الدكتوره سعاد البصيري افضل دكتوره للاطفال

[مذهلة كويتيه]

:eh_s(17) هلا حبوباتي شخباركم: بنات:eh_s(17): الدكتوره :eh_s(15): معروفه وقديمه بس والله انها تعرف اشياء كل الدكاتره ماعرفوها انا بنتي من 8 اسنين كنت اعالجها عندها وتحسنت كان فيها ربووو والله بالمستشفي ماعندهم غير الكمام والحين بنتي عمرها 11 سنه ماشاء الله عالله وعلي سعاد البصيري اللي كنت ماخلي مراجعاتها وعلاجها ررروعه وفوق هذا الوجه سمح والاسلوب حلووو بنات يمكن قربيتوا موضوعي عن ولدي الصغير اللي توني ولدته وصدره :eh_s(22): واشلون كنت محتاره معاه بس رحت لطبيب الله لايذكره بخير اذبحه:eh_s(22): بالفنتولين والبلماكوت طبعا كرتيزوون طبعا الكمام قالي استعمليه لمدة اسبوعين وراجعيني وولدي للاسواء ولا ليلنا ليل ولا نهارنا نهار ورحنا لمراجعتنا عنده قالي هاج هذا شراب دكادروون طبعا كرتيززون وعطيته بس مره وانا الصراحه وحده عندي خبره مو غشيمه واعرف اللي يضر واللي يناسب اعيالي سرت دكتوره:eh_s(9): المهم قالي زوجي نسينا سعاد قلت يلا نطير لها وشافته طلع معاه التهاب بالزور مو البلاعيم وتورم بالزور وقالت حراام وقفوا الكمام والكرتيزون وعطتنا مضاد ودوا كحه ودوا للصدر لان فيه حساسيه من جبته والله يابنات ثاني يوم نام احلي نومه ونمت معاه احلي نومه:eh_s(6): استمرينا عالعلاج بس 5 ايام والحمدلله والله يجزاها الف خير لانها تشتغل بضمير وتفهم كل شي واللي يجيها تعرف علته لازم ماقصرت ويانا من 11 سنه حنا عندها ولاتفكروون بغيرها واحجزوا بالتلفون لان زحمه غير عااديه عندها اللهم اني بلغت اللهم فاشهد :eh_s(8):

 

[ii DareeN ii]

ماتشوف شر بنيتج ومشكوره على ذكر تجربتك

 

[ضي البدر]

ممكن تعطيني عنوانها ورقم تلفونها

 

[مذهلة كويتيه]

السالميه عند مطعم مروووش اللفه اللي عقبه دايركت واذا مادليتي هذا رقمها 5711226

 

[أوركيد]

سعاد البصيري معروفه من عمر

بس الزحمة عندها ما تشجع

أتذكر مرة طلعت منها مع ولدي الساعة 12 بالليل !!!

 

[mj2009]

انا ماايد العلاج السريع اللي بس 5ايام ويشفى الطفل يعني تعطي مضاد حيوي مركز واعتقد له اضراره انا بصراحه مااذمها بس انا لو مكنج مااحب العلاج السريع اتحسين في المستقبل يقلل المناعه
وانتو بكيييفكم والله يبعدنا عن الامراض

 

[عسولة الكويت]

دكتورة معروفه من زمان بس الزحمة اللي عندها ماتشجع أروح لها
مشكورة على كتابة تجربتج والله يشافي بنيتج ويخليها لج

 

[هوى الدار]

بالفعل دكتوره ماعليها كلااااااااام

 

[ريماا]

انا اختلف معاكم
ولدى سنة ونص وانا اعالجة عندها واهى نفس الادوية وماتتغير كان كلة يتنك ليما صارت حالتة حرجة ولا قالتلى ودى لمستشفى عادى تعيد الادوية ركض رحت لمستشفى الراشد وقالى الدكتور ولدج وضعة حرج ودى الحكوومة اذا صار فى شى انا اخلى مسؤليتى ووديتة الحكومة وشافو ادويتة من سعاد البصيرى وقالوا اصلن سعاد مو حافظة الا هالادوية والحمدالله تحسنت حالتة
وراجعت عند دكتورة ثانية وقالتلى اشلووون دكتورتة سعاد مانتبهت الولد على طول عندة التهاب اذن وخشمة مسكر اشلون سنة ونص تعالج فية بنفس الادوية ولدج فى جيوب انفية اعرضى عى دكتور وفعلا وديتة د.محمودالبوز بوشهرى اكلينك وقالى انة هذا اللى مسببلة العلة
والله قلب الام دليلها لما اشوفها اشلون تعيد الادوية او تغير دوى احس مو فاهمة اقولها دكتورة مانفع معاة لاحياتة لمن تنادى الله يسامحها

 

[ك و ي ت ي ه]

مشكوره ياقلبي والله خووووووش دكتوره

 

[إشراق]

آنا عالجت عندها بنتي كانت على طول مريضة وفيها نشلة وكحة ودايما ترجيع
وكانت سعاد البصيري تعطيها مضاد حيوي ....وماينفع ....وتعطيني واحد أقوى....وعلى هالحال مدة سنة....بنتي صارت عصلة مرة وحدة....بعدين نصحوني أروح للعلي....
ماشاء الله عرف لها على طول قال هذي محتاجة عملية لوز ولحمية مستعجلة
لأن اللحمية عندها سادّة مجرى التنفس وسوى لها العملية في الصباح لما كان هو موجود
والحمد لله من ذاك اليوم بنتي من أحسن مايمكن

واستغربت شلون سعاد ماعرفت لها واللوز و اللحمية شي بسيط مايحتاج شطارة..!!

 

[ماريه القبطيه]

خوش دكتوره الله يخليها لعيالها

 

[الحرير]

ماتشوف الشر بنوتج