الدكتوره ماجده اليتامي

[كويتيه مذهله 87]

هلا ستايل
والله حبيبتي لي الحين ما قري موعد عمليتي دقيت علي ماجده اليتامي وفوزيه القطان ووحده اسمها امل في طيبه كلينك كلهم نفس الكلام يقووولون لمن تيي الدوره تعالي

تخيلي امس والي قبله ذابحيني لان هالفتره مبيايضي نازلين تحت لان صار21 من الدوره وايد يعورون بس اليوم جنه اشوه ما احس بعوار

 

[هندااا]

انا اعالج عند ماجده بس الصراحه مادري شلون...احس ماتعطيني من وقتها ابد...يعني اول مراجعتين للسونار المهبلي مامداها حطته جان اتشيله...يعني مادورت في بويضه مافي....كله مستعيله...وبطت جبدي بعد ان انا مافيني ضعف بالتبويض بس هرمون الحليب مرتفع وقامت عطتني كلوميد وابر...وانا مثل الهبله ماأسال بس اخذ...عاد هالمره الاخيره لما رحتلها لقيت زحمه وكنت مستعيله وقالولي محد فاضي غير د حسام قلت اوكي مو مشكله .....دخلت عليه وسوالي سونار مهبلي وقعد إدور وإدور على البويضه لين لقا وحده وقاس حجمها وعطاني جم نصيحه..وقالي التبويض عندج زين والشهر الياي ماراح اعطيج منشط عشان مانرهق المبيايض...بس الصراحه وايد ارتحتله واكثر من ماجده تراها سمعه عالفاضي..............وسألي مجربه

 

[كويتيه مذهله 87]

مشكوره حبيبتي هند علي النصايح والمعلومات عنها
وانشالله بسمع من نصايحج

 

[Amory]

ماجده اليتامى أغلى من العيادات الثانيه آنا جربتها مره وحده وحسيتها مو خبره ابحالتي وحسيت بالعياده انهم ماديين حيل لي درجة اني بس طلعت من الغرفه قاموا يركضون وراي المصري اللي اهناك والسستر يقولون دفعي حق السونار ... انصدمت من سعر السونار لأني كنت اراجع في طيبه كلينك وكان السونار اهناك مجاني مع كل مراجعه ما تدفعينله افلوس.

 

[كويتيه مذهله 87]

صح كلامج حبيبتي اموري
انشالله براجع عند طيبه كلينك عند الكتوره امل

 

[*ستايل*]

اى والله عدل كلامكم الدكتوره ماجده تحسين سريع حيل بشغلها بس تبى تعطيج العلاج وتطلع ومن كثر ما هى عجله تنسين بعض الاسئله اللى تبين تسالينها

انا نفسج ترى قالت لى عندج جيس بالمبيض
وعطتنى حبوب قالت تستعملينهملمدة 15 يوم وبعدها راح تنزل عليج الدوره
تراجعينى
مادرى شبتسوى وانا على الدوره
بس قالت ترى عادى عادة الكيس اللى يطلع بالمبيض ما ياثر بشى حتى لو حملتى ...بس نتابع الجيس اثناء الحمل
بس انا خفت وسالتها شلون لو حملت وضايقنى
قالت فيه نسبه من الحريم يضايقهم بالحمال هنى لازم نشوف له صرفه
قلت لا دكتوره ان بالاول بعالجه والحمال ان شاء الله بعدين

والله يسوى اللى فيه الخير ويشافينا يارب​

 

[كويتيه مذهله 87]

مشكوره يقلبي ستاسل علي متابعتلج لي

 

[زيـــنه]

