الدكتور شوه ولدي حسبي الله عليه

[BaLLoNa]

قوة يا امهات وااي نفسيتي صج تعبانة قبل 3 ايام ولدي كان طالع له حبتين بجسمه وفيه حرارة و عوار ابلاعيمه ، فقلت اكيد الجكن بوكس الي اهوا العنقز وقمت وديت ولدي الهادي عند دكتور اسمه اشرف الله لا يوريكم اخلاقه زفت وقليل ادب غصب يرد علي و يطالع مكان ثاني ويكلمني ويتأفأف كل شوي مادري ليش ، المهم طلع ولدي فيه العنقز قام الغبي عطاني مضادين واحد حق بلاعيمه وواحد حق العنقز عطيت ولدي وثاني يوم قمت ولا اشوف جسم ولدي مترووووس حبوب مسكين وانا مواصلة بهلادوية وكل يوم يزيد ، والله العظيم لا تشوفون شكل ولدي يخرع ويهه مترووووس و حتى بجفونه وداخل حلجه يخرع تشوه ، جان قمت وديت ولدي عيادة عفاف الرومي عند دكتورة اسمها ماريانا مسكينة انصدمت لما شافت ولدي اتقول ليش جذي ماعطيتيه المضاد ، جان وريتها المضاد اتقول لي هلمضاد وايد ضعيف ومايسوي ولا شي ليش عطاج هذا اصلا وليش مضاد ثاني حق بلاعيمه ماله داعي لان عوار بلاعيمه بسبة العنقز عطتني مضاد ثاني وايد زين وحدة بوحدة اتقوله لو ماعطته من اول مرة جان ولدي ما صار فيه جذي.
الخين بعرف والي يعافيكم ولدي راح يتم جذي لمتى؟؟؟ شكله يخرع والاثر متى يروح وشنو اقدر اسوي عشان اخفف شوي على ولدي الحكة ومكان الاثر ؟؟

 

[*ماي الورد*]

لا تحاتين هالاثار ان شاء الله بتروح

احسن شي تسبحينه بماي البحر بس الحين الجو بارد لو تحصلين احد ايبلج و تسخنينه بجدر
و تسبحينه فيه وايد زين

 

[BaLLoNa]

اخااف يحرقه ماي البحر ولا عادي ما يحرق؟؟

 

[*ماي الورد*]

لا ما يحرق مجربته على عيالي يساعد على جفاف الحبوب بسرعة

 

[fatomd]

لا تحاتيينه ماكو الا العافيه
جربيي كريم contracuboux cream
عجيب للاثار مرتيين باليوم
تخيلي انا اثر القيصريه روحه
و هم عيالي حاشهم التهاب بالجلد و هد اثار استخدمته لهم و نفع لا تحاتين

 

[أنفاسي دخون]

حبيبتي لا تحاتين هالحبوب اللي تارسه جسمه وداخل حلقه وجفونه من العنقز

عليش بالدوا الابيض على الحبوب وان شاء الله 5 ايام اسبوع بالكثير يغدي شره

بس اهم شي السبوح كل شوي سبحيه

وما يشوف شر ان شاء الله

 

[أنفاسي دخون]

حبيبتي لا تحاتين هالحبوب اللي تارسه جسمه وداخل حلقه وجفونه من العنقز

عليش بالدوا الابيض على الحبوب وان شاء الله 5 ايام اسبوع بالكثير يغدي شره

بس اهم شي السبوح كل شوي سبحيه

وما يشوف شر ان شاء الله

 

[هديل 77]

ياقلبي مايشوف شر حبيبي

 

[غلاي امي وزوجي]

ما يشوف شر

 

[ديانا سبنسر]

انا صار فيني عنقز اذكر امي تحطلي الدوا الابيض وبسرعة طبت

 

[اختكم بالله]

مايشوف شر ان شاءالله

 

[Q.8.h.2]

اهم شي تسبحييييينه

انا ولدي قالو لي مو زين له السباحه تخيلي اسبوعين ماسبح تقريبا ومع الحبوب اللي طالعتله صارت فيه ريحه مسكين وديته الطبيب قالي من قال مااايسبح لااازم يسبح بالعكس

بس حبيت افيد بهالشغله اخاف ناس قايلين لج لايسبح وصير فيه مثل ولدي طبعا ريحة راسه ظلت جم شهر مسكين والحين الحمد لله مافيه الا العافيه

 

[BaLLoNa]

فديتكم والله تسلمون على ردودكم ، والدوا الابيض قاعدة احط له وصح قالو لي ما اسبحه بس انا اسبحه ويرتاح اكثر عقب السبوح حبيبي وهم سويت سيرج بلقوقل طلع لازم اخلي ولدي في بانيو فيه ماي وخل بني وصج ارتاح راحت الحكة شوي

 

[رفرف]

حبيبتي عادي الحبوب من العنقز مو من الدوا لا تتحسبين ع الدكتور ..
في ناس يحوشهم خفيف وناس يحوشهم قوي انتي ولدج اللي حايشه قوي نفس بنتي الله يشفيه ..


والدكتورة الثانية لازم تطلع الدكتور اللي قبلها غلط وما يفهم ولا شلون يربحون ؟؟
اذا تسبحينه بماي البحر وااايد زين .. وكملي على ادويته والله يشفيه لا تحاتين وايد

 

[ZajiL]

مساء الخير

عادي المضاد ماله شغل ابدا انا ولدي بعد انترس بشكل يخرع
بكل مكان تشوه بشكل مو طبيعي بس كله راح الحين ولا له اي اثر سبحان الله
مايشوف شر

 

[قمر الكويتية]

فايده لجميع الأمهات ،، لأن أغلبهم مايعرفون هالمعلومه

أول ما يصير بولدج أو بنتج عنقز و ديه مستشفي الأمراض السارية لازم من أول يوم أو ثاني يوم رح يعطونك مضاد حيوي قيمة المضاد 20 دينار يصرف فقط للكويتيين

ميزت هذا المضاد إنه يحد بشكل كبير جدا من إنتشار العنقز بالجسم ويمنع ظهور المزيد منه في جسم الطفل ،،، الدواء ممتاز أي وحده ولدها في عنقز عن تجربة لاتخلينه وديه من أول يوم

إذا صار ثلاثة أيام للطفل وما وديتيه ما يصرفون لج الدواء لأن رح يصير ماله مفعول

ألحين إذا عندك عيال غير هالولد من أول شي وديه هناك و الله أحسن لج ،،، مايتعذب الطفل

و أهم شي ولدك لا تخلينه يحك لحبوب إلي بجسمة و كثري من سبوحه بماي مو شرط صابون

 

[{الجارحه}]

ياحياتي

مايشوف شر ان شاءالله

 

[*ريما*]

الله يشفية

 

[كويتيه مذهله 87]

اخييييه مايشوف شر حبيبي
ماعندي فكره بس البنات ماقصروا

 

[دودي حبيب الروح]

رد : الدكتور شوه ولدي حسبي الله عليه

مايشوف شر ياقلبي