الرضاعة الطبيعية .... جد واجتهاد

[opera]

شكرا لوكريسيا

والله يبلغكم بعيالكم

وتشوفونهم معرسين

 

[opera]

يا امهات

صج هالكثر منتثر مرض افلونزا الخنازير ؟؟

ولا بس حجي اعلام وجرايد ؟؟

 

[مراسي الحب]

اوبرا ... اهو منتشر بالعالم مو بس هني عسى ربي يحفظنا ويا عيالنا يا رب ... حتى الحضانة هونت ماني مودية نوني ... في حالات وايد اتصير خفيفة الواحد ما اتأثر على المريض ... بس اللي اصلا قابلين للمرض ومناعتهم ضعيفة يتأثرون فيه بشكل قوي ... والحافظ الله يا بنت الحلال ...

 

[بحر الغموض]

كل سنه وبدور بخير وسلامه

اي حبوبه ترى منتشر وفيه خوف بس الاعلام متحفظ يدري بالشعب الكويتي فيه طيره وخوف زايد لو سمع تاكيد
بس شوفي االرقام وحالات الوفاة بالنسبه لدوله بحجم دولتنا

لاتروحون لاماكن فيها زحمه حيل ولاتاخذون البيبيات معاكم
اليوم رحت مشوار وخليت ولدي مع الخدامه بالسياره وكل اشوي اطل عليهم وااتصل واقعد معاهم على ما يوصل دوري
يادوب 5دقايق وخلصت

 

[أم حيدر]

السلاام عليكم

والله يا خية اوبرا برنامجي برمضان مرهق - دوام من 9-3 ارجع البيت ابوس عيالي واذا كانت بتو ل متنحه مو راضعه ارضعها ، وادش المطبخ لحد وقت الفطور آكل لقمتي طيارة أصلي واجابل اليهال

والحمدلله مدام اهم بصحه وعافية كل شي يهون.

 

[بحر الغموض]

صباح الخير

الله يعطيج العافيه ام حيدر حبيبتي

 

[opera]

صباح الخير

يعطيكم العافيه كلكم

ويحفظ عيالكم يارب

 

[بحر الغموض]

صبحج الله بالخير اوبرا

تصدقون لو عندي وظيفه احسن

كل يوم قاعده مبجر

 

[opera]

ههههههههههه

بحوووره تقولين جذي


لو صج عندج وظيفه بتقولين ياليتني قاعده بالبيت

وقاعده مجابله ولدي

 

[بحر الغموض]

اكييييييييييييييييييييد بقولها وقتها
حتى لوماكان عشان الولد بقول عشان المخده حرام اخليها بروحها
هههههههههههههه

 

[بحر الغموض]

الا لغيت اسالكم
العمليه القيصريه تسبب غازات وانتفاخ في البطن

يعني ولدي صار 4 اشهر ونص اسم الله عليه
والغازات للحين تروح وترجع للعلم ماذكر اني اكلت شي يسبب غازات

 

[opera]

لا ماتوقع

!!!


لاني انا والده قيصريه


صج اول ايام اييي حتى عطوني حبوب فحم بالمستشفى عشان اخذهم


بس بعدها لا ماكان في شي


كلوووو طبيعي

 

[Q8_Rose]

السلام عليكم

موضعوج وايد حلو اختي مراسي يعطيج الف عافيه
انا عندي مشكله وطرحتها قثبل بس محد جاوبني بقسم الاسره قلت يمكن هني تساعدوني
ادري بتقولون حرام عليج وشتسوين بس انا والله اني مضطره اسافر بعد رمضان وولدي ارضعه طبيعي بس الحين لازم افطمه لانه ما اقدر اخذه معاي للاسف ونراح اهده شهرين او ثلاث فقرتت الحين طول فتره الصيام اني اعطيه صناعي وبعد الفطور ارضعه من صدري بس ما ادري هالطريقه صحيحه ولا لا اتمنى تساعدوني والمشكله انه صدري ييبس ويتحجر علي طول ما انا صايمه وكل شوي اشفط واشفط وتعبت من العوار والشفط وحليبي نفس مااهوا
شلون افطم ولدي لي قبل العيد ؟
بليز اللي بتقولي حرام عليج وانتي ماعندج قلب اتمنى ماترد لانه انا عندي قلب واحس بس طروفي شوي صعبه

 

[بحر الغموض]

كويت روز حياج الله معانا

اظن في حبوب تنشف الحليب تقدرين تسئلين دكتورتج او الصيليه
لاتشفطين وايد صرج لما يقل الرضاعه راح يقل بالتدريج
واذا خفتي ييبس سويله مساج وكمادات دافيه يخف التيبس
وترى انا اول مره فما اعرف بامور الفطام
بس هذه جم معلومه وعلى قدي
ان شاء الله البنات يفيدونج
وتروحين وترجعين بالسلامه وتقر عيونج بشوفته

 

[opera]

انا بعد ماعرف لانها اول سنه رضاعه وللحين مو ناويه افطمه

 

[ipink]

السلام عليكم
شلووونكم

اليوم مسويه طبق حلو يعني كاشخه طبعا انا نادرا ماادش المطبخ وان دشيست سويت حلو بس هذا اللي فالحه فيه لووول

بس مييته عطش وامس ماكله مستر سبزز يعطش الدياي حدي متحسفه عليه

 

[مراسي الحب]

حبيبتي كويت روز ... حياج الله ... انتي ام وعفية عليج رضعتي للحين

ليش ما تستغلين الحليب من صدرج الحين واتخلينه بالفريزر حق ولدج لما اتسافرين؟؟ وشوي شوي ترى يخف الحليب لما اتطوفين موعد الرضعة ... يعني على العيد ما راح يبقى وايد حليب ابصدرج اذا بتستمرين على جذي ... وآخر شي قبل لا تسافرين اخذي حبوب التنشيف ... بصراحة انا ما استعملتهم لأني اقلل تدريجي .. لين تبقى رضعة واحدة آخر اليوم ... وبعدين قطعتها ...

 

[مراسي الحب]

شغلة ثانية بس تأكدي قبل لا تسافرين ان الحليب اللي تستعمينها يوالم ولدج وما يسويله امساك ولا حساسية ولا اسهال ولا غازات ... يعني ما يتأذى منه علشان اتروحين وانتي مرتاحة والله يحفظه لج واتردين له بالسلامة يا رب ويعينج على فراقه

 

[Q8_Rose]

مشكووره اختي مراسي ماقصرتي يعني الحين طريقتي صح قاعد اشرب ولدي الحليب اللي اشفطه واعطيه صناعي مره ولا مرتين باليوم قمت اسوي جذي والحمدلله مشى معاه الحليب وتقبله يعني القصد انه يخف الحليب ىبكثره الشفط وانه ما اعطيه صدري بس الحليب اللي شافطته عادي ما ياثر موصح؟
الله يسلمج وماقصرتي

 

[مراسي الحب]

الحليب اللي تشفطينه حطيه بالثلاجة 48 ساعة او الفريزر مدة شهر ما يضره ... حاولي حتى اتقللين مرات الشفط باليوم علشان يخف انتاج الحليب ... يعني اول يوم 3 مرات بس خلي فجة بينهم ... ثاني يوم طولي الفجة ... ثالث يوم فجة أكبر ... رابع يوم خليها مرتين ... وجذي ...