الرضاعة الطبيعية .... جد واجتهاد

[مراسي الحب]

صبحكم الله بالخير امهات مجاهدات

ام بدوري .. بنتي اتحب مكان فوق حق التودلرز ... يلعبون فيه ... مغطى بالاسفنج علشان لما يطيحون ما يتعورون ... هذا اللي فهمته بس انا ما شفته

 

[مراسي الحب]

امس ركبت على الميزان ولا زايدة كيلوين ... ضاق خلقي ... صار فيني مثل ولادتي الاولى .. شحليلي مع النفاس اضعف ... اخلص وارد على لوية الحياة العادية ... ما اشبع نوم ... فتلاقيني آكل اشيا حلوة وايد ... علشان اظل صاحية ... والحين زاد وزني ... عاد بروحي يبيلي انزل ... لا والحين وراي سفرة لبنان هههههههههههه الحلو هناك مسكت

 

[أم حيدر]

مراسي لا تحاتين على سالفة الوزن كلنا بالهوى سوا ... كل ما ابدى حمية واحس ان الخليب خف بسبتها اكلتلي مصيبة ورجعت الوزن اللي نزلته
لايعه جبدي حملت 3 مرات ورا بعض وتخيلي عاد بس اقول ميخالف عشان خاطر بتولي خلتشبع من حليبي ولاحقة عالرجيم مثل ما نزلت قبل راح انزل بعدين باذن واحد احد

اوبار - غموضة وباقي الامهات صباح الخير

 

[opera]

هلا بنات شلونكم


واااااااااااي لا تييبون سيرة الضعف والرجيم .. ماني قادره انزل وزني ثابت خلاص مو راضي ينزل .. مابي شي بس اللي زدتهم بالحمال ابي انزلهم الحين صارلي تقريبا 11 شهر والده وللحين ماكو نتيجه

 

[مراسي الحب]

المشكلة انا بالنفاس نزلت تقريبا وزن الحمل كان باقي لي كيلو واحد الحين ردوا 3 بس تعب تعب ابي انااااااااام

 

[مراسي الحب]

ام حيدر بليز البيبي الياي اذا ولد سميه حمزة احب اسم حمزة

 

[أم حيدر]

مراسيييييييييييييييييييييييييي الحب

الحمدلله قفلت ماراح احمل بعد ، صبيين وبنية نعمة كريم ألف حمد وشكر

تعبت والدة مرة طبيعي ومرتين قيصري

 

[opera]

واااااااي كنت بسمي ولدي حمزه

بس تدرون ليش ما سميت


عندنا مصري بالدوام اسمه حمزه .. والهمدي اللي ويانه يناديه خمسه لووووووول لا ويتطنز عليه يقوله خمسه متى يصير سته :\


هندي ويستخف دمه

 

[opera]

مراسيييييييييييييييييييييييييي الحب

الحمدلله قفلت ماراح احمل بعد ، صبيين وبنية نعمة كريم ألف حمد وشكر

تعبت والدة مرة طبيعي ومرتين قيصري

انا انشالله ابي بعد ولد ثاني وبنيه تكون الصغيره عشان ادلعها اكثر شي

 

[opera]

الهمدي = الهندي

سوري عالبدليات :tomato2:

 

[مراسي الحب]

والله يا بنات انا الحمدلله ربي رزقني بنت وولد ... كان ودي يصير عندي 4 بس بصراحة مادري اذا فيني طاقة ... اول شي جنة ما يمدي هههههه يعني انا الحين 34 ... والله لا يحرم احد بس الحين وضعي غير مستقر ... يبي لي وقت علشان الاثنين يكبرون الله يحفظهم واقدر اشم نفس

 

[opera]

الحمدلله الولد والبنت نعمه

 

[مراسي الحب]

اي الحمدلله بس ودج زيادة الاهل نعمة .. باجر يصيرؤون بروحهم بالدنيا ما عندهم غبر بعض هذا اللي يعور قلبي

 

[بحر الغموض]

هههههههههههههههههههههه
ههههههههههههههههههههههه
ههههههههههههههههههههههههههه
ههههههههههههههههههههههههههههه

مت ضحك على سالفه خمسه متى يصير سته لوووووووووووووووول يحليله

 

[opera]

صباح الخير


امس رحت الافنيوز بشتري حق اخوي هديه متخرج ............ واااااااي زحمه مو طبيعيه

الناس كلها هناك


ماعرفت اشتري شي .. طلعت مو شاريه شي


بس تعشيت بمطعم ليل نهار اسمه

ماكان في احد بس انا و ريلي و بدووور

بدور شاف اللي تشتغل هناك بلمطعم ويبيها تشيله

تصدقون بدووري عباله كل الاسيويات خدامته .. اتوقع انه مايثبت كلهم نفس الشكل

 

[بحر الغموض]

صباح الورد

اوبرا انا امس بعد كنت بالافنيوز لاعت جبدي من الزحمه

وبصراحه مشيت وايد وكان معاي جيس حسيته ثقيل

قاعده احاتي لايكون ينزل رحمي احس بعوار بظهري

 

[opera]

وي وي

انتي باي شهر الحين ؟

 

[أم حيدر]

صبحكم الله بأنوار الرحمن

مراسي - على قولتج العيال عزوة بس انا ماقدر احمل بعد تعبت الله يحفظهم ياخذون عافية الواحد

اوبرا - ترى فعلا ولدج مايميز على باله كل الآسيويات خدامته حيدور لما كان بعمر ولدج وكنا نروح بيت اهل ريلي عاااادي تشيله اي خدامة اندونيسية بس اهل ريلي لاااااااااااا يقعد يبجي لووول

غموضة -بسج خوارة قعدي بالبيت

 

[opera]

انا لمن كنت حامل ووصلت الشهر السادس بس ماقمت اطب الافنيوز اتعب من المشي بالسوق

المشي بالسوق يتعب لانج تمشين وتوقفين وشوي يمين وشوي يسار وهالمحل وهذاك المحل .. غير عن المشي العادي

حتى السينما بطلت ادش لاني كنت اتعب من القعده مده طويله

والحين صارلي يمكن سنه مو داشه السينما

وكل مره احن على ريلي يوديني .. بس للحين مارحت

مو عشان شي بس مشتهيه النفيش مال السينما :dddds:

 

[أم حيدر]

اوبرا - غموض مو حامل شفيج خرتيها

بس لانها توها والدة قيصري تقولج ان المشي مو زين عليها