الدكتور قال لي شكلج قبيح !! يعني لي متى بنحبس بالبيت ؟

[كلي ذوق 1]

ووووويه وش هالدكتوور ماااعليك منه اذا كنتي وااااثقه الناااس بتتقبلك وبالعكس ماااحد بينبه لعيووب خشمك

 

[a7la-elbanat]

و"من يبدل نعمة الله من بعد ماجائته فان الله شديد العقاب"

هذا عقاب ربج لج لانج لعبتي بخلقتج وغيرتيها

الله يعينج ويغفرلج

 

[a7la-elbanat]

اهم شي اللي موعاجبها كلام ربها اقولها الله يعينج على نفسج

شكلج من فوقج لي تحتج تجميل الله يعينج والله على هالعقليه ويعين الناس اللي حوولج

 

[LuLiTa]

انا خشمي قبيح وكنت افكر اسوي عمليه لكن افكر هل الي بيسويه لي بيسويه احسن من ربي الي خلق كل شي
فانا مستحيل اروح لان ربي هو خلقني وهو افضل الخالقين

لوووول عيل ليلو هم الحجي الاولاني يمشي عليج

 

[why not 96]

الحين بتحبسين روحج عشان خشمج ...!! طلعي وشوفي حياتج وراح تشوفين الجياكر وتوسعين صدرج وخلج واثقه من نفسج وشوفي نفسج احلي وحدة وسلامتج. فديت خشمج <<< اتغشمر وياج عادي طيحت الميانه*

 

[shams2008]

خلج واثقه من نفسج
وتوج مسويه العمليه ماتبين النتيجه الحين
والرفعه لازم مع الوقت ينزل الخشم لا تحاتين

 

[*صَبا*]

صج انه مايستحي
ماعليج منه

اهم شي انتي مقتنعه

وطبيعي اي دكتور بيذم شغل غيره

ذكرتيني بدكتور اسنان كنت رايحتله قبل سنه ونص عالج لي ضرسي

وقبل شهرين رحت له مره ثانيه اعالج نفس الضرس لانه يعورني
الا يقولي هاي اي دكتور اللي ماعنده خبره مسوي بضرسج جذي
وتم يمدح نفسه وانه مستحيل يتصرف بهالغباء

الا قلت له دكتور على فكره انت اللي مسوي بضرسي جذي

انصدم وقلب كلامه
يقولي لا والله هو الوضع طبيعي بس المفروض انتي تجيني بعد الحشوه باسبوع عشان اتاكد واتطمن عالوضع واظاهر من الاهمال صار بضرسج جذي

يعني من الاخر
الدكاترة وخاصة التجميل لاتاخذين بكلامهم

لان هم يتنافسون
وبعدين لانج مسوية العملية عند دكتور ورايحه لغيره اكيد بيتفلسف عليج

ماعليج طلعي واستانسي
وطبيعي الخشم يكون مرفوع اول شهرين وبعدين ينزل عادي

 

[دبي العز]

....................................................

 

[جروح ودموع]

لا تصدقينه جذاب انا رفيجتي نفس حالتج بالضبط خشمها مو عدل ومرفوع اول ايام العمليه بس بعد شهرين من العمليه صار خشمها يهبل يهبل وسوتها بسوريا

 

[جوانا2010]

الله يعين

 

[fr07a22]

الله يعينج عاد الشاليهات ماتطوووف لوووووول حطي لزقات يبا وروحي استانسي تحبسين نفسج لمتى ؟؟؟ الدنيا حلوه اهم شي انتي متقبله شكلك

 

[أو عبوش]

يقولج قبيح

عشان يبيج تسوين عمليه عنده<< ويشفط فلوسج


يعني انا اسوي خشمج قبيح وغيري يسويه قبيح!!!

 

[last-moon]

الله يعينج حبيبتي انتي​

 

[Drama.Queen]

يبا عادي لا تتعقدين

شكو فيه اهو صج كلمته تعوووور


بس مالج شغل في مثل يقول لو تشابهت الاذواق لبارت السلع

مايعجبه اهو يعجب غيره

 

[غداً القاك]

هههههههههههاي فيه احلى من خلقة ربي

 

[z8rtia]

السلام عليكم ورحمة الله وبركاته
هداك الله اختي مثل ما قالوا البنات أكو أحلى من خلقة ربي؟
ما أبي أضيق خلقج أكثر بس ما في سعادة بالمعصية ودرب عمليات التجميل متعب
يتعب نفسيا وجسديا وماديا!
كيف تجازفين بخشمج؟ اللي راح تظلين معاه طول عمرج
وكيف سمحتي لابليس أن يقنعك بتغيير خلق الرحمن؟ الذي خلقك وسواك من (لا شيء)
أما تدرين أن من تغير خلق الرحمن (بدون سبب طبي) ملعونة كما ذكر المصطفى عليه الصلاة والسلام؟

أهكذا هان اللعن علينا؟

تعلمين أن اللعن هو الطرد من رحمة الله
التي بدونها لا يدخل أحد الجنة لو كان يسجد لله من خلقه إلى يوم القيامة
بماذا بعتي رحمة الله؟
من أجل ماذا؟
اي ما كان السبب اللي خلاك تقدمي على هذا الفعل
فوالله والله والله لا يستحق أن تبدليه برحمة الله ..

هداك الله أختي
أسأل الله أن يهديك ويصلحك ويجعلك من الصالحات الداعيات لدينه
والله يفرج همج ويصلح حالج

 

[شرغوفة]

حبيبتي اذا انتي متقبله شكلج خلاص طلعي ليش تحبسين نفسج بالبيت واذا على الناس مايعجبهم العجب ولا تسمعين كلام احد الا نفسج وموفقة حبيبتي​

 

[puppy]

عااااااادي يبه طلعي ما فيها شي.. هذي وساااويس

 

[روانتي 12]

اذا انتي متقبله خششمج خلاص طلعي و اذا لا.. لا تطلعين وريحي عمرج

 

[قطوطة]

حطي لزقات

بس شوفي يمكن تاثر سالي احد خبير بذا الشي

الله يوفقج

:eh_s(15)::eh_s(15)::eh_s(15)::eh_s(15)::eh_s(15)::eh_s(15):