الدوره وايد متأخره

[the note book]

السلام عليكم

بنات انا شهر 2 تأخرت كنت حامل و اجهضت الحمدلله

اضهجت بتاريخ 10/2

و عقبها قمت امنع بالواقي قلت عقب ما تييلي الدوره اشوفلي صرفه حبوب اولولب المهم

صار 10/3 انطر الدوره ما نزلت

اسبوع اسبوعين ثلاث و الحين يالاسبوع الرابع مانزلت

شريت تحليل مع انيكنت واثقه اني مو حامل لان كله واقي طلع ماكوو حمل الحمدلله

شريت الحبوب اللي تنزلها ابيها تنزل بس رفيجتي خرعتني قالت يمكن مووزين

انا مادري شسوي بطني صاير شكبره منها

شالدبره!

 

[ملكه الحطب]

اللي اعرفه انه الحبوب اللي تنزل الدوره اذا كان حمل اتثبته واذا مافي تنزل الدوره

فسوي تحليل ثاني او حللي دم لانه حيل متاخره عليج

ومبروك مقدما

 

["*آآآنؤؤؤقهـ*"]

مالج الا تحليل الدم الهرمووني


انا توي هالشهر بحملي اللي اجهضته تاخرت اسبوعين لاتحليل بيت بين ولا تحليل دم عادي بين


مااابين كلش الا بالهرمووني



الله يكتب لج اللي فييه خييير

 

[كميثره]

مالج الا تحليل هرموني

 

[المكسيكيه]

سوي تحليل هرموني وفكي عمرج

 

[فرااااولة]

روحي الطبيب
لاتسوين اي شي بدون استشارة الطبيبة
وخل تعرف سبب تاخرها

 

[فرفشه منعنشه]

حبيبتي سوي التحليل الهرموني ويارب خييييييييير ^_^

 

[ÃL5jÔōlâ]

اب
اب
اب

 

[أحبج يمه]

روحي الطبيب احسن

لا تاخذين حبوب تنزلها من نفسج
ما تدرين يمكن في حمل بس مو مبين

 

[أنفاسي دخون]

سوي سونار اذا فيه حمل يبين كيس الجنين واذا ما فيه حمل اخذي اي شي ينزل الدورة

اهم شي تتطمنين

 

[the note book]

مشكورين وايد بنات انا اخاف فيني جيس لا سمح الله

 

[❤لحد يشوفك❤]

حتاً انى ما يتني انا احدعش و الحين خمس و عشرين ما يتني عمري ثلاث تعش انا عزباء شسوي

 

[noo7a]

اذا واثقه انج مو حامل
يمكن تكون لخبطه هرمونات لان انا جذي اعتفست دورتي فوق تحت بعد ما اجهضت
والله يعوضج خير حبيبتي

 

[موجة ~ بحر]

راجعي الدكتورة تطمني