الدكتوره نجينبه القطان

[Om-Nasser]

بنات منو تراجع عند نجيبه

مو فوزيه لا نجيبه الي بالسالميه شارع المطاعم " الغدير كلينك "


ابي وحده مجربتها ولاده اشولنها انا كل مره اراجع عندها بس مراجعات والولاده كانت بمستشفى الاحمدي تبع الشركه والحين شالوا ملفي ما اقدر ادخل كلش


فقلت ابيها تولدني بس بسألكم الي مجربتها والي سامعه عنها

واشكثر تاخذ


ياريت تساعدوني وما طنشوني :tomato2: ريحوني وايد احاتي​

 

[أحلى روان]

ويييييع لمن كنت حامل بالبجر راجعت عندها شهرين بعدين تعبت نفسي بالدوام وتبطل الرحم وكنت احتاج ربط ما طلعوني من الهادي لمن رحت بليل قالوا مو زين يمكن يطيح البيبي ،، المفروض تمرني المستشفى الصبح بس برود الثلج ياتلي العصر و تقولي تبين ربط ولا ننطر وانتي وحظج يا يطيح يا ما يطيح مو صاااااحية ريلي واهلي عصبوا ان شفيها هذي يمكن يطيح جان اروح حق معصووووومة مخصيد والله نفس اليوم قالت لي دخوووول لازم ربط حرام يطيح وانتي تعبتي بالنسات كلامها يريح ويثلج الجبد وبس من بعدها كله مراجعاتي وولادتي الاولى والثانية عندها
ادري قرقت على راسج بس والله باااااردة وعديمة الاحساس وانتي واللي يريحج والله يسهل عليج يا رب

 

[أحلى روان]

كلهم نفس الاسعار طبيعي 250 وفتح بطن 400 او 450

 

[Om-Nasser]

وااااااااااااي ترا مو بسانت الي اتشكين منها الكل بس مادري والله شقولك


والحين اشولن حالتك تم الحمال بعد العمليه ان شاء الله ؟

 

[Om-Nasser]

وبسال اشلونها بالقيصريه منو مجربها


بنات مت وانا افكر ريحوني

 

[lolo6688]

انا اراجع عندها وانشالله بولد عندها
ووايد يمدحونها ماسمعت عمري احد يذمها غير الاخت احلى روان
وانا قبل فتره نزلت موضوع وشوفي الردود يمكن تريحج

http://www.q8yat.net/showthread.php?p=10589851#post10589851

 

[أحلى روان]

والله انا ما ارتحتلها يعني في دكتورة تقولج يمكن يطيح يمكن ما يطيح انتي وحظج شهل الحجي وكل واحد يرتاح حق دكتور معين
وانتي اذا مرتاحلتها خلج عليها بس انا قاعده اقولج تجربتي معاها ،، وحمد الله سويت ربط عند معصومة وولدت ويبت روان
الله يسهل عليج يارب
وانشاء الله تولدين بالسلامة يارب

 

[Om-Nasser]

انزين اشلونها مع القيصريه

 

[أحلى روان]

قيصريتها ب 450 ومعصومة مخصيد اللي غالية بمراجعاتها قيصريتها ب 400 كل الناس ب 400 بس اهي غالية ما ادري على شنو حتى ناهدة العلي شاطرة ترى وزحمة عليها ،، انتي شوفي نفسج ولالازم تحطين ابالج ان يمكن ما احصلها بولادتي او مسافرة فلازم تحطين البديل ولا تحاتين جذي مو زين الله يسهل عليج يارب سهااااااالات وبتتذكرين كنت حامل انشاء الله

 

[MyLittleBerry]

صارلي 6 سنيناراجع عندها بحملاتي الثلاث\\

لوموزينه جان غيرتها


تهبل وصبوره

ولدتني في بجري

بس يتني اخر شي\\


امدحها حق المراجعات

بس الولاده مادري بالثاني ولدت بالمواساة اللي ولدوني سسترات المستشفى مالحقت الدكتوره بس حسيت نفس الشي

 

[Om-Nasser]

وييييييييه فتحتي علي باب يديد


يعني احتمال ماتكون بالديرة انزين واذا انا حاله واهي تعرف هذا الشي ماتحط في بالها انها لازم تكنسل كل شي لما موعد ولادتي


وبعدين انا اتصل على العياده وقت الولاده ولا اشلون


اخاف المستشفى ماعندهم رقمها ولا مادري يصير شي

 

[Om-Nasser]

صارلي 6 سنيناراجع عندها بحملاتي الثلاث\\

لوموزينه جان غيرتها


تهبل وصبوره

ولدتني في بجري

بس يتني اخر شي\\


امدحها حق المراجعات

بس الولاده مادري بالثاني ولدت بالمواساة اللي ولدوني سسترات المستشفى مالحقت الدكتوره بس حسيت نفس الشي

