الدكتوووووووووووور باتريك==

[رماديه]

صاجه bnt_kwt اللي اتقول فاشل اتعلمنا شالسبب؟

يعني علشان ما نجحت عمليتكم سبحان الله الرزق مو بيده اهو يسوي اللي عليه والرزق من الله وماشاء الله اشكثر حملو عنده.

انا وحده حملت عنده واللي سوو العمليه معاي بالمستشفى تعرفت عليهم ماشاء الله اربعه احملو و وحده تبارك الرحمن عندها اربع اعيال و في كل مره اتسوي العمليه عنده تحمل.

 

[زينة2008]

عيل اذا اهو فاشل ليش دق عصي عنده فسرولي

 

[عروسه 99]

الله اللي اعرفه انه خوش دكتور انا مرت حماي سوت عنده تلقيح وحملت والله يرزقكم انشالله

 

[LajoOona]

بنات حبيت اوضح الأشياء الي سواها معاي علشان لا تقولون ظلمته
اول شي اهو غالي زياده عن اللزوم يعني كلفتني 3500
مع العلم عند فوزيه 1500 وعند جنين حدود 2000 لان زوجي سوا عمليه
الشي الثاني سوالي شي اسمه قياس الرحم تخيلو سواه بثاني يوم الدوره ومن غير بنج ويدخل براغي فيج الي انا مت وحييت
دكتوره فوزيه ودكتوره منال سوالي هالشي اثناء عملية السحب ووقت البنج علشان ما تحسين بالالم
عطاني ابر وايد سببت لي ثضخم حيل ووقفو بعدين الابر 3 ايام خافو تنفجر المبايض
يوم السحب اكتشفت انه مسافر ودكتوره ثانيه سوت لي السحب
خلوني مكشفه وانا مبنجه فتره والمكان برد ودخلني هوا الي طلعت من العمليه اصرخ 3 ايام من العوار
بعد العمليه صار معاي نزيف يومين مع العلم مع دكتوره فوزيه ودكتوره منال الم بسيط ودم خفيف ووقف
وكل هذا بعد ما تقولون مجرم
انا جربت بعيادتين غيره كان الموضوع حيل سهل ولا عانيت المعاناة الي عانيتها معاه
وصدقيني انا ما كتب لي الضنا مع فوزيه القطان لكن فعلا انسانه مريحه والله ايدها خفيفه وانصحج تعالجين عندها
وانا ما اكتب هالشي لان الله مارزقني لما عالجت عنده الرزق بيد رب العالمين لكن فعلا تعبت منه ومابي ولا وحده تعاني المعاناة الي عانيتها والله على ما اقول شهيد

 

[رماديه]

LajoOona حبيبتي اذا انتي صادف معاج هالشي آنا امسويه عنده كذا مره ماصار فيني اللي اتقولين مع العلم اني جربت العلاج بالخارج في بلجيكا و ما فرق باترك عنهم وبالعكس ارتحت مع باترك اكثر لأن يقعد معانا ويكلمنا ويوضحلنا كل شي بالتفصيل لكن في بلجيكا لا والله ما شفنا الدكتور غير مرتين و ابسرعه ابسرعه وما يقولونلج ولا شي مادري يمكن من الزحمه اللي عندهم.

بس كلمة ( مجرم ) هاذي قويه الصراحه اللي يسمعج يقول قاتله قتيل لا حول ولا قوة الا بالله.

وتجارب البنات وايده الاغلبيه يمدحونه، من ناحية الفلوس إي اهو أغلى من غيره بس والله مستشفى لندن ما عليه خلاف وااايد زين الا يهبل بعد والمعامله 100%

 

[miss-sarona]

مشكوووووووووووووورين حبابيبي على الردود بس والللله انا حدي خايفه اسوي هالمنظار

 

[رماديه]

miss-sarona لا تخافين حبيبتي المنظار ما يخوف غمض وفتح الا كل شي منتهي

الله ييسرها عليج و يرزقج

 

[miss-sarona]

ناس يقولون لي سوي وواهلي يقولون لي لا تسوييييين والللله احترت انا وامي تقولي مالج شغل باحد لاتسوييييين توج ما صار لج وااايد من متزوجه سنتين ونص

 

[حنين76]

حبيبتي انا اول نصحوني اروح له ووحدة من اهل زوج اختي راحت له وسوت اطفال انابيب وحملت بس كل ماابي اروح له مالله يكتب لي واذا تبين نصيحتي وااكدلج انج ابدا ماراح تندمين روحي عند دكتور ناهض حمادية في مستشفى المواساة وهو كان اول بلندن وماشالله عليه فاهم ويشخص حالتج عدل وانشالله ربي يرزقج بدون عمليات ياارب.

 

[miss-sarona]

يارب العالمين ويرزق كل محرومه

 

[++The DuchesS++]

واااايد يمدحونه بس عيبه انه مااادي

 

[أم حسون]

وايد زين ويمدحونه والكل يبي فلوس موبس اهوا دام قاعد اييب نتيجه خل ياخذ لااول واحد ولااخر واحد
رفيجتي سوالها حقن مجهري وكاهي ولدت ويابت بنت ماشالله
ورفيج ريلي هم عالج عنده وياب بنت ماشالله
دام مومرتاحه لاتروحين له غيريه شنو المشكله؟

 

[زينة2008]

ياجماعه الحين شنو المشكله

 

[رماديه]

ناس يقولون لي سوي وواهلي يقولون لي لا تسوييييين والللله احترت انا وامي تقولي مالج شغل باحد لاتسوييييين توج ما صار لج وااايد من متزوجه سنتين ونص

ليش يعني اذا صارلج سنتين ونص لازم تنطرين لما يصير لج 7 والا 8 اسنين واتسوين؟

المنظار علشان يتأكدون ان كل شي سليم وآنا اقولج سوي اهو اسمه منظار مو شي صعب و اختي ترى السنين تركض و احنا مو حاسين فيها وتبدين علاج الحين علشان اذا فيج شي اتعالجينه ابسرعه واتحملين ولااااا تقعدين وتسكتين وبس
واستشيري الدكاتره وأمج على العين والراس بس الأم مو ابكل الاحيان رايها يكون اهو الصح.