الذهب والمجوهرات بدبي.......وجم سؤال بليز لاتخلوني

[دلوعة حسّون]

السلام عليكم ورحمة الله وبركاته
هلا فيكم احلة كويتيات
ان شاء الله بخير ونعمة
والله يديم علينا الاعياد والافراح يااااااااااااااااااااااااااارب
بنات انا بعد جم يوم بروح دبي ان شاء الله باخذ ليجم يوم ويا ريلي وبرد قبل العيد الوطني
وانا اول مرة اروح لدبي وابي استانس وعندي جم سؤال
اول شئ الذهب بالكويت احلى ولا بدبي يعني عندهم شئ مميز ماشفتوه بالكويت ولا ماتستاهل السالفة اخذلي ذهب من دبي
ثاني شي عشان ماحد يجص على العطورات اغلى من الكويت ولا الكويت اغلى وشالعطور المميزه عندهم يعني الموجود اهناك مو موجودبالكويت والبخووووووووووووور لا تنسون شالبخور المميز إذا بتعرفون
ممممم وبعد ابي محلات حلوووة للملافع والعبي يكون عندهم اشياء سمبل مابي فيها زينه ابدا
وبعد ابي اعرف منكم يا احلى خوات اماكن رومانسيه هااااااادية للحين ماعندي اولاد ادعولي بالذريه بس ابي اعيش حياتي ويا ريلي والله كنت ضايق خلجي بسبة مصر والحين مستااااااااااانسه وابي اعيش احلى يومين
واخر سؤال وما تضحكون علي هههههههههههههه
صراحه خاطري اكل بكنتاكي وما احب اكله بالكويت اعوذ بالله يبط الجبد وسمعت من بنت انه بدبي غير كلامها
صح ولا مافي داعي مابي اعور بطني وابط جبد الريال ويشوفله واحده تونسه هناك هههههههههههههههههه
الله يساعدكم يارب ساعدوني وما تتأخرون علي
ناطرتكم​

 

[دلوعة حسّون]

ويننننننننننننننننننننننكم بنات
18 مشاهده ولاواحده ردت​

 

[sondos]

رد : الذهب والمجوهرات بدبي.......وجم سؤال بليز لاتخلوني

الذهب في دبي رووووووووووووووعه فى شغلات نفس الكويت وفي شغلات غييير ......روحى سوق الذهب القديم اللى فى سوق نايف ....احلى ذهب في دبى والبحرين ......ولما تكاسرينه يحسبلج المصنعيه بسعر حلو ....احسن من الكويت