الدمعه المغروره

[احكي يا شهرزاد]

شلونكم حبيباتي شخباركم اليوم ما اقدر انزل بارت بس باجر ان شاء الله راح انزل

 

[شقآوه أنثى]

حرااااااااااااام داااااانه لا
جان ام يوسف ولا انتي
خنت حيلي على يوسف المسكين ما تهنى كلشششششش

كملي حياتي بإنتظارج​

 

[بقايا قلب مجروح]

سلااااام
شلونج حبيبتي شهرزاد
اول شيء سامحيني من زمان مو داشه المنتدى
وو اول ما دخلت قريت روايتج
الروايه حدهااااا وااااااااااااااااو
ام يوسف الله ياخذها عيوز النار
دانه يا قلبي عليها تعور القلت الله يرحمهاا
يوسف الله يعينه على فراق دانه و يخلي له بنته
بو يوسف يعجبني لما يزف ما يوسف و يجعمهاا
امم اتوقع يوسف ما يتزوج بعد موت دانه
ووبس
نااطرينج

 

[احكي يا شهرزاد]

حبيبتي بقاي قلب مجروح شلونج حبيبتي ومشكوره على ردج الحلو

 

[برنسس أوراق]

يلا شهزراد وين البارت
ناطـــــرين

 

[احكي يا شهرزاد]

هلا والله حبيبتي الحين نازل البارت

 

[برنسس أوراق]

يــــــــــلا

 

[احكي يا شهرزاد]

الدمعه الحاديه عشره


في المقبره ​

دخل يوسف المقبره وقرا الفاتحه على روح دانه والحزن بعينه

دخل سيارته وبدا يتذكر شلون تعرف عليها وشلون كان شهر عسلهم واول ما درى انها حامل بمشاعل اه صج السنين تركض بسرعه مرت 19 سنه


بيت يوسف


غرفه مشاعل

مشاعل : عمرها 19 سنه تشبه امها بس عكسها تماما تحب تلبس وتكشخ وشخصيتها غير راح تعرفون مع احداث

دق باب الغرفه
​

مشاعل بنفس : نعم خير

دانه : ممكن ادش

مشاعل : اف دشي

دانه : عمرها 18 سنه واهي اخت مشاعل من ابوها طيبه وحبوبه حيل تدرس في كليه الطب

دانه : مشاعل اليوم بنروح بيت يدتي ما راح تيين

مشاعل : انتي قلتيها يدتج مو يدتي يدتي ماتت الله يرحمها من زمان انا مالي شغل

دانه : في احد يبج تيين هناك

مشاعل منصدمه : منو ان شاء الله

دانه : بدر يبي يشوفج

مشاعل : عشتو والله انا ما ابي اروح عاد بدر ويييييييييييييييييييييييع

دانه : شفيه بدر خريج امريكا واهو احسن محامي وخوش ريال

مشاعل : اقول دانه اذا عاجبج وايد تزوجيه انا ما ابيه اف

دانه : خلاص خلاص

مشاعل : ولا تدرين راح اروح اليوم

طبعا عقب وفاه دانه ام يوسف ما صدقت وبسرعه نامت براس يوسف وتزوج وحده من اختيار امه بس مرته حنان وووووايد طيبه قدرت ظروف يوسف وكان حملها بدانه غلطه وما يابو عيال من عقبها


الام : يالله يا بنات راح نتأخر

البنات : ان شاء الله يما

وانزلو الصاله وكانت ام يوسف بالصاله

دانه : شلونج يما

ام يوسف : هلا هلا والله بحفيتي

مشاعل قاعده اطالعهم

ام يوسف : انتي هني من متى

مشاعل ما ردت عليها وحست حنان ان ام يوسف قاعده اتضايقها

الام : شعوله حبيبتي انا نسيت بوكي بداري يبيلي ياه

مشاعل : ان شاء الله

طبعا خلال 19 سنه ام يوسف تعامل مشاعل بجفاف وما تحبها واول ما كملت 7 سنين قالتلها ان حنان مو امها وانها ماتت وكانت تقول لها انها تكره امها وتحب دانه اكثر منها


مشاعل بقلبها : هين انا اراويج من زمان انتي تعامليني هل معامله بس صبري علي بنت دانه تعلمج الادب

انزلت مشاعل الصاله

مشاعل : يالله تأخرنا اي انا بروح بسياره وانتو سياره لاني ما راح اطول هناك

ام يوسف: وليش ما تروحون بسياره وحده

مشاعل : هذا مو شغلج وابوي راضي لا تدخلين

ام يوسف بعصبيه : صج ما تستحين على ويهج

مشاعل : يالله مالي خلق حجي عيايز يالله يما تاخرنا

 

