الذويقات شنو الجاكيتات اللي تنلبس فوق عباية الجتف

[أنا Top أنا]

رد : الذويقات شنو الجاكيتات اللي تنلبس فوق عباية الجتف

بالعكس روعه شكل الجاكيت فوق العبايه

انا العام شريت من نكست روعه لونه بنفسجي غااامج يهبل شكلي حتى بنات عمي راحوا شروا مثلي اللي ابيض واللي رمادي والللي اسود تكون خامتهم صوف خفيفه وما يتفخ بالعكس شكلج يصير روعه ..وبعد من محل بسوق شرق والله نسيت اسمه اظن انوتا او اللي يمه ماذكر همن شريت جاكيت رمادي رووووعه كلهم غوامج طبعا " عشان يمشون مع لون العبايه .. واختي شرت بنفسجي غامج كمه ثلاث ارباااع روعه من دبنهامز شرق ... انتي روحي بس افتري شوي تلقين اللي يعجبج صدقيني .. ..

قود لوك

 

[MyLittleBerry]

رد : الذويقات شنو الجاكيتات اللي تنلبس فوق عباية الجتف

الشال اذرب وخصوصا اذا كان ماركه

 

[عاشقه مودي]

رد : رد: الذويقات شنو الجاكيتات اللي تنلبس فوق عباية الجتف

هلا اختى


اللى قالوا هلاقه يمكن ماشافوا شي سنع
انا شفت بنات لابسين عبات وعليهم جاكيتات وايد حلوه
هالنقطه مو على الكل بعض
يعنى اللى تعرف ترتب وتعرف شنو اللى يلوق لها
البنت الشاطر هي اللى تعرف تلبس نفسها شي
بسيط ومرتب ويناسب عمرها وجسمها

انا شفت جم موديل بحطهم لج تاخذين فكره

واذا عجبج اي شي من هالصور تقدرين تشترين خام وتودين خياط شاطر
وان شاء الله ملبوس العافيه


بس عفيه بنات لا تخوفون الشتاء بلبسكم
هههههههه
ويصير فينا نفس العام
ماشفنا شتاء ولا برد


موفقه يا الغلا

,


,



والله أنج صح أسم الله عليج
الي تقول هلاقه ما عندها سالفه والا مو شايفه شي سنع

فديتج أنا عن تجربه بالشتا جاكيت ( ذربه ) كشخه و يدفيني بعد وأستايل والله قمه بالنعووومه
و نفس الصور الاولي نفسها بالضبط أنا جايبتها من لندن و المانيا و تركيا قمه بالنعومه والذرابه نفس الصور الاولي ..


بتحصلين نفسهم بزارا و غيره من المحلات فديتج

,

,

 

[معاني الود]

العام شريت عبايه من محل عبي بالمثنى نسيت اسمه تسويهم للشتا مبطنين بمخمل وايد حلوين و راقيين
اهو بالمثنى فووق كلش

الله يعافيج بجم عباياته وين مكانه بالضبط

 

[اهواك بلا امل]

انا اماحب شكل العباية وفوقها جاكيت بس اذ انتي ماتهتمين بالشكل
افترى بالسوق وجربي واكيد بتلقين شى مرتب وحلو

 

[*+ شـــهـــد +*]

رد : الذويقات شنو الجاكيتات اللي تنلبس فوق عباية الجتف

بصراحه مو حلو ابدااا الجاكيت مع العبايه ..:cxxxp:
لو مهما كان كشخه راح يخرب شكل الجسم
حلات العبايه مع شال كشخه .. و مو شرط شال اسود
اختاري اي لون .. ونفس لونه خلي لون الجنطه والساعه والخاتم
شكلج بيصير واايد حلو وراااقي ومرتب .. :rerrerek:
واذا الشال ما يدفيج لبسي تحت العبايه بدي متين واندر وير .. وبس

 

[Laidy n3ooma]

رد : الذويقات شنو الجاكيتات اللي تنلبس فوق عباية الجتف

افضل الشال

 

[شمرية مزيونة]

احب ارد على الموضوع مو هلاقة البنت تلبس فوق العباية عادي وايد بنات يلبوس جذيه ويبدعون بالجاكيتات اللي يلبسونهم وعيب انج تقولين هيلقي بالعكس هذا تغير البنت ماعرضت على لبس الشال لا قالت تحب تغير وتلبس جاكيت وحبت تاخذ رايكم بالموضوع وتعطونها افكاركم بس مانرد بالطريقة هذي انا وحدة من الناس البس العباية وعليها جاكيت والصغير والبلوفر الصغير ولا ملوت زارا التونز الحين منزلين منهم طويل من الشتا اللي طاف عادي اذل لبست فوق العبية جنها لابسة نفنوف اسود طويل وفوق جاكيت صغير ولا طويل والوان اللون اللي تبينه يمشي مع عباية سودة بس حلاته العباية اسود سادة انا البس جذي وبالدوام البنات يسألون عن العبايات وعن كل شي البس واسفة اذا جرحت وحدة فيكم