الدويسان لوزير الداخليه : مافعله رجال الأمن بساحة الاراده فضيحه كبرى !!!

[ورع البدو]

لي عوده

 

[ورع البدو]

بنات انا ملاحظه بهل منتدى جم وحده تكتب ولمن تشوف رد ما يعجبها تقول انتوا طلعتوا بره الموضوع وسووتوه طائفي بس الشرها مو عليهم على الي يمشي وراهم ويمسح الردود انا طفح الكيل فيني بالظلم الي اشوفه بهل منتدى حق ناس وناس واتوقع ردي راح ينمسح مثل كل مره

مدري والله شقول

اذا فيه مشكله دزي للمشرفه يا عمري , شدخل هالكلام بموضوعي !

الموضوع بصوب وردج بصوب لدرجة حسيت إني داخله موضوع ثاني

وإذا أنتي معلقه على الموضوع ومسحته المشرفه والله مدري عنكم , أنا توني داخله وأحترم كل الردود المحترمه فقط واللي ما تسيء لأحد

والمشرفه كاتبه محد مسح ردج ! شسالفه ؟

أخاف أنتي بتردين على موضوع ثاني ودخلتي بالغلط على موضوعي , ع العموم حياج الله :eh_s(17):

 

[ورع البدو]

بهذي ما غلط الريال ،،، هالناس الفسقانين مو مجبورين يتيمعون بعز الحر محد طقهم على ايدهم ،،لكن البدون مظلومين طلعو عشان يطالبون بحياة كريمة ،،بس الداخلية يوزعون عصير على هذول و يطقون هذول ؟؟ انتي من صجج؟؟ ترا الظلم ظلمات يوم القيامة الله يستر عالديرة من حوبة هالبدون ...

و بالعقل لو يبي يتكسب جان كشت بالبدون لانه مالهم صوت انتخابي و اهمه الفئة اللي مالهم لا حول و لا قوة

بالعكس النواب يتكسبون بقضية البدون عشان اذا صار تجنيس كل البدون يصوتون له
وعشان فيه كويتيات عيالهم بدون
يعني في الحالتين هو ربحان

وأقصد بكلمة يتكسب انتخابيا من الكويتيين مو من البدون ! لأن هناك فئة تكرررره المتظاهرين بساحة الاراده وتؤيد أي شخص يشتمهم أو يصرح ضدهم

يعني ربحان بالحالتين


اذا انتي تشوفين ان الاربعين ألف كويتي وكويتيه من كتاب وسياسيين ومثقفين وسنه وشيعه وحضر وبدو كلــــــــــــهم فسقه !! ومأيده كلام الدويسان فبصراحه لااااااا تعلييييييق

مع اني مع أحرار الاراده قلبا وقالبا ولا أرضى أحد يتكلم عليهم ولو بشطر كلمه! لكن راح أحترم رايج وأنتي حره وأنا حره

حياج الله

 

[ورع البدو]

حياكم الله جميعا

 

[فـــخـــر]

امنيتي المنتدى يمنع المواضيع السياسيه لانه اعتقد انه اجتماعي مو سياسي

وجد جد هالمواضيع لا فايده ولا عايده هواش على قِل سنع


* اتمني ماتزعل صاحبة الموضوع هذا رايي

 

[دآنة آلرشآيده]

الدويسان يدور الفتنه بالعكس تصرفهم راقي
ويشرف التصريح ماله داعي

 

[سحرني حلاها]

تصريح مالى داعي ​

تصرف الأمن راقي يعني لوو طقوهم بيستانس وهمم ابناء الكويت ورجالهم
غريبه شلون يهدد ويتوعد كانه خاش لنا شيء ​

مظاهره سلميه وبساحة الاراده مافيها اي سب ولا شتم وتصير باكبر الدول واصغرها بعد
مفروض ما يشحن النفوس ويكون رده لبق وارقى من جذي ​

الكويت مو قسمين لييه يبون يخلونا اكثر من جزء وطائفه
يبا احنا بروحنا الكويت صغيره ما نستحمل نتقطع ​

وليه فضيحه كبرى تصرف الداخليه !!
يبيهم يستخدمون اسلوب القمع يعني !
وهذا وهوو تفكيره كما يدعي متحرر ​

شيء مضحك مبكي ​

الله يستر عليج ي الكويت ​

كفوووووووو والله هذا الرد ولا بلاش جزاج الله خير وياها بكل كلمه :eh_s(15):

 

[صمت المرافئ]

بهذي ما غلط الريال ،،، هالناس الفسقانين مو مجبورين يتيمعون بعز الحر محد طقهم على ايدهم ،،لكن البدون مظلومين طلعو عشان يطالبون بحياة كريمة ،،بس الداخلية يوزعون عصير على هذول و يطقون هذول ؟؟ انتي من صجج؟؟ ترا الظلم ظلمات يوم القيامة الله يستر عالديرة من حوبة هالبدون ...

