الرجاء الرد ضروووووووووري ..

[كويتية بالغربة]

انا صمت يوم قضاء وبعدين اضطريت وافطرت
و انا بحثت وعرفت انه مايجوز بس انا ماكنت ادري
واللي ابي اعرفه :
سمعت ان اللي يفطر يوم قضاء يصومه ويصوم معاه يوم ثاني يعتبر كانه افطر يوم جديد ...
صح هالفتوى والا لا ؟؟؟
الرجاء الرد بسرعة لاني بصوم الست ولازم اخلص قضاي اول​

 

[فروحة توحة]

مشاركة: الرجاء الرد ضروووووووووري ..

منو اللي قالج شالكلام اللي ما يدش المخ

غلط غلط غلط


قضاء واذا ما قدرتي تصومينة يوم ثاني

ولا تصومين معاه يوم ولا شيء

رمضان الى هوا رمضان ربنا ما عسره علينا
اذا فطرنا يوم فية
نقضية بس


والله اعلم

 

[حبنا الله عليه]

مشاركة: الرجاء الرد ضروووووووووري ..

لاحبيبتي المعلومه خطأ .. واللي عليج الدين فقط

 

[فروحة توحة]

مشاركة: الرجاء الرد ضروووووووووري ..

هذا اختي الرابط راح يفيدج

http://72.14.203.104/search?q=cache...content.cfm?id=2710+صيام+القضاء&hl=en&start=3

 

[كويتية بالغربة]

مشاركة: الرجاء الرد ضروووووووووري ..

مشكووووووووووووووووووووورة اختي فروحة توحة
وجزاج الله كل خير ريحتيني الله يريحج دنيا واخرة
ومشكووووووووووورة حبنا الله عليه

 

[[ . . Jee Jee . . ]]

مشاركة: الرجاء الرد ضروووووووووري ..




انا اعرف انه تقدرين تصومين ست شوال حتى لو عندج ايام دين يعني

لان السيدة عائشة ما كانت تصومهم قبل ستة شوال ، هذا كلام استاذتي مالة مادة " الثقافة الاسلامية "

لانه انا ايامي كثار وكنت خايفة ما الحق " حيل احاتي " قالت صح تقدرين تصومين ست شوال قبل

لكن الافضل والاحسن انج تصومين دينج قبل .


بالنسبة لكلامج والله ما ادري انا جنه سمعت نفس الحجي بس الحمدلله شكله طلع مو صحيح


مع التحية

 

[أمواج البحر]

مشاركة: الرجاء الرد ضروووووووووري ..

صراحة كلام يديد

والدين يسر مو عسر

عادي حبيبتي فطرتي هاليوم تصومينه بأي وقت

وما عليج شي ان شاء الله

 

[كويتية بالغربة]

مشاركة: الرجاء الرد ضروووووووووري ..

مشكووووووووووورين امواج البحر ونجمة على الاهتمام والتفاعل
وجزاكم الله كل خير