انا وحده رحت للدكتورة ماجده بعد ماحنوا علي روحي روحي قلت اوكي وكنت ابي الحمال ودخلت عليها وسوت لي سونار داخلي فحوصات شامله ولما سوت السونار جان توقف وقالت عندج كيس كبير حجمه 7سم انا هنيه اخترعت وقالت لازم نشيله لج ونسوي لج عملية فضخت قلبي انا وزوجي وتسوي لنا دخول للمستفشى الهادي وعطتني ورقة الدخول وتقريبا تكلفة العملية 500 دينار انا رحت لامي جان تقولي مافيه عملية لين تروحين للدكتور منصور العرف رحت له وانا على اعصابي وذاك اليوم بس بجي خفت لان اول مره امر بهالموقف صغيرة ومااعرف شيء حتى امي وزوجي كانوا خايفين حيل دخلت على الدكتور وقال يبه لاتخافين انا اعطيج حبوب منع حمل شهر واحد وتعالي لي الشهر الجاي وانا ابصم لج بالعشرة ان الجيس رايح رايح يعني لاعملية ولا بطيخ لو بسوي عملية حق كل وحده فيها جيس جان قصبنا نص بنات الكويت كلهم فيهم جيس يبه الحبوب تشيلها 100% ولاتحاتين وفعلا الحمدلله راح الجيس بعد مااخذت الحبوب يعني اختي انصحج روحي لمنصور العرف واستمري معاه واخذي الحبوب وخلي الدكتور ماجده على الصوب اكثر انسانه ماديه انا كانت هذيج اول زياره لها وسيده تبي تسوي لي عملية وتتكسب من وراي وانا حلي مايتعدى حبوب ياسبحان الله

 

[كويتيه مذهله 87]

الراحه صدمتيني بكلامج زينه
لهدرجه الفلوس تسوي جذي انزين احنا شنو ذنبنا؟؟؟؟؟؟
يلعبون فينا علبوووا ياخذون منا فلوس
حبيبتي زينه الدكتور منصور ريال ويمكن ريلي مايرضي
بس بحاول فينه ممكن رقمه او عنوانه؟؟؟
واكون شاكرتلج

 

[لازوردي]

حبيبتي شوفي ناهده العلى ترا ممتازه انا قبل لا احمل بشهر طلع لي جيس على المبيض و قالت لي لا تاخذين شي نطري الشهر الياي وتعالي اذا ماراح اعطيج دواء يشيله او اشيله لج وماكان بعد بس جيس كانوا اكياس صغار و الشهر اللي عقبه رحت لها و الحمد الله مافي ولا جيس و حملت بنفس الشهر لأني كنت اتابع التبويض عندها و ترا خوش دكتوره و مو ماديه مثل ماجده اليتامى و الله حتى انه مراجعتهاارخص من باجي العيادات 15 دينار مع السونار و فوق هذا خوش دكتوره و عندها ضمير و كافي سمعتها بين الناس انصحج تروحين لها حبيبتي و انشالله ربي يكتب لج اللي فيه الخير يارب


وانشالله ربي يرزقج و يرزق كل وحده بالذريه الصالحه يارب ....

 

[زيـــنه]

هلا والله كويتيه صراحه منصور ممتاز ماشاء الله عليه وتخصص تلقيح وامور حمل وانجاب

انا مثلج كنت مابي رجال كنت خايفه من ردة فعل زوجي بس لقيته هو يقولي روحي له لانه ماشاء الله تبارك الرحمن شاطر

وعلى فكرة اذا ماتبين يفحص عليج مايفحص وحتى السونار الداخلي مو هو اللي يدخله السستر

هو له مستشفى كامل بالجهرا رقم تلفونهم 4555050

 

[كويتيه مذهله 87]

مشكوره يعمري والله يعطيج العافيه
وتسلمين

 

[طووم]

سلام خواتي انا رايي من راي اختي كتكوته انا تعالجت عند ماجده اليتامي ومارتحت لها تتعامل ويا الي تاخر الحمل عندهم مثل زبون جاي يشتري منها مافي اي احساس بس صراحه ذكيه بتخصصها

 

[nunu_q8]

انا راجعت عندها كان فيني تكيس بالمبايض
اولا اسعارها غالية مقارنة بالمستشفيات بس قلت مي خالف اهي استشارية ولها دعاية وايد
طبعا من الزحمة الي عندها بالغصب تحصلين موعد ولما تدشين عليها بسرعة بسرعة تبي تخلصج علشان الي وراج يدشون هذا اذا ما دقوا عليها المستشفى للولادة
راجعت عندها كذا شهر و ما استفدت
عطتني منشطات زيادة على الي احتاجه و سببتلي تضخم بالمبايض و الله ستر تلاحقوني عقبها ما دخلت لها مرة ثانية تووووووووووووبة

 

[بمبرة]

