.. الدوره الشهريه ..((شاركووونا ولا اطنشونااا))

[طويلة البال]

السلام عليكووووم

شنونكوم ؟؟ وشخباركووم؟؟

طيبين ان شاء الله ..عسى..


الموضوع عن شنو الاشياء اللي لازم نتجنبها أيام العاده ..يعني شنو ناكله وشنو ماناكله ايام العاده؟؟ كل وحده تقول لنا ..لا شرفت خالتي وخالتج (( العاده )) شنو تشربين ؟؟ شنو تاكلين؟؟ ولا عااااااااااادي ..أي شيء؟؟

بنااات سمعت انه الدارسين موزين حق البنت ؟؟ صج ولا ؟؟

شااااركووونا ولا اطنشوناااا


ترى ما ادري اذا مكان هالموضوع اهني ولا هناك ..السكمووووحه​

 

[@ الرسامة @]

ينقل للقسم المختص

 

[شادية]

اختي الدوره مهم فيها الغذاء السليم والابتعاد عن الغازات

 

[بنـت الكويت]

للاسف انا اذا كانت علي الدوره ماالتزم بشي

وهذا اهي شهر تنزل وشهرين لأ

 

[[ . . Jee Jee . . ]]

لول حصه ياسر ضاري .. ام عباس << تعددت المسميات والهم واحد !!

آنا بعد مطنشة بس اعرف انه المشروبات الغازيه مو زينه

توقف الدورة ..

وفي اعشاب تنزل الدم كله مثل المرمرية ..


بس والله آنا من قلب معطتها طاف وما اهتم !


ومثل بنت الكويت يطوف نص الشهر ما تشرفني​

 

[ياحلاتي قمر]

والله خوش موضوع

انا الي اعرفه ان البندول يوقفها وانا كنت دايما من يعورني بطني اخذه وبعدين توقف يوم وترد تنزل ولا ادري شالسالفه عبالي اهيا جذيه لمن اكتشفت السبب:eh_s(1):

الللبن يقولون هم مو زين بس انا اموت عاللبن وخصوصا وقت الي تييني ( كل ممنوع مرغوب)

اممممم جاي الدارسين يخفف العوار بس مادري اذا كان زين والا لا

وبعد كله أسال بس انسى شنو الزين وشنو الي موزين

عموما الاشياء البارده مو زينه وهم الهوا البارد لازم مايحوشج


وسلامتكم وماتشوفون شر:eh_s(7):

 

[لعيـــ ترخص أرقاب ـــوني]

الغــازيات ,, والعــلج ,, والرقــي ,, واي شــي بــارد امممم

وبعــد فيه اشيــاء شكثــر انا عنــد امـي نسخـه من كتــاب فيــافي اللي بعالم حــواء

وبعــد مكتوب بالكتـاب نظام غذائي للي معاها الدوره انا بصرااحه مو ويه اطبق

هالنظام خل امشي ع الرجيم بالأول ,, بس والله يـابنات امـي حيــل استفادت من الكتاب

واحنــا العــايلـه كلهــا هـابين فيـه ماتلقين وحـده الا وعندها نسخه ,, <<قصة حياتهــا

السموحه ع الأطاله ومشكووووره العوبه

 

[ام_بدر]

لاتشربين البيبسي والسفن وامثاله شربي زعتر مرميه ماي دافي لبسي سروال طويل ودلاغاات ارفيجاتي كلهم ايقولون لي جذي وانا ولا عل بال والله امشي حافيه بالسارميك ولا دلاغ ولاهم يحزنون بس حلو الالتزام ان شاء الله بلتزم واطبق كل شي زين ومفيد للدوره

 

[صمت الهدوء]

و الله خوش موضوع اللي أعرفه ان المشروبات الغازية و اللبن و الرقي و الهوا البارد ولاتمشين حافية وتلبسين ملابس خفيفة

 

[Cadburya]

قوة حبوبات ...

شوفوا .. أول شي لازم أيام الدورة دايما تكونين متدفية .. و متكمكمه هيهي..

و بعدين ممنوع البارد و ممنوع المشروبات الغازية ..

و الحوامض و الأشياء اللزجة مثل البامية ممنوعة ..

و كثري من الدارسين و الزعتر و هالسوالف .. و آخر الأيام إكلي رشاد مع تمر .. و سلامتكم هذا اللي أعرفه :eh_s(8):

 

[وهــج]

وييييييييييييييي


البيبسي وشلته هذي مالنا غنى عنها

الدارسين وايد زين لأنه ينزلها,,عرفتتيّ؟؟

 

[bnt q8 in usa]

شوفي اهم شي تعتنين بنفسج بالدوره حق بعدين لي تزوجتي وحتي المتزوجه

ايام الدوره ال3 شربي دارسين وزعفران وميراميه وزعتر

ابتعدي عن الحوامض والبيبسي والباميه والايس كريم

وعلي فكره تري ضروري الاعتناء ايام الدوره حتي حق الرجيم لانه اذا مانزل الدم عدل جسمج يشيل وصاخه

اكلي حسو جان تبينه او عجوه

 

[جوهره الكويت]

موضوع حلوووو ..

ومثل ماقالوا البنات المشروبات الغازيه مو زينه كلش بأيام الدوره وهم بعد الليمون والبرتقال والحوامض بأنواعها هم بعد مو زينه للدوره ولازم تاكلين مو زين الريجيم بأيام الدوره واي شي بارد لاتشربينه شربي اي شي حااار وشربي جاي دارسين واااااايد زين للدوره ...

مشكووره حبوبه عالموضوع ...

 

[أأثير]

اول يومين شربي حلبه مع زنجبيل وبعد اليومين اشربي عالريق ميرميه وزعتر وآخر يوم اكلي تمر مع رشاد........هذي طريقتي بالدوره وماشيه عليها بس الغازيات مااشربها ابد,,,,,,,,,

 

[Q8_GIRL2]

هاى حبيبتى جربى دارسين لعوارها

مجرب :eh_s(18):

 

[Strawberry Flower]

شربوا زعتر وهم شربوا دارسين بس لا تكملون كل الايام بالدارسين يقولون مو زين يعني بس اول يومين دارسين واكلوا تمر وايد زين

طبعا انا غرامي الكاكاو وقت الدوره
بنات انا مره سمعت رفيجتي تقول ان اهي وخواتها في وقت الدوره يسخنون البيبسي ويشربونه تقول يخفف العوار !!!! مادري شنو صحة هالحجي بس ولله في خلقه شؤوون

 

[حلاها بلاها]

الجرجير وايد زين .. يخلي الدم غزير اول يومين و باقي الايام ماكو.. او خفيفه جدا