الرضاعة الطبيعية .... جد واجتهاد

[الشيخه فطامي]

اي بعد بقيت اقولكم ولدي لمن يرضع ينام بس احطه بسريره يقعد مادري ليش ؟

يعني فيه النوم بس احطه بالسرير يقعد شسوي؟

 

[لوكريسيا]

قوة بنات

انا سامعة بعد ان العدس يدر الحليب بس اكيد بيسوي عمايل من الغازات .. شي على حساب شي

أم حيدر بجرب نظامج و ان شاء الله يتحسن الوضع

 

[العاطفية]

مشكورة عالموضوع الحلوو..بغيت اسأل انا صارلي21يوم والدة وولدي ارضعه طبيعي بس لاحظت ان طلعت فيه حبوب بويها وصار معاه اسهال انتو بكرامه فبغيت اعرف صج نفسيتي اتأثر عالبيبي لان حده نفسيتي تعبانه واول مره بحياتي اتضايق جذي وظروفي صعبه ..حاولت اعطيه صناعي يشربه بس عقبها يبجي يبي صدري ومن اعطيه صدري ينام عدل ويرتاح حبيبي بلييييييييييييييييييييييييز ساعدوني

 

[الشيخه فطامي]

لوكريسيا شنو نطام ام حيدر ؟

 

[لوكريسيا]

فطامي أم حيدر تقول شربي سوائل فوقه فوقه ورى بعض .. ماي .. عصير .. حليب + عسل ... شوربة + انج تاكلين تمر مع هرده و سمسمية

 

[الشيخه فطامي]

لو كريسيا انا اول عشر ايام شربت شوربه عدس او كنت اشرب عصير برتقال فرش الحمدلله

بس الحين مافي شي احس صدري مفشووووووووووش حيل مادري شسوي

 

[بحر الغموض]

ام حيدر تنصح بعد بشوربه الدياي
وبسكوت جوز الهند
الرهش
التمر
ونسيت بعد شنو ياربي



شيخه فطامي اكلي وايد لاتخافين من زياده الوزن المقالي اهي تنفخ بس الاكل الصحي لاتخافين منه
كثري حليب
مرقه الدياي انا احبها بنفاستي وايد لما امي تفوح الدياي اقولها ابي من الماي الفوح جدا صحي
تمر كثري منه
لازم تاكلين وايد حبيبتي
انا مالي نظام بالاكل واكل احيانا مطاعم وبصراحه لي 4 اشهر ماتغير وزني ثابت تقريبا

 

[بحر الغموض]

العاطفيه
يمكن الحيب الصناعي اللي عطيتيه مو مناسبه
ولاتخافين على النفسيه ماكو اكثر من نفسيتي وقتها

بالعكس ترى الرضاعه تريج نفسيه الام وهذه حسيتها
اذكري الله وانتي ترضعين
واهتمي بالاكل الصحي لانه راح يوصل للبيبي من خلال حليبج

 

[B7BoOo7a]

السلام عليكم

شلونكم بنات ؟

انا ييت اهني بدعوه من حبيبتي بحر الغموض

واعاني من مشكله

الا و هي ان

بنووتي ما تبي ترضع من صدري ااذا كانت يوعانه وتبي المميه

وانصحتني جزاها الله خير بحر الغموض

بس ابي نصايح اكثر

الحين بنتي عمرها 23 يوم وباليوم تاخذ صدري بس مرتين ولا ما توقع تشبع نفسه منه

لان اذا ياعت تبجي حيل وتبي المميه

هل تعتقدون ان خلاص ما تبي صدري كلش ؟؟ ولا فيه أمل ؟؟

لان جد ودي ارضع لي سنتين والله ماكو على حليب الام

شنو تنصحوني فيه ؟؟؟

 

[بحر الغموض]

حبيبتي تحسين صدرج فيه حليب؟

يعني لو رعصتي سوري عالكلمه يطلع حليب؟

جربتي تشفطين بالشفاطه؟

اشلون اكلج؟

وماشاء الله تقولين ترضع مرتين يعني في امل حلو جدا
كم مره تاخذ حليب باليوم صناعي ؟

