهر اللي وراه اهي حامل



ولما ما تيي الدوره مو معناته انج حامل

 

[مراسي الحب]

فطامي ... والله العين الحق تبين الصراحة ... انا هالمرة كلللللش ما ترقعت مع الرضاعة .. مادري منو صاكن عين ... يمكن صاير فيج التهاب جيككي مع دكتور .. بس يبيلج طبيب يفهم عاد!!

ام بدوري .. الحمد لله على سلامة بدراني ... عسى الله يحفظه

ام حيدر ... اهيا اذا كبر خلودي .. اشرايج تبدين تعطينها بيبي رايس ... في الفترة اللي انتي فيها برة البيت؟

ويا امهات البجريات ... لا تتوقعون اول وجبة بتصير سهالة ترى فلم كوميدي .... ويبيلج سباحة انتي ويا البيبي عقب

ونصيحة دكتورة عيالي ... تبدون بالعيش مال اليهال ... سيريلاك في منه الارز مو القمح ... أخروا منتجات القمح ليييييييييييي آخر شي ...

وميلوبا في نوعين أرز مع حليب .. وارز بدون حليب ... اذا منتي اترضعين طبيعي خلطي العيش بالحليب مالج .. او اذا كان البيبي عنده حساسية من الحليب الصناعي نفس نوني ... عيل عطيه اللي بدون حليب ... غير جذي ... تبدين اول يوم بكمية صغيرة ... وبعدين اتزيدين ...

ولا اتحاولين تعطين البيبي أول وجبة وهوا ميت من اليوح لأن بيطب بالصحن ويتنرفز من القفشة وما يعجبه الوضع ... اذا كان لازم ، رضعيه شوية كسري حدة اليوم اللي عنده وعقب ابدي وكليه ...

طبعا تذكرت هالموضوع لأني بديت اعطي خلودي اسم الله عليه شوية عيش ... هالمرة شريته من كرز سلطان .. ماركة جربر .. فيه احماض dha اللي اتغذي المخ وعصب العين

 

[lulu2009]

ibink انا طعمت ولدي هل تطعيم اهو بالفم و جرعتين بين كل جرعه 4 اسابيع و اكثر و قبل الست اشهر انا طعمته عند دكتور محمد او محمود سعيد الي فى بو شهري كلينك

 

[مراسي الحب]

انا سمعت عن التطعيم بس ما عطيت بنتي ... وبصراحة .. اذكر الدكتور قال لي ماله سالفة .. بس اللي طعمته نونة وناوية اعطيه خلودي .. تطعيم بو شنيتر ... عجييييييييب .. حتى لما حاش نوني كان غشمرة نقطتين وكان الله غفور رحيم ... في امريكا يعطونه ضمن الجدول العادي

 

[ام الونان]

لا بنات نبى الرضاعه فى الاماكن العامه اشلون نتصرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[lulu2009]

ام الونان حبيبتي شفطي قبل الطلعه رضعه رضعتين و عطيه بالطلعه

و فى بالاماكن وايد غرف تغيير الحفاظه رضعي فيها و انا احيانا ولدى يطفرني و انا بمحل ارضعه بفتنق روم