(( الديكوباج ))

[froha83]

اصور وانزل الصور بس نطريني بالويك اند انشالله

 

[فطومه]

اوكى بعد قلبى فى انتظارج

 

[om-HaSsoOon]

مشكوره تسلم ايدج على هالموضوع

 

[BADDORAH"81]

مرحبا
اولا: راح اسميكم فتيات الديكوباج
ثانيا: بس عندي سؤال صغير عن الصور اللي نستخدمها يعني نستخدم صور معينه او خامه معينه وله عادي اي صوره تعجبني من الجرايد و المجلات اقدر اشتغل فيها
سؤال صغير ثاني: عندي تكرمون كبت صغير حق الجواتي اقدر اسويله ديكوباج اهوه اصلا مصبوغ لون اخضر (فهل) اقدر اشتغل عليه وله لا واذا حطيته بره في الشمس ما يخترب
(لاحظوا ان كل هذي اسئله صغيره)
ولكم منا جزيل الشكر وعظيم الامتنان ومع اسئله اخرى

 

[princess89]

روووعه

الله يعطيج العافيه

 

[alolo]

حطوا صورة الصمغ والورنيش لو سمحتوا

 

[raw]

شوقتوني
ودي اسوي مثلكم
انا اشتغل مع بنتي شغلات يدويه بمسدس الشمع هذا حدي شباصة والا تاج
بس عشان اهي تتونس معاي
والحسن شوقتوني ع الديكوباح
اول مره اسمع فيه

الحين ودي اشتغل معاها بس ع البسيط
عندي غرا وفرش
بس الاسفنجه نوع معين والا يصير مالت المواعين؟ وهل تستخدم ناشفة والا مبلوله؟
وشنو ممكن اشتغل علية بس يكون متوفر عندي بالبيت كبداية بس وبعدين اروح للخشب والفخار

وان شاء الله اوريكم شغلي انا وبنوتي الله يحفظها

 

[فطومه]

alolo
........اصورهم واعرضهم لج


raw
هلا والله ........الاشغال اليدويه متنوعه وياكثرها وخاصه اللى تكون المواد متوفره عندج فى البيت اوفر
بالنسبه للديكوباج هو فن حلو ومتشعب.........الاسفنجه ممكن تستغنين عنها اذا كنتى دقيقه بشغلج وممكن تستخدمين اسفنجة المطبخ الناعمه
موالخشنه.........تكون ناشفه لانج فقط تحتاجينها علشان تمشين الغرا الزايد اللى يطلع من اطراف الصوره........فى البيت ممكن اذا عندج كراتين...قطع خشب ...الكروت....الصوانى.. البيض....الحين بوريج شوية شغلات بس خل انزلهم

علب البهارات

hgl,hudk

المواعين

العلب الكرتونيه

القراش الفاضيه او البطول

 

[فطومه]

هذا الجلو ........الغرا.............ايطالى الصنع......200ملم

هذا الجلو للخشب والكرتون والقماش

هذا الكراكل(مادة التكسير)

 

[mi corazon]

الاشياء المعرضة للرطوبة تحط فوقها طبقة ورنيش بعد ما تجف

يعطيج العافية خيتو

اذكر خالتي كانت تشتغل بهالسوالف وايد

يسلمو

 

[raw]

حبيبتي فطومه مشكورة ع الرد السريع

ان شاء بتعلم واوريكم شغلنا انا وبنتي بعد ما تخلص
من امتحاناتها

بس مو تضحكوووووووووون

ترا كلش ما اعرف شي

 

[زيـטּ عَبْس]

ماشاء الله

مميز

 

[Al Atwan]

فن الديكوباج انا دارسته وماخذه دورات بره الكويت
الديكوباج اكثر من خطوه وبعدين الغراء مو اي غرا غرا خاص بالديكوباج علشان مع الوقت ما يسوي عفن وهذا عن تجربة انا مره استخدمت غرا عادي الشغل اخترب وبعدين في مادة تسوي تكسير مثل الصورة الورديه اللي حاطتها
انا اشوف فن الديكوباج فن التكسيرمعاه
وفن الديكوباج يسمونه في الفقراء لان هالطبقة كانت تعيد القطعة القديمة مره ثانية وباسلوب الديكوباج
والحين صار هالفن منتشر باوربا والمواد الي انا اشتريها والله مكلفة حيل حتي لما ابيع حق زبايني اسعاري مو رخيصة بس الزبون عنده نظر وهاند ميد وشي راقي ولان استخدم كل المواد الديكوباج