 

[B7BoOo7a]

اي فيه حليب لما رعص فيه حليب يطلع

واكلي مو زود صراحه

بس يعني وجبه وحده باليوم الرئيسيه

امي تسوي لي دياي مشوي او لحم هاذي الوجبه الرئيسيه

واكل سوالف والهرده والتمر

واي تسوي لي عصيده وكستر واشرب حليب واااااااايد

وجربت اشفط اول الايام لان كان صدري منتفخ حيل ويعورني ويدر ما شاء الله وايد

بس الحين فش وااااايد وما قام يدر بس لما ارعص يطلع حليب الحمدلله

وتاخذ صدري مرتين باليوم وما تشبع نفسها منه يعني تاخذه وبعدين لما تحس انها يوعانه وايد تصارخ وتبي مميه

وتاخذ حليب صناعي ممم 4 مرات يمكن او 3 لان امي تسوي لها تمره وتسوي لها سوالف اعشاب عشان بطنها وبس

الحين راح تقعد بعد شوي راح احاول اعطيها صدري كلش ما راح اسوي لها مميه ان شاء الله اقدر

 

[بحر الغموض]

حلو زين اكلج تقريبا

بس لا تعتمدين على وجبه رئيسيه وحده لازم 3 وجبات حبوبه

وبالنسبه للطفل ترى يبي يرضع وايد كل مابجت عطيها صدرج على طول

والحليب الطبيعي سبحان الله بسرعه يتهضم فتلاحظين بنتج ماتطول نص ساعه الا تبجي تبي حليب هذا طبيعي عطيها صدرج

اذا شربت صناعي راح تاخذ وقت على ماتيوع لان الصناعي ثقيل وهضمه ياخذ وقت فتشوفين بنتج كانها شبعت وتطول على ماتيوع

عطيها صدرج حتى لومابجت وايد لا تنظرينها تيوع حيل خليها تتعود عليه علشان لما يحكها اليوع تمسكه عدل وترضع

لاتعطيها سوالف وايد تمره واعشاب اخاف تمتنع عن حليبج

ممكن مره وحده باليوم اوكي

لما تقعد اخذيها لحضنج وعطيها حنان وقعدي جلسه مريحه وحطي مخدات لوحبيبتي

الحلمه مثل ماقلتلج خليها عند خشمها فوق شفتها العلويه راح تلاحظين تفتح حلجها حيييييييييل خليها اهي اللي تدور عليه وتمسكه وانت عاد ساعديها لما تشوفينها تحاول

ترى رضاعه الصدر تاخذ وقت اكثر من الصناعي
فطولي بالج لان الطبيعي يبي جهد من البيبي فيتعب اشوي وييبي يرتاح تحسبينها احيانا شبعت واهي تكون تبي ترتاح وبعدين ترجع ترضع

استمري حبوبه

 

[B7BoOo7a]

حاولت توني اعطيها من صدري

ما رضت كلش تاخذه و قامت تبجي واااااااااااايد

عوورت قلبي سويت لها مميه

 

[opera]

اي بعد بقيت اقولكم ولدي لمن يرضع ينام بس احطه بسريره يقعد مادري ليش ؟

يعني فيه النوم بس احطه بالسرير يقعد شسوي؟

الشيخه ترا ولدج مو قاعد ياخذ كفايته !!


انا اذكر ولدي لي اربعين يوم كان يرضع ساعه كامله .. يعني خليه على صدرج مو اقل من نص ساعه حتى لو شفتيه نام مو تشيلينه وتحطينه بالسرير لأ .. كملي رضاعه حولي تقعدينه .. بعدين لمن يرضع فوق النص ساعه حطيه بسريره


او يمكن يكون متعود على ريحتج !!


