آسيااا
New member
- إنضم
- 22 أبريل 2007
- المشاركات
- 1,690
- مستوى التفاعل
- 0
- النقاط
- 0
الله يسلمكم حبيباتي كويتيات هذي القصه امارتيه روعه لدرجه صرت ارمس(اتكلم) اماراتي انش من ارقادي ( اقعد من النوم ) وانا مو ناقصي إلا الجنسيه الاماراتيه
وهذا الجزء الاول واتباعه اتمنى تعجبكم
الدنيا يا خلي مدرسه وسنين عمرنا حصص الالم
شخصيات القصه:
عائلتين .. متناسبين ... وهم
عايلة بو عبدالله
زوجته أم عبدالله وعندها 3 أولاد وبنتين
عبدالله (بوسالم) ماخذ شيخه بنت سيف وعيالهم هم سالم اللي يدرس في أمريكا ومنصور عمره15 وشمسوه عمرها 19 سنه وتدرس فالجامعه
وولدها الثاني راشد ماخذ سلامه بنت سيف وعيالهم علي 23 وحصوه 24 وحمدوه 19...
بنتها الأولى موزه ماخذنها واحد من أهلهم وعندهم ثلاث بنات عفاري 19 سنه لطيفه 17 سنه وساره ثلاث سنوات وولد واحد
وأصغر واحد من عيال أم عبدالله عمره يمكن 20 اسمه حارب مب معرس وأمه تبغي تخطب له بنت خالته
********
عايلة بو حمد..
زوجته الأولى أم حمد وعندها ثلاث بنات وولد واحد
اللي هم
سلامه وشيخه معرسات ماخذينهم عيال بو عبدالله
وحمد زوجته أمنه بنت بو عبدالله عيالهم هم عويش 19 سنه... خليفه18سنه... راشد15 سنه وريموه آخر العنقودعمرها 3 سنوات..
*****
ومن الزوجه الثانيه عنده بنت وحد اللي هيه العنود18 سنه
ويدتها أم غيث تحبها وايد ..وعندها ولدين وبنت
جاسم .. غيث.. ونوره..
****
اخت أم عبدالله ميروه.. عندها بنت تدرس فالجامعه اسمها ميثوه
الجزء الأول
** آه يا دنيا ضعنا في دربك وتهنا والقدر محتوم ومن غدرك شربنا **
فتحت عيني وركزت نظري للسقف أفكر... كل اللي صار قاعد يمر جدامي ... فلم كامل للشهراللي طاف... خلاص هذا آخر يوم لي في هالبيت بطلع منه وهالشي مب بكيفي هذا المقدر والمكتوب لي اني أعيشه في هالدنيا.... قمت ودخلت الحمام شفت شكلي في المرايه بصراحه عيوني خلاص صارن كور سود من كثر اليصاح أحس نفسيتي زفت.... طلعت من الحمام وطلعت من حجرتي بكبرها مشيت في الممر وأحاول قد ما أقدر ما ألف صوب الغرفه.... طلعت من الممر ودخلت الصاله كل شي على حاله ما تغير شي.... وقفت فتره أتأمل المكان شفت الريوق مكانه والمسجل يشتغل أحمد العجمي يقرا قرآن البيت نظيف ومرتب كل شي حسب ما تعودت أشوفه يوم أنش الصبح الا شي واحد شي واحد من راح غير مجرى حياتي كلها خلف وراه جرح مستحيل يبرى خلف وراه حياه يديده خايفه منها مجهوله بالنسبه لي بس مجبوره عليها ومالي بد منها هالشي هو وجود الوالده توفت وخلتني في هالدنيا وحيده مالي حد ليتج شليتيني يا أمايه وياج ليتني ما عشت هاليوم ولا شافته عيني ليش خليتيني... ليش؟.... ليش؟ آآآآآآآآآآآآآآآآآآه يا ربي ترحمني يارب بس لو كان هالشي حلم أصحى منه ويردني للواقع للواقع اللي كنت عايشه فيه من قبل ... قطع تفكيري منصور ولد اختي شيخه عمره 15 سنه
منصور: خالوه شو فيج
العنود: هاااه لا ماشي متى نشيت ؟
منصور: توني .... تعالي بنتريق
العنود: لا فديتك ما أشتهي انت تريق
منصور: إذا ما ييتي أنا ما بتريق
العنود: منصور عندي شغل وايد اتريق انت
منصور: خالوه أنا يوعان إذا ماييتي أنا ما باكل شي
ابتسمت أدري ما بيخليني الا لين أتريق... منصور غلاته غير وأدري اني أنا غاليه عنده من رديت من المستشفى عقب ما توفت أمايه وهو عندي في البيت ما رد بيتهم ويدتي أم أمايه بعد ما روحت من البيت الا أمس ولا تدري اني بت في البيت بروحي ويا منصور والا بتجلب البيت عليه .... يلسنا نتريق صب لي كوب حليب وعطاني اياه