 

[Al Atwan]

علي فكرة انا بس اول صفحة شفتها بي لاحظت في الصفحات الاخيرة حطيتي الغرا الخاص بالديكوباج وحتي مادة التكسير
بس في علبة ثانية للتكسير وتصير انبوبتين مع بعض هذا اللي عارضته شوي صعب علي البنات انهم يستخدمونه انا اللي صار لي اسنين ايدي بالالوان اول ما استخدمته وايد صعب بغيت ابكي لاني دافعه فلوس وماخذه دوره بس بهالمادة بس الحمد اللة ضبطه
ا

 

[فطومه]

بعد روحى تسلمون على الردود اللى تعطينى دافع

raw
بعد روحى شاكره مرورج مره ثانيه للموضوع.....ومثل ماقلت لج اى شى تسوينه راح يطلع من ايدج حلو انتى وبنيتج الله يحفظها

Al Atwan
حياج الله بعد قلبى.......احب استفيد من خبرتج.اول شى وين ماخذه دورة الديكوباج...وهل فى شى يديد ممكن تضيفينه يثرى الموضوع؟

يالنسبه لمادة التكسير اذا ممكن اسمها او صورتها اذا اسهل ليش لا ؟ خل استخدمها فعلا مادة التكسير شوى تبط الجبد بس مره عن مره الواحد يضبطها

واذا عندج صور لاعمالج ترى صج صج شوقتينى...واحب اشوفج مره ثانيه فى الموضوع

 

[ريحانة_14]

Al Awtan

حبوبة تقصدين في مادرة التكسير الأنبوبتين إللي إهي

step 1
step 2

?????

ثاني سؤال ياقلبي .. بما إنج ماخذه دورات بره الكويت .. الديوكوباج والألوان طبعا ماتضبط على الأسطح البلاستيكيه بالمررررره

لا ألوان الأكريليك .. ولا ألوان الغواش

بس ماجربت غيرهم .. فشنو الألوان والـ glue المناسب للبلاستيك ؟؟؟

وحياج الله

 

[BADDORAH"81]

مساء الخير
اشدعوه فطومه رديتي علىalolo وraw وخليتيني

 

[فطومه]

addorah

addorah

addorah
هلا هلا هلا هلا وغلا

بعد قلبى اسفه جدا مانتبهت..... اعذرينى اختى

الحين راح اجاوبج حبيبة قلبى.........ممكن تستخدمين اوراق الجرايد وانا فعلا احبها بس لان لها تاثير معتق حلو

وتقدرين تستخدمين كلمكسات اعياد الميلاد لكن شيلى الطبقه السفلى لانه يكون طبقتين

وفى ورق تغليف الهدايا عم ممكن تستخدمينه
وفى ورق يسمونه ورق الارز احنا اهنى بالكويت ماله اسم معين بس يكون الله يسلمج ورق خشن شوى هم نستخدمه بتغليف الهدايا
وفى ورق ينباع جاهز بالمكتبات للديكوباج شي بدينار وشى بسبع اميه وخمسين وفى بدينار وسبع اميه وخمسين والحين احط لج بعض الصور

ورق الارز

ورق الجرايد

مناديل اعياد الميلاد

ان شاء الله موزعلانه

 

[raw]

فطومه يعني اروح المكتبة وأقول له عطني
اوراق ديكوباج؟
والــ glue سويت سيرتش ولقيت مطفي ولماع خاص للديكوباج
وبعد باليوتيوب لقيت افلام روعه
هالشغلات موجوده بالمكتبات العاديه والا اطلب من برا؟
وعلى فكرة مثل ما قلت لج انا قصدي مو تجاري بس للتسلية
تسوا اطلب من برا لاني ما احب الدوخه والفرارة بالمكتبات؟

وشكرا على هالموضوع الرائع اللي فعلا شد انتباهي

 

[رائعة]

يعطيكم العافية