الذويقات شنو الجاكيتات اللي تنلبس فوق عباية الجتف

[Flower20]

السلام عليكم
ابي اعرف اشكالهم وخامتهم
شفت وايد بنات لابسين جاكيتات طويلة ذربة الشتا الي طاف مع العباية بس للاسف ما اتذكر اشكالهم عدل

ولاني زهقت من الشال ابي اغير بجاكيتات مرتبة ويكون شكلها حلووو مع العباية مو اوفر :23_asmilies-com:

وابيهاا سودة طبعا

ابي رايكم يالذويقات وياليت مع صور لاني اخاف اخورها بالسوق واشتري شي اتحسف عليه:sfg:

 

[MoonDiamond]

صبري شوي وبتنزل جكيتات حلوه
انا عندي جاكيتين من زارا كل واحد احلى من الثاني ورزه حدهم
وشاريتهم من سنين

وان شاء الله بتلاقين طلبج

 

[Flower20]

رد : الذويقات شنو الجاكيتات اللي تنلبس فوق عباية الجتف

مشكوورة حبوبة
ياليت اذا عندج صور لهم حتى لو من النت

 

[<miss botamba>]

الصراحه مو حلو الشكل عبايه وجاكيت

اما تلبسين لبس يدفي من تحت

او تخيطين لج عبايه الي خامها ثقيل

او تلبسين اوفر اول

 

[al7lwa` `]

العباايه ماينلبس فووقها جاكيت!

شكلج بيسير ×

 

[Flower20]

رد : الذويقات شنو الجاكيتات اللي تنلبس فوق عباية الجتف

امممم سبحان الله الناس اذواق

بصراحة خايفة من برودة الشتاا هالعام لاني امرض بسرعة والشتا الي طااف توهقت بالشاال
وثاني شي
انا عصلة واذا لبست اشياء وايد تحت العباية يبين علي منتفخة ومو طبيعية لووووووول

شكلي بفصل عبااية خامتها ثقيلة مثل ما قلتوو

ثانكس ع الردود *_^

 

[القرآن ربيع قلبي]

ماعليج من الموضه
اهم شي لي استبردتي تدفي عدل
اصلا مو حلو تلبسين تحت العبايه بتنتفخين
انا البس شالات
او البس بلوفرات
او بالطواسود مخمل لي الركبه تقريبا
وموفقه

 

[<miss botamba>]

لبسي الاندروير الشتوي شدعوه ترا يدفي انا البسه بره اذا سافرت بس برد الكويت مو مال كلش
لول مو اسكيمو

واتوقع لو تلبسين ٢ فوق بعض مراح يبين لانهم خفاف حيل
شوفي ملوت مارك سبنسر وايد يدفون

 

[toto2006]

العام شريت عبايه من محل عبي بالمثنى نسيت اسمه تسويهم للشتا مبطنين بمخمل وايد حلوين و راقيين
اهو بالمثنى فووق كلش

 

[Flower20]

رد : الذويقات شنو الجاكيتات اللي تنلبس فوق عباية الجتف

مشكووورين حبايبي

القرآن ربيع قلبي
حبيبتي البالطو المخمل الطويل
من وين شريتيه

 

[توووووووتا]

رد : الذويقات شنو الجاكيتات اللي تنلبس فوق عباية الجتف

العام مسويا عند السعيد اللي بالديرة صوب الصرافين مابقى احد ماسالني عنه طويل سادة بس خذيت رمادي غاااااااااااااامج وحمواتي استخفو علية وخامتة كنها جوخ الخفيف بس صراحة ذرب على العباية يمكن ب25

 

[الحزينة دوماً]

الغالية ممكن تلبسين
مثل هالستايل بعد

[/url][/IMG]

 

[عيش و مرق]

رد: رد : الذويقات شنو الجاكيتات اللي تنلبس فوق عباية الجتف

العام مسويا عند السعيد اللي بالديرة صوب الصرافين مابقى احد ماسالني عنه طويل سادة بس خذيت رمادي غاااااااااااااامج وحمواتي استخفو علية وخامتة كنها جوخ الخفيف بس صراحة ذرب على العباية يمكن ب25

كنت داشه اقولج عن السعيد يسويهم روعه عندنا حتى خالاتى حريم كبار يلبسونهم بسفر بره :tek:

 

[رحيق الورد]

رد: رد : الذويقات شنو الجاكيتات اللي تنلبس فوق عباية الجتف

كنت داشه اقولج عن السعيد يسويهم روعه عندنا حتى خالاتى حريم كبار يلبسونهم بسفر بره :tek:

عفية شنو عنوانه و مكانه بالضبط ..

و شنو اهو محل خياط ولا شنو ..

و عساكم عالقوة ..

 

[معكرونه أسبكتى يم يم]

رد : الذويقات شنو الجاكيتات اللي تنلبس فوق عباية الجتف

خيطي عبايه ثجيله احس شكل العبايه مع الجاكيت كلش مو حلو

 

[orangeya]

اب

 

[krkooora]

موحلو عبايه و جاكيت صراحه هلاقه و ترقيع و لا تزعلين

 

[<miss botamba>]

عبايات السعيد بالمباركيه عند الصراريف

مادري معروف ماله عنوان

واهوا محل عبايات بس اكثر شي مشهور فيه عبايات الراس

وجم مره خيطت عنده عبايات حق العمره زينين خاماتهم لا باس فيها

والجاكيت الجوخ الي عنده مادري مو مال طلعه انا كنت مسويتلي واحد حق الشاليه ومو حلو مع العبايه لان فيه قبعه من ورا

بس روحي شوفيهم يمكن يعجبونج

 

[خبز تنور]

لا بالعكس منو قال هلاقة والله انهم في بنات يلبسون جاكيتات رزه فوق العباية يهبلون وانا ماخذه من فور افر العا روعه اشوي عليه البسه فوق عبايه الجتف مو طويل لي الوسط بس عجيب ولونه اسود ساده قمة الانوثه ويصلحلج لانج ضعيفة يطلع شكلج واو

 

[ArEEj]

رد : الذويقات شنو الجاكيتات اللي تنلبس فوق عباية الجتف

الجاكيتات الحلوين قصتهم فوق العبايه من زارا و h&m
ومو هلاقه ولا شي
دفي نفسج