منصور: تعرفين عنادي أتمنى لو تين تسكنين عندنا ما تسيرين بيت خالي حمد
العنود: مايصير يا منصور أنا ما برتاح في بيتكم عشان أبوك...وبعدين مب من بعد المدى
منصور: حتى بيت خالي حمد بصراحه عموه آمنه نحسه
العنود: منصور شو هالرمسه
منصور: خلاص ما قلنا شي
سكت عني منصور ويلس يتريق .... منصور يستوي ولد اختي وعندي أخت ثانيه اسمها سلامه وأخويه حمد كلهم أخواني لكن من أبويه أنا وحيدة أمايه توفي أبويه من سنتين ومن شهر لحقته أمايه وليتها شلتني وياها..... استغفر الله العظيم ..... أدري ان حرام أقول هالكلام بس شو أسوي صرت وحيده في هالدنيا.... حمد أخويه ما بيقصر ويايه بس ما أدري أحس اني بكون غريبه في بيته حرمة أبويه ما أتوقع اييني شي منها بس المشكله الكبيره في حرمت حمد أحسها ما تستلطفني ما أدري ليش .. تمنيت اني سرت ويا يدوه أمس بس عقب الاجتماع اللي صار بين أخويه حمد وخالي غيث وعمي سالم استقروا اني أتم ويا حمد ... حمد مارضى أعيش في بيت يدوه وخالي خضع لهاشي عقب موت أدري كان يباني أكون وياهم بس حمد مستحيل يغير رايه لأن أبويه وصاه عليه قبل لا يغيب ... وهوه لا خليت منه من عقب ما غاب الوالد ما خلاني أحتاج شي ويتم أي شي في خاطري ... عمي محمد ما علق بيني وبينكم أحسن ... عمي انسان ما همه غير نفسه في هالدنيا وما أشوفه الا من عيد لين عيد وأحياناً تخطف أعياد ما أشوفه ..... قطع تفكيري حمد أخويه كان فاتح باب الصاله
حمد: السلام عليكم
العنود+ منصور: وعليكم السلام
وقفنا سلمنا عليه أنا ومنصور
العنود: حياك حمد قرب
حمد: جريب فديتج .... رتبتي أغراضج
نزلت راسي يلس عدالي ولف ايده على جتوفي من ورا وجربني منه
حمد: عنودي غناتي كل انسان هذا مصيره وهالضيج ما أبغي أشوفه على ويهج عشان خاطري
هزيت راسي وما قدرت أرمس وخايفه دموعي تطيح
حمد: أنا خليتج أمس ويا منصور وتعرفين اني خليتج وأنا مب مقتنع الا عشانج كنتي مضايجه وافقت لج على هالشي
العنود: مشكور أخويه
حمد: أغراضج كلها رتبيها وطرشيها ويا الدريول وانا بيي عقب ما أطلع من الشركه وبشلج ويايه
العنود: انشالله
منصور: أنا بساعدها
حمد: يا بعدي ولد راشد ريال ما تقصر
العنود: حمد.. لامي وسليم وين بيسيرون
حمد: سليم بنخليه حق العزبه ولامي بنسفرها
رفعت راسي وبنظرة ترجي قلت له
العنود: حمد أبغي لامي ما أبغيها تسافر
حمد: ليش ؟
العنود: أنا بكون عندكم مستحيل أأمر على البشاكير عشان جيه أبغيها اتم وأنا بدفع لها معاشها
رفع حمد عينه بنظره حرقتني
حمد: العنود أنا مب عيزان عنج وعن معاش بشكارتج الا خمسميه هن وجانج تبينها بنخليها
العنود: اسمحلي حمد ومشكور ما تقصر
حمد: أنا قلت حق آمنه تخلي البشكاره تنظف لج الحجره والحجره اللي فاضيه عندنا هيه اللي تحت عدال حجرة أمايه
العنود: مشكور
حمد يبتسم: يالله أنا بسير تامرين على شي
العنود: تسلم فديتك
وهذا الجزء الاول واتباعه اتمنى تعجبكم
الدنيا يا خلي مدرسه وسنين عمرنا حصص الالم
شخصيات القصه:
عائلتين .. متناسبين ... وهم
عايلة بو عبدالله
زوجته أم عبدالله وعندها 3 أولاد وبنتين
عبدالله (بوسالم) ماخذ شيخه بنت سيف وعيالهم هم سالم اللي يدرس في أمريكا ومنصور عمره15 وشمسوه عمرها 19 سنه وتدرس فالجامعه
وولدها الثاني راشد ماخذ سلامه بنت سيف وعيالهم علي 23 وحصوه 24 وحمدوه 19...