[احكي يا شهرزاد]

ان شاء الله يعجبكم البارت علق علي 4 مرات والحين اضبطت وسوري على التأخير وابي توقعاتكم حبيباتي

 

[برنسس أوراق]

واااي ونـــــــأسه بدأ الحماس
يوسف بعد عمري كسر خاطري أول ما توفت دانو
بس مشاعل حلاتها عجبتني بردها على أم يوسف العوبه
اللي الله يورينا فيها يوم
وعلى سالفة التعليق الله يعينج وععع تصير معاي مرات لما أنزل بارت حق االبنات
وبث لول ناطرينج

 

[احكي يا شهرزاد]

شلونج حبيبتي مشكوره على تعليقج واي ما شفتي شي منها القادم اعظم

 

[احكي يا شهرزاد]

شلونكم حبيباتي الحين بنزل البارت

 

[PriNceSs RoRa]

نآطرينج حبيبتي :*

 

[احكي يا شهرزاد]

الدمعه الثانيه عشره ​

الكل استغرب من رد مشاعل على يدتها وطلعو برا

الام : ليش رديتي على يدتج جذي مهما كان هذي امج الكبيره

مشاعل : لا تقولين امي الكبيره انزين امي الكبيره ماتت من زمان

الام بحزن : خلاص خلاص يالله انا ماشيه قبلج

مشاعل : اوكي

وركبت سيارتها الكاين وبدت تحط حمرتها الحمرا وكان لبسها نفنوف اسود لي ركبه وجزرام احمر كانت بسيطه بس جميله بنفس الوقت وبدت تحط الاغاني الاجنبيه وانقطع اندماجها صوت رنه التلفون

مسيفه اسمه القثيث وردت عليه : خير نعم انا مو قتلك خلاص اللي بينه انتهى

المتصل : سمعيني انا احبج وما اقدر استغنى عنج

مشاعل بضحكه استهزاء : اقول حبيبي كان غيرك اشطر وان دقيت على هل رقم مره ثانيه والله اوديه الشرطه سامع

المتصل : بس يا دلال انا احبج

وسكرته بويهه

مشاعل : قطيعه ويع شنو هل ادمي لزقه هذا ما شاف ويههي واستخف عيل لو شافه شنو يصير فيه

ووصلو بيت اليده ودخلو وكان بدر ناطرها

بدر : هلا بالزين كله هلا بمشاعل

مشاعل : هلا والله فيك شخبارك

بدر : انا اللحين زين مدام شفتك

مشاعل : مشكور

بدر : مشاعل ابي اكلمج اليوم

مشاعل : خير

بدر : خير ان شاء الله بس انا بدق على تلفون خالتي وابيج انتي تدرين ساعه 10 اوكي

مشاعل : اوكي

وراح بدر عنها وقعدت تلعب بالتلفون

ساعه 10 م ​

رن تلفون وشالته

مشاعل : خير بدر

بدر : مشاعل انا احبج من يوم كنا صغار وبصراحه ابيج على سنه الله ورسوله

مشاعل : بس بدر انا توني صغيره على زواج وبعدين انا مالي خلق مسئوليه

بدر : انا ما قلت الحين نتزوج يعني على سنه اليايه لا تردين الحين فكري عدل ورديلي خبر

مشاعل : اشوف

بدر : عيل تصبحين على خير

وسكرت التلفون

بدر :عمره 24 سنه خريج امريكا ومثل ما عرفتو اهو محامي ويحب مشاعل من زمان واهو طويل وعريض المنكبين ووووايد حلو

مشاعل تفكر : والله بدر مو شين بس تو الناس ما ادري احس ان مو اهو اللي ابيه بخليه على ويتنق ليست

 

[برنسس أوراق]

حلووووووووووووو
واصلي ابداعج ياقمرررررر
ناطرينج

 

[Miss Dodi]

وااااايد حلو البارت

كملي حبوبة ناطرتج

 

[الفريده]

حلو البارت بس قصير بس هم حلو
ناطريييييييييييييييييييييييييييييينج

 

[احكي يا شهرزاد]

حلووووووووووووو
واصلي ابداعج ياقمرررررر
ناطرينج

حبيبتي والله انتي القمر

 

[احكي يا شهرزاد]

وااااايد حلو البارت

كملي حبوبة ناطرتج

حبيبتي والله

 

[احكي يا شهرزاد]

حلو البارت بس قصير بس هم حلو
ناطريييييييييييييييييييييييييييييينج

حبيبتي انتي ان شاء الله راح احاول اطول البارت