انا بدوري جذي قمت احط شيلتي بسريره وينام عشان فيها من ريحتي


بس انتي كثري من الماي والسوائل والرهش والسمسم ... ورضعيه مده اطول صج بتتعبين وانتي حاطته ساعه بس بترتاحين بعدين بتلاقينه ينام ساعتين متواصل

 

[opera]

مشكورة عالموضوع الحلوو..بغيت اسأل انا صارلي21يوم والدة وولدي ارضعه طبيعي بس لاحظت ان طلعت فيه حبوب بويها وصار معاه اسهال انتو بكرامه فبغيت اعرف صج نفسيتي اتأثر عالبيبي لان حده نفسيتي تعبانه واول مره بحياتي اتضايق جذي وظروفي صعبه ..حاولت اعطيه صناعي يشربه بس عقبها يبجي يبي صدري ومن اعطيه صدري ينام عدل ويرتاح حبيبي بلييييييييييييييييييييييييز ساعدوني

السبب يكون من اكلج .. لان الاكل يطلع بالحليب

 

[أم حيدر]

داده دودي - شلونج
ام خالد - مشكووووووورة على هاللنك الحلو

مريم - انا مو قلتلج لا تشفطين وايد لان الشفط الوايد يقلل الحليب - الحين مو مشكلة شربي سوائل واااااااااااااايد واحسن دافية ،اكلي رهش وايد وبسبوسة بعد اي شغلات فيها جوز هند ، ورجعي ص27 شوفي انا شكاتبة عن الشغلات اللي تدر الحليب

بناااااااااااااااات قريت معلومة يديدة ان الذرة والنفيش يزيدون ادرار الحليييييييييييب يله نجرب شورانا

 

[opera]

يا سلاااااااااااااااام

نفيييييييييييش


احبه واااايد


:ggdw: :ggdw: :ggdw: :ggdw: :ggdw:

 

[الشيخه فطامي]

بحووره او اوبرا مشكورين ما قصرتو

انا ماحاتي وزني بالعكس عادي عندي اكل بس نفسيتي تنسد مو نفس لمن كنت حامل يمكن هذا اللي مقلل الحليب عندي مادري

اوبرا ما قصرتي صدقين سويت اللي قلتي عليه او نفع الله يجزاج خير دنيا واخره

 

[أم حيدر]

فطامي - رجعي ص27 انا كتبت عن الشغلات اللي مجربتها وتدر الحليب ، وزيدي عليها تشريبة الدجاج والسبانخ والذرة. وبالنسبة حق سؤالج عن جدول الرضاعه - شوفي يا خية الرضاعه الطبيعية مالها وقت يعني الياهل ومزاجه بس المعدل الوسطي تقريبا كل ساعتين ، اما الرضاعه الصناعية شبه ثابته كل 3 ساعات.
وبالنسبة حق انج لما تحطينه بسريره يقعد في يهال وايد نومتهم خفيفة انا ولدي العود كان جذي وليومج عمره 3 سنين وبعده جذي ، بس انتي اهم شي تكونين متأكده ان شبعان وحفاظته نظيفة وغرفة النوم جوها هادي انسدحي ورضعيه البيبي يرتاح بهالوضعية وخليه يرضع ليما يغفى ويهد الصدر بروحه ونطريه بو 1/4 ساعه على مايغط بنومته بعدين حطيه بسريره.

 

[أم حيدر]

بحبوحة حياج الله ويانا نشجعج وتشجعينا

حبيبتي مبين ان بنتج تعودت عالممية لان البيبي الممية اسهله من صدر الام - شدي حيلج وتصبري ولا تيأسين قطعي عنها الممية بالوقت الحالي خيير شر وكل ما بجت تبي حليب عطيها صدرج حتى لو مافيه لان كثرة مص الياهل تييب الحليب واهم شي تكونين ريلاكس وخلال رضاعتها من صدرج خلي يمج عصير وماي وشربي وانتي ترضعينها ، واهتمي بريوقج وعشاج مو بس الغدا يعني الكورن فلكس مع حليب ييب الحليب ، حليب دافي وعسل ، رجعي صفحه 27 اقري انا شنو كاتبة ، وعسى الله يسخرلج بنتج ويزيد حليبج.