بنتها الأولى موزه ماخذنها واحد من أهلهم وعندهم ثلاث بنات عفاري 19 سنه لطيفه 17 سنه وساره ثلاث سنوات وولد واحد
وأصغر واحد من عيال أم عبدالله عمره يمكن 20 اسمه حارب مب معرس وأمه تبغي تخطب له بنت خالته
********
عايلة بو حمد..
زوجته الأولى أم حمد وعندها ثلاث بنات وولد واحد
اللي هم
سلامه وشيخه معرسات ماخذينهم عيال بو عبدالله
وحمد زوجته أمنه بنت بو عبدالله عيالهم هم عويش 19 سنه... خليفه18سنه... راشد15 سنه وريموه آخر العنقودعمرها 3 سنوات..
*****
ومن الزوجه الثانيه عنده بنت وحد اللي هيه العنود18 سنه
ويدتها أم غيث تحبها وايد ..وعندها ولدين وبنت
جاسم .. غيث.. ونوره..
****
اخت أم عبدالله ميروه.. عندها بنت تدرس فالجامعه اسمها ميثوه
الجزء الأول
** آه يا دنيا ضعنا في دربك وتهنا والقدر محتوم ومن غدرك شربنا **
فتحت عيني وركزت نظري للسقف أفكر... كل اللي صار قاعد يمر جدامي ... فلم كامل للشهراللي طاف... خلاص هذا آخر يوم لي في هالبيت بطلع منه وهالشي مب بكيفي هذا المقدر والمكتوب لي اني أعيشه في هالدنيا.... قمت ودخلت الحمام شفت شكلي في المرايه بصراحه عيوني خلاص صارن كور سود من كثر اليصاح أحس نفسيتي زفت.... طلعت من الحمام وطلعت من حجرتي بكبرها مشيت في الممر وأحاول قد ما أقدر ما ألف صوب الغرفه.... طلعت من الممر ودخلت الصاله كل شي على حاله ما تغير شي.... وقفت فتره أتأمل المكان شفت الريوق مكانه والمسجل يشتغل أحمد العجمي يقرا قرآن البيت نظيف ومرتب كل شي حسب ما تعودت أشوفه يوم أنش الصبح الا شي واحد شي واحد من راح غير مجرى حياتي كلها خلف وراه جرح مستحيل يبرى خلف وراه حياه يديده خايفه منها مجهوله بالنسبه لي بس مجبوره عليها ومالي بد منها هالشي هو وجود الوالده توفت وخلتني في هالدنيا وحيده مالي حد ليتج شليتيني يا أمايه وياج ليتني ما عشت هاليوم ولا شافته عيني ليش خليتيني... ليش؟.... ليش؟ آآآآآآآآآآآآآآآآآآه يا ربي ترحمني يارب بس لو كان هالشي حلم أصحى منه ويردني للواقع للواقع اللي كنت عايشه فيه من قبل ... قطع تفكيري منصور ولد اختي شيخه عمره 15 سنه
منصور: خالوه شو فيج
العنود: هاااه لا ماشي متى نشيت ؟
منصور: توني .... تعالي بنتريق
العنود: لا فديتك ما أشتهي انت تريق
منصور: إذا ما ييتي أنا ما بتريق
العنود: منصور عندي شغل وايد اتريق انت
منصور: خالوه أنا يوعان إذا ماييتي أنا ما باكل شي
ابتسمت أدري ما بيخليني الا لين أتريق... منصور غلاته غير وأدري اني أنا غاليه عنده من رديت من المستشفى عقب ما توفت أمايه وهو عندي في البيت ما رد بيتهم ويدتي أم أمايه بعد ما روحت من البيت الا أمس ولا تدري اني بت في البيت بروحي ويا منصور والا بتجلب البيت عليه .... يلسنا نتريق صب لي كوب حليب وعطاني اياه
منصور: تعرفين عنادي أتمنى لو تين تسكنين عندنا ما تسيرين بيت خالي حمد
العنود: مايصير يا منصور أنا ما برتاح في بيتكم عشان أبوك...وبعدين مب من بعد المدى
منصور: حتى بيت خالي حمد بصراحه عموه آمنه نحسه
العنود: منصور شو هالرمسه
منصور: خلاص ما قلنا شي
سكت عني منصور ويلس يتريق .... منصور يستوي ولد اختي وعندي أخت ثانيه اسمها سلامه وأخويه حمد كلهم أخواني لكن من أبويه أنا وحيدة أمايه توفي أبويه من سنتين ومن شهر لحقته أمايه وليتها شلتني وياها..... استغفر الله العظيم ..... أدري ان حرام أقول هالكلام بس شو أسوي صرت وحيده في هالدنيا.... حمد أخويه ما بيقصر ويايه بس ما أدري أحس اني بكون غريبه في بيته حرمة أبويه ما أتوقع اييني شي منها بس المشكله الكبيره في حرمت حمد أحسها ما تستلطفني ما أدري ليش .. تمنيت اني سرت ويا يدوه أمس بس عقب الاجتماع اللي صار بين أخويه حمد وخالي غيث وعمي سالم استقروا اني أتم ويا حمد ... حمد مارضى أعيش في بيت يدوه وخالي خضع لهاشي عقب موت أدري كان يباني أكون وياهم بس حمد مستحيل يغير رايه لأن أبويه وصاه عليه قبل لا يغيب ... وهوه لا خليت منه من عقب ما غاب الوالد ما خلاني أحتاج شي ويتم أي شي في خاطري ... عمي محمد ما علق بيني وبينكم أحسن ... عمي انسان ما همه غير نفسه في هالدنيا وما أشوفه الا من عيد لين عيد وأحياناً تخطف أعياد ما أشوفه ..... قطع تفكيري حمد أخويه كان فاتح باب الصاله
حمد: السلام عليكم
العنود+ منصور: وعليكم السلام
وقفنا سلمنا عليه أنا ومنصور
العنود: حياك حمد قرب
حمد: جريب فديتج .... رتبتي أغراضج
نزلت راسي يلس عدالي ولف ايده على جتوفي من ورا وجربني منه
حمد: عنودي غناتي كل انسان هذا مصيره وهالضيج ما أبغي أشوفه على ويهج عشان خاطري
هزيت راسي وما قدرت أرمس وخايفه دموعي تطيح
حمد: أنا خليتج أمس ويا منصور وتعرفين اني خليتج وأنا مب مقتنع الا عشانج كنتي مضايجه وافقت لج على هالشي
العنود: مشكور أخويه
حمد: أغراضج كلها رتبيها وطرشيها ويا الدريول وانا بيي عقب ما أطلع من الشركه وبشلج ويايه
العنود: انشالله
منصور: أنا بساعدها
حمد: يا بعدي ولد راشد ريال ما تقصر
العنود: حمد.. لامي وسليم وين بيسيرون
حمد: سليم بنخليه حق العزبه ولامي بنسفرها
رفعت راسي وبنظرة ترجي قلت له
العنود: حمد أبغي لامي ما أبغيها تسافر
حمد: ليش ؟
العنود: أنا بكون عندكم مستحيل أأمر على البشاكير عشان جيه أبغيها اتم وأنا بدفع لها معاشها
رفع حمد عينه بنظره حرقتني
حمد: العنود أنا مب عيزان عنج وعن معاش بشكارتج الا خمسميه هن وجانج تبينها بنخليها
العنود: اسمحلي حمد ومشكور ما تقصر
حمد: أنا قلت حق آمنه تخلي البشكاره تنظف لج الحجره والحجره اللي فاضيه عندنا هيه اللي تحت عدال حجرة أمايه
العنود: مشكور
حمد يبتسم: يالله أنا بسير تامرين على شي
العنود: تسلم فديتك