سبحان الله بنات شلون ترتاحون للدكتورة ماجدة
الصراحة سمعت عنها وايد كلام ووايد يذمونها
ونفسها الله يهداها خايسة ما ادري ليش​

 

[ام فطوووم]

شوفو بنات انه اراجع ابعيادتها
والله لمن اكون قاعده بالاستقبال اكثر الزحمه على الدكاتره اللي عندها موعليهه اهي
والله انه كان عندي كيس عالمبيض عطتني حبوب وراح وييتلها الشهر اللي بعده طبعا عقب الكلوميد والابره شهر واحد بس ((كلوميد 5 ايام وابره مره وحده))
والحمدلله ييتلها الشهر اللي بعده انه حامل بفضل رب العالمين والدكتوره شيرين
بس انه ماجده شخصيا مادخلت عندها
وتره اسعارهم ارخص من بره وعن تجربه
الدخله عند اغلب العيادات 15 وانه ادش ب12
وتحليل الحمل بره على 6 و12
انه سويته عندهم اب 4 دنانير
بالعكس كذا تحليل سويته وكان ارخص من بره
وهذي تجربتي ابامااااااااااانه والله

 

[ألوي الكويت]

انا عالجت عنها

حبوبه ومتفهمه

وانا مثلك صار فيني كيس كبير سويت العمليه عندها في العياده
مشا الله شاطره وايدها خفيفه

 

[الفنانه79]

والله انا سمعت وايد يمدحونها
والصراحه اهي (حماة بنت عمتي ) واييييد زينه
وانا اقولج لا تسألين احد لان الاراء راح تتظارب طبعا اللي استفاد منها بيقولج زينه واللي ماستفاد منها او صار معاه اي شي بيقولج موزينه وفيها وفيها
اخذي نصيحة اخت مااستشارت احد واستشارت الواحد الاحد اللي اذا طلبتيه استجاب ومايردج خايبه ابدا
انا استخرت في كذا دكتور ودكتوره وثاني يوم لقيت نفسي عند عيادة الدكتوره معصومه شهرين الا انا حامل عندها من بعد خيرة الله
وهذي نصيحتي لج يالغاليه

 

[سارا ديور]

الراحه صدمتيني بكلامج زينه
لهدرجه الفلوس تسوي جذي انزين احنا شنو ذنبنا؟؟؟؟؟؟
يلعبون فينا علبوووا ياخذون منا فلوس
حبيبتي زينه الدكتور منصور ريال ويمكن ريلي مايرضي
بس بحاول فينه ممكن رقمه او عنوانه؟؟؟
واكون شاكرتلج

شوفي اختي

موسالفة فلوس

بس في ناس الظاهر تبي تدخل وتكشف وتسوي سونار

وتحاليل ببلاش عيب والله عيب طبعا كل واحد يشتغل ويتعب

علشان شنو ... والدكتوره شدعوا لهالدرجه ماعندها ذمه

تجرب بالوادم مرا شهادتها اطول منها تقولون عنها

تجرب فينا علشان للفلوس

عموما انتي إذا مو مقتنعه بكلام الدكتور روحي تأكدي من دكتور

ثاني انتي دافعه دافعه

وعلى فكره ترا انا ما اصير لها كلش ملش علشان ماتقولون

تدافع عنها .. فعلن بدافع عنها لأني جربتها وكلمت الحق لازم

تنقال فيها .. وإللي جربها وماتوفقو معاها مو معناته انها

متعمده وعلشان تبي منهم فلووووووووس

 

[##أم رابعة##]

بصراحة رأيي من رأي الأخت سارا ديور كلمة كلمة آنا راجعتها مرتين

واستقبلتني بكل رحابة صدر وقبل ال تطلع قالت لي أي شئ تبين

اللي تبينه توه الخميس اللي طاف ولا أقرب لها وآنا ما رحت لها الا لأن اللي بالدوام امدحوها لي وراجعتها السنة اللي طافت لأن المستشفى اللي اراجع فيه قالوا لي فيج تكيس طوله 2 سم ويوم رحت لها طمنتيني ولو على سالفة الفلوس جان عطتني أي شئ أنا اجهله وقالت لي بيروح 0


هذا رأيي ودمتم 0000000000