و بالعقل لو يبي يتكسب جان كشت بالبدون لانه مالهم صوت انتخابي و اهمه الفئة اللي مالهم لا حول و لا قوة

انت تشوفين 40 ألف كويتي فسقانين
علشان مو عاجبتهم أحوال البلد واللي قعد يصير فيها !!!!
عجبي ؟؟؟؟
وبعدين القانون يكفل لهم حرية التعبير بوطنهم
أما غير الكويتيين سواء بدون أو من الجنسيات العربية
ما يحق لهم القيام بالمظاهرات لأنها مخالفة للقانون شاء من شاء وأبى من أبى
علشان ما يسببون شوشرة وقلاقل بالبلد
خاصة ان أحوال البلد ما تسمح ... وكافيها الأوضاع اللي تمر فيها
نتعاطف معاهم نعم ... لكن مع ذلك لا يحق لهم بالقيام بالمظاهرات
وهذا القانون مو مطبق بالكويت بس علشان تقولين ظالمين
مطبق بكل دول العالم
​

 

[ام حمادنه]

الله يعين الشيعه عليه والله عله الله بلاهم فيه طائفي راعي فتنه

احنا الحمدالله فتكينا منه

على قولة بوانور لو تام سني ابركلنا خخخخخخخخخخخخخخخ

 

[ReD&FoSHia]

الدويسان امره غريب
مو قالو انه الرصيف اللي طق النواب السابقين و انه قوات الامن ما سوو شي ؟؟
وانه النواب السابقين اهم اللي تهجمو على الامن ؟؟؟
ليش الحين يبيهم مايوزعون عصير
وبعدين ترا هذي اوامر جابر المبارك
فيها شي ؟؟؟

 

[ReD&FoSHia]

البدون مادة غنية
خصوصا في ضوء رغبة الشعب في الحل الثاني لمجلس 2009
فا لازم قضية البدون اتكون المادة الجميلة و الوتر المعزوف عليه

 

[ترف بابا]

ياااااوييييه!!

منهم رجال الامن اللي يقول عنهم - هم الشعب مو جايين من القمر

تعليقه ماله داعي ومحنا في حاجته اصلا - عجبي!!

 

[فطوم 84]

ماشالله وايييد هامينه البدون يدافع عنهم.
الواحد فيهم. اذا. انحل المجلس يصير حقاني ويدافع عن البدون ليش تستخدمون القوه ضدهم ولسانه شطوله. وحقاني

خل يمسك الكرسي. يصير همه بس نفسه


عجيب الدويسان. احلي شي فيه انا مايتذكر انه شيعي ويحب اهل البيت ويعشقهم. الا قبل. الانتخابات. والله. لاعبها عدل علي الشيعه
مشكله شلوووون يصدقونه. ماني عارفه
مو فايدهم بشي. بالمره


والحين موعاجبه يبي القوات تطق الشعب

اقول ابلع العافيه بس

حلاتك ساكت خخخخخ


استغفر الله واتوب اليه

 

[✿¸3ώẪṧĤ»]

تصريح مآله دآعي

يووزعون عصير و لآ مآيوزعون مآخذين من فلوسك ..؟

مأذينك بشي ؟

و لآ بس تبي تبرز نفسك و تثير طآئفيه ..؟


​

 

[انسام الكويت]

يحليله ايام اول كان يقدم برامج بالإذاعة الكويتيه المشكله مادري شلون كنت أتابع برنامجه بالإذاعة وأشارك معاه ههههههههه

لكن حاليا الريال صار واحد ثاني كلش ما يعجبني منطقه وكلامه عموماااااا الأمن ماسوا شي وزعوا عصير ماوزعوا شي جايد استغفر الله

بعدين يعني لازم الأمن يطقون ويضربون الكويتين عشان اهو وغيره يستانسون والله محد خله هذول يتكلمون الا من عقب سالفة ديوان الحربش

خلاص يبون اي شي يصير لازم دايركت ينطق الشعب حلووووه هاذي اهم شي ابو الفاكسات يكون راضي عن اللي قلته ههههههه

 

[p!nk!a]

انسام الكويت تدرين ليش صار واحد ثاني ؟! راح ايران وانغسل مخه

 

[ورع البدو]

مشكورين ع المرور

 

[نمله ذربه]

خل يستريح بس

 

[دعابة الشـتاء]

[font=&quot]اهم شي هل قال التصريح باللغة العربية الفصحى؟؟[/font]
[font=&quot] [/font]
[font=&quot]فضيحة كبرى هاه وينك عن اعتداء الامن على الناس [/font]
[font=&quot]الحين صار دورهم السليم فضيحة كبرى انت ممثل عن الشعب والا ممثل عن الحيوانات !!![/font]
[font=&quot]غريب هالانسان متناقض ...[/font]
[font=&quot] [/font]

 

[ورع البدو]

نمله ذربه
حياج الله
والله يرزقج الذريه الصالحه


دعابة شتاء
حياج الله
اي الدويسان يحب اللغه العربيه خخخ حتى له تصريح يقول (يشيب راس الياهل) ههههه
شلون راس الورع يشيب مدري !