الرضاعة الطبيعية .... جد واجتهاد

[الشيخه فطامي]

ام حيدر شخبارج اهم شي ال ني نييييي هههه الله يخليها لج انشاء الله او تشوفينها عروس او يخلي عيالنا حقنا يارب

 

[أم حيدر]

حبيبتي فطامي مشكورة ويبلغج بعيالج انشالله

منقزتنا هالشبر ونص سلم قلبها

 

[الشيخه فطامي]

ههههههههه

شفتي شنو كتبت عن المصاصه لعبت دوري فينا

 

[أم حيدر]

اي والله - انا أشوى بتول رفضت تاخذ مصاصة رفضا قااااااااطعا تدزها كانت بلسانها صج تعبتني بس هم أحسن بيني وبينج

الصبيان خذو مصاصة على عمر السنة ونص أقطعها بالعادة عنهم

 

[لوكريسيا]

بنات شلونكم ؟؟؟؟

فطامي .. ولدج تولع فيها هههه بس الحمدلله قطعتيها بسرعة قبل لا يفطن

اخر اخباري قاعدة افكر افطم يويو .. لما ارضعه مايكمل كله يتلفت و يتبوسم و ساعات يسوي حركة باااااااايخة مسك حيييل و يلف ويه .. و لما اعطيه الممية مايسوي جذي فشكلي خلاص بفطمه

 

[أم حيدر]

لوكريسيا لااااااااااااااااااااااااااااااااااااااااااااااااااااااااااااااااا حرام لا تفطمينه

بالعكس هالعمر البيبي يناغي صدر امه ، وانا بنوتي تسوي نفس الشي وهم تنتف الحلموة احس روحي بتطلع ازعل عليها شوي بعدين ارجع ألمها العيارة.

صدقيني اهو قاعد يلعب ويقولون الياهل سلوته أمه

 

[لوكريسيا]

أم حيدر و الله كلامج عدل .. ساعات لما افكر فيها اقول اسم الله عليه مو من النوع اللي يرفض صدري من بعد الصناعي او يستغرب لا بالعكس و ساعات لما يسوي هالحركات يمللني اتهدد افطمه

 

[بحر الغموض]

السلام عليكم

اشلونكم عساكم طيبين

انا مشغوله مع ولدي لي يومين تعبان وحراره وقالوا لازم اللي تصير فيه هالاعراض نعطيه مضاد للخنازير وانا رفضت بصراحه
قلت سووله الاختبار المسحه بعدين يصير خير
ولدي مافيه شي ان شا ءالله
لما سواله اشعه لصدره قالي نظيف صدره اسم الله عليه
فقلت عيل عطه مضاد للانفلونزا العاديه بس

والحمدلله امس اخذ العلاج واليوم احسه تحسن وايد وبعين اعراضه مو مثل اعراض الخنازير
بس يبون يجربون باعيالنا

ربي يحفظهم ويحميهم


لوكرسيا لا تفطمين ولدج حرام عقب ما احلوت الرضاعه للبيبي وصار يفطن تمنعينه؟
وبعدين هالحركات اللي يسوونها ترى يلعبون ويستانسون

 

[مراسي الحب]

السلام بنات ....

شلونكم شاخباركم؟؟

ولهت عليكم

 

[مراسي الحب]

الزينة ... اذا مضطرة ... عطيها صناعي ... اهو ما يضرها .. بس اذا تاخذ 100% طبيعي احسن لها ... عفية عليج

 

[الشيخه فطامي]

سلام بنات بسألكم اللي ترضع عادي ترضع تيلها الدوره او بعدين ما تيلها
يعني تكون متقطعه مو منتظمه

 

[*الزينه*]

والله يا مراسي اني حدي تشيشت عالرضاعه الطبيعيه منج انتي بالذات

وعسى ربي يجزاج خير على اللي سويتيه فيني وفي بنتي :yaaaaaarb:

فعلا توني اعرف فايدتها

:eh_s(21):احبج في الله يامــــــــراســــــــي الحب :eh_s(21)::eh_s(21):

 

[*الزينه*]

بنات انا بنتي كل دقيقه تبجي وتبي حليب ؟؟

الرضاعه الطبيعيه احس ما تشبع البيبي صح ؟؟

لانه حيييييييييل خفيف

وبنتي خروجها حيييل ماي عادي هالشي ؟؟

 

[opera]

الحمدلله على سلامتي


انا رديت امس من السفر


والحمدلله الحمدلله بالسفر كنت اشفط مرتين باليوم وبس رديت البيت امس خذيت بدوري ولا اشوفه يقط نفسه على صدري ورضعته



وااااااي وناسه



بكمل انشالله لي سنتين رضاعه

 

[الشيخه فطامي]

اوبرا الحمدلله على السلامه شلون كانت السفره
انا الحين سلماني داش 4 شهور اسم الله عليه امس شريتله حليب صناعي لا او رحت صوب الاكل ادوره على شي حق بو 4 شهور ما لقيت
صار له يومين يفرفر من اليوع ما يكمل نومته من اليوع
صدري ما ييبس كلش حتى الصبح
او لمن يمص يبدي يعور لانه ماكو حليب فيمص او ماكو شي
قلت بدخله صناعي ضاق خلقي بس شسوي
او ببدي اعطيه شوي عصاير طبيعي يوعان حبيبي

 

[opera]

الله يسلمج يا الشيخه

السفره كانت حلوه ووناسه


بس فقدت بدران


في سيريال من ماركه اولكر اظن .. حق اليهال من 4 شهور ..

او انتي سويله بالبيت عيش ..


اذكر انا كنت اذوق بدور لمن كمل ال4 شهور وبعدين بال6 شهور وكلته

 

[lulu2009]

السلام عليكم ولدى عمره 4 شهور لما كمل شهرين دخلت صناعي s26
كان شحلوه يشربه بعدين فجأه صار ما يبيه الحين بس طبيعي و هل شي متعبني حييييل ودي ياخذ رضعه رضعتين صناعي ما ادري شسوى؟؟؟

 

[Espinoza]

قواج الله مراسي على هالموضوع والمعلومات الحلوة

وانا ناوية ان شاء الله رضاعة طبيعية بس صج يبيله ارادة

 

[وردة النرجس]

مرحبا ياحلوات

لنا بكل تعب إنشالله أجر مع هذا المولود الي يعتبر قطعه منج

وصج الحين بدت بنتي تبي تلعب بصدري وتتبوسم وتفر ويهي بس الحل أنج تخلين البيبي على صدرج ليما يكون حيل يوعان يعني صج لأن إذا

كان مويوعان وايد راح يلعب معاج وإنتي ترضعينه

 

[ام الونان]

انزين نبى كل وحده اتقول مواقفها فى الرضاعه الطبيعيه طبعا محرجه هههههه