والحين ان شاء الله شنو ناويه عليه تولدك ولا اشلون

 

[Om-Nasser]

انا بعد 6 سنوات بس احس نفسك فيها شي

مادري ماتبرد القلب مادري

 

[ipink]

توني والده عندها من شهرين ولدتني برويال حياه وولادتها حلوه وايدها خفيفه ماتحسين بالخياط وبالها طوييل تنتنطر عليج وايد وكل الدكاتره اصلا ما ايون الا حزه الحزه بس اهيا يات ونطرت معنه ولادتي الحمدلله كانت سهله بس طوييييييله وايد تقريبا يوم كامل وانا بالولاده بس الحمدلله ولدتني طبيعي بس خت 280 ما ادري يمكن عشان ولادتي طولت ولا عشان غلاء الاسعار .. وبالعكس بالمراجعات تهبل وتشرح كل شي وتعطيج مجال تكلمين وتقولين ل شي وخاصه انا بجر ماكنت اعرف شي ووايد ااسال وطولت عن موعدي سبوع تقول لي عادي وتهديني وقالتلي اذا تبين تاخذين زياده بعد سبوعين اذا ماولدتي هم عادي المهم تولدين طبيعي انشالله والحمدلله انا اتاخرت سبوع كامل وقالتلي اذا مستعيله تبين تولدين دشي طلق صناعي بس انا عادي اعطيج مجال سبوع زياده والحمدلله ولدت ويالي الطلق بنفس اليوم اللي قالتلي دشي حق طلق صناعي

 

[BaLLoNa]

السلام عليكم .. ام ناصر انا بولادتي الاولى كنت عندها وهم مارتحت لها من وبعدينن بلولادة ما ياني طلق جان قالت لهم ان يحطون لي طلق صناعي واهيا ما كانت موجودة واخر شي قيصرية والسبب ان راس البيبي كان على جنب صاير مادري شلون اقول لج المهم يعني لو اهيا كانت موجودة من البداية وشايفة شلون وضع البيبي جان ماحطت لي طلق صناعي وبلنسبة حق قيصريتها عجيبة انا ماحسيت فيها بامانة والجرح مكانه صغير وكبس مسوية كانت بس اهم شي المشي عشان اتطيبين بسرعة

 

[أحلى روان]

شفيج مو مقتنعة فيها اذا انتي مرتاحة منها كملي معاها ،، انا ما ارتحتلها ولمن رحت حق معصومة بس ابيها ومابي غيرها وحتى بالثاني هم ما فكرت اغيرها ولو يصير فيني اي شي على طول عندها لاني مرتاحلتها فانتي اذا مرتاحة لا تسألين احد اللي يريحج سويه واذا انتي عارفة انج قيصرية ترى اسهل لان تقولج تعالي هالحزة وبنج وبس ادعي الله يسهل عليج انتي ربج اللي يسهلها انشاء الله

 

[Om-Nasser]

والله ريحتوني

بس اشكثر تاخذ على القيصرية


ومنو بعد مجربه القيصرية غير بالونه

 

[سعادتي برضى ربي]

انا حاليا اراجع عندهاا بس ولا مره ولدت عندها
بالمراجعاات وايد زيينه بس احاتي وقت الولاااده

ومحتاره

 

[ummallok]

ماادري بنات انا حاليا اراجع عندها بس ماارتحت لها كلش تقعدني على السونار دقيقتين مو اكثر ولا تشرح ولا قالها الله
ولا تسأل اذا فيج عوار او لوعة او افرازات اواي شي والي لا حظته انها ماتركز على البيبي كلش يعني انا جربت ناهدة وماجدة كميخ
كانوا ياخذون كل قياسات البيبي منها الراس والحوض وعظمة الفخذ اما نجيبة ماادري جنها ماخذت شي رحت لها مرتين او ثلاث تقعدني
دقيقة او دقيقتين ويلا مع الف سلامة ادري طولت عليكم بس هذا الي صار معاي .
وانا ماخذة موعد عند ناهدة هالشهر عشان اكمل مراجعاتي عندها ان شاءالله.

 

[Om-Nasser]

لا حرام انا تشوف كل تفاصيل البيبي وتقولي على الوزن والالحجم والرحم وتراويني بكل زيارة وهذا نثل ما قلت بكل حمال لي تسوي جذي وتخليني اسال وتعطيني وقت ان شاء الله الو جبدها مسكينه


بس مثل ماقلت ابي اسال عن الولاده